---

Ⲡⲓⲣⲉⲙⲛ̀ⲏⲓ ⲉ̅ⲑ̅ⲩ ϧⲉⲛ Ⲭⲏⲙⲓ

---

Ⲙⲁⲱⲟⲩ ⲙ̀ⲡⲉⲛⲛⲟⲩϯ ⲡⲓⲗⲟⲅⲟⲥ ⲛ̀ⲧⲉ ⲫ̀ⲓⲱⲧ ⲫⲏⲉⲧⲁϥϭⲓⲥⲁⲣⲝ ⲟⲩⲟϩ ⲁϥⲉⲣⲣⲱⲙⲓ. Ϣⲁⲛⲧⲉϥ ⲥⲱϯ ⲙ̀ⲙⲟⲛ ⲁⲛⲟⲛ ϧⲁ ⲛⲓⲭⲣⲓⲥⲧⲓⲁⲛⲟⲥ ⲉⲃⲟⲗϧⲉⲛ ⲛⲉⲛⲛⲟⲃⲓ ⲛⲉⲙ ⲛⲉⲛⲁⲛⲟⲙⲓⲁ. Ⲉⲧⲁϥⲟⲩⲱⲛϩ ⲉⲃⲟⲗ ⲛ̀ϫⲉ ⲡⲓⲁⲅⲅⲉⲗⲟⲥ ⲉⲒⲱⲥⲏⲫ ⲡⲓⲁⲙϣⲉ ϧⲉⲛ ϯⲣⲁⲥⲟⲩⲓ. Ⲟⲩⲟϩ ⲡⲉϫⲁϥ ⲛⲁϥ ϫⲉ ⲧⲱⲛⲕ ϧⲉⲛ ⲟⲩⲓⲏⲥ ϭⲓ ⲙ̀ⲡⲓⲁⲗⲟⲩ ⲛⲉⲙ ⲧⲉϥⲙⲁⲩ ⲟⲩⲟϩ ⲫⲱⲧⲉⲬⲏⲙⲓ. Ⲁϥⲧⲱⲛϥ ⲛ̀ϫⲉ Ⲓⲱⲥⲏⲫ ⲁϥϭⲓ ⲛ̀ϯⲡⲁⲑⲉⲛⲟⲥ ⲛⲉⲙ ⲡⲓⲁⲗⲟⲩ ⲛⲉⲙⲁⲥ ⲛⲉⲙ Ⲥⲁⲗⲱⲙⲏ ϯϧⲉⲗⲗⲱ. Ⲁϥⲓ̀ ⲉϧ̀ⲣⲏⲓ ⲉⲬⲏⲙⲓ ⲁⲩϣⲉⲛⲱⲟⲩ ⲉⲔⲟⲥⲕⲁⲙ ⲁⲩϣⲱⲡⲓ ⲙ̀ⲙⲁⲩ ϣⲁⲧⲉ Ⲏⲣⲱⲇⲏⲥ ⲙⲟⲩ. Ⲁⲡⲓⲁⲅⲅⲉⲗⲟⲥ ⲛ̀ⲧⲉ Ⲡⲟ̅ⲥ̅ ⲟⲩⲟⲛϩϥ ⲛⲁϥ ⲉⲧⲁⲥⲑⲟϥ ⲉⲚⲁⲍⲁⲣⲉⲑ. Ϧⲉⲛ ⲡ̀ϫⲓⲛⲧⲁⲥⲑⲟ ⲁⲡⲉⲛⲟ̅ⲥ̅ ⲓ̀ ⲉⲡ̀ϫⲱⲕⲉⲙ ⲁϥⲓ̀ⲛⲓ ⲉⲡ̀ϣⲱⲓ ⲛ̀ϯⲙⲟⲩⲙⲓ ⲙ̀ⲙⲱⲟⲩ. Ⲉⲥϣⲟⲡ ϣⲁ ⲡⲁⲓⲉϩⲟⲟⲩ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲁⲥⲧⲁⲗϭⲟ ⲛ̀ⲟⲩⲟⲛ ⲛⲓⲃⲉⲛ ⲉⲧⲉⲣⲭⲣⲁⲥⲑⲉ ⲙ̀ⲙⲟⲥ. Ⲟⲩⲟϩ ⲉⲩⲉⲣⲁⲡⲟⲗⲁⲃⲓⲛ ⲙ̀ⲡ̀ⲥ̀ⲙⲟⲩ ⲛ̀ϯⲡⲁⲣⲑⲉⲛⲟⲥ ⲑ̀ⲙⲁⲩ ⲙ̀ⲡⲉⲛⲣⲉϥⲥⲱϯ ⲟⲩⲟϩ ϯⲡⲁⲛⲁⲅⲓⲁ. Ⲛⲉⲙ ⲡ̀ⲥ̀ⲙⲟⲩ ⲛ̀ϯⲉⲕⲕⲗⲏⲥⲓⲁ ⲉⲧⲁⲩⲕⲟⲧⲥ ⲉⲡⲉⲥⲣⲁⲛ ⲉⲣⲉ ⲡⲉⲥⲣⲁⲛ ⲙⲟⲩⲛ ⲉⲃⲟⲗϣⲁ ⲛⲓⲅⲉⲛⲉⲁ ⲧⲏⲣⲟⲩ. Ⲙⲁⲣⲉⲛϩⲱⲥ ⲉⲠⲭ̅ⲥ̅ ⲡⲉⲛⲛⲟⲩϯ ⲁⲗⲏⲑⲱⲥ ⲟⲩⲟϩ ⲧⲉⲛϯⲱⲟⲩ ⲛ̀ⲧⲉϥⲙⲁⲩ ⲙ̀ⲡⲁⲣⲑⲉⲛⲟⲥ.

---