Doxology for Virgin Mary

Ⲛ̀ⲑⲟⲥ ⲧⲉ ⲧⲉⲧⲉⲛⲙⲁⲩ ⲙ̀ⲡⲉⲣϩⲉⲛⲑⲏⲛⲟⲩ ⲥⲁⲃⲟⲗ ⲙ̀ⲙⲟⲥ

ⲟⲩⲟϩ ⲙ̀ⲡⲉⲣ ϯⲉⲛϣⲟⲧ ⲛ̀ⲛⲉⲧⲉⲛϩⲏⲧ ⲉ̀ϩ̀ⲣⲏⲓ ⲉϫⲱⲥ

ⲧⲉⲧⲉⲛϭⲓ ⲙ̀ⲕⲁϩ ⲁⲛ ϫⲉ ⲛⲓϣⲉⲙ̀ⲙⲱⲟⲩ ⲥⲉϥⲓⲱ̀ⲟⲩϣ ϧⲁⲣⲟⲥ

ⲛ̀ⲑⲱⲧⲉⲛ ⲇⲉ ⲧⲉⲧⲉⲛⲫⲱⲛϩ ⲛ̀ⲛⲉⲧⲉⲛϩⲟ ⲉ̀ϣ̀ⲧⲉⲙ ⲛⲁⲩⲉ̀ⲣⲟⲥ

Ⲙⲁⲧⲉⲛⲑⲏⲛⲟⲩ ⲛⲉⲙⲁⲥ ⲙⲁⲣⲉⲧⲉⲛⲑ̀ⲁϣⲥ ⲟⲩⲧⲉ ⲛⲓⲕⲉⲁⲥⲡⲓ

ϩⲓⲛⲁ ⲛ̀ⲛⲧⲉⲛϣⲱⲡⲓ ⲉⲣⲉⲧⲉⲛⲓ̀ⲣⲓ ⲛ̀ⲟⲩⲛⲓϣϯ ⲛ̀ⲁⲅⲁⲡⲏ

ⲓⲥϫⲉ ⲙ̀ⲙⲟⲛ ⲙ̀ⲡⲉⲣϣⲟⲩϣⲟⲩ ⲙ̀ⲙⲱⲧⲉⲛ ϧⲉⲛ ⲛⲁⲓⲣⲟⲙⲡⲓ

ⲣⲓⲙⲓ ϩⲓϫⲉⲛ ⲛⲉⲧⲉⲛⲱⲟⲩ ⲫϯ ⲉϥⲉⲛⲁⲓ ⲛⲱⲧⲉⲛ

Ϯⲉⲣⲭⲣⲓⲁ ⲛ̀ϩⲁⲛⲉϩⲟⲟⲩ ϣⲁϯϣ̀ⲥⲁϫⲓ ϫⲉ ⲡⲱⲥ

ⲧⲉⲧⲉⲛⲁⲥⲡⲓ ⲛⲟⲧⲉⲙ ⲉϩⲟⲧⲉ ⲡⲓⲉ̀ⲃⲓⲱ ⲟⲩⲟϩ ⲛⲉⲥⲱⲥ

ⲥ̀ⲣⲱϣⲓ ϫⲉ ϯⲁⲥⲡⲓ ⲧⲉ ⲛ̀ⲣⲉⲙⲫ̀ⲁⲣⲁⲱ ⲉⲧⲁⲩϩⲓⲥⲉⲛϯ ⲉϫⲱⲥ

ⲛ̀ⲛⲟⲩⲥ̀ⲃⲱⲟⲩⲓ ⲓⲥϫⲉⲛ ⲍ̅ ⲛ̀ϣⲟ ⲛ̀ⲣⲟⲙⲡⲓ ⲟⲩⲟϩ ⲁⲩⲉⲣⲧⲩⲡⲟⲥ

Ⲛ̀ⲑⲟⲥ ⲧⲉ ϯⲁ̀ⲥⲡⲓ ⲛ̀ⲧⲉ ⲛⲉⲛⲛⲓϣϯ ⲛ̀ⲛⲓϣⲓⲟϯ ⲛ̀ⲁⲅⲓⲟⲥ

ⲁⲩⲧⲁⲗⲟ ⲛ̀ϧⲏⲧⲥ ⲛ̀ⲛⲟⲩϣ̀ⲗⲏⲗ ⲛ̀ϫⲉ Ⲙⲁⲕⲁⲣⲓ Ⲡⲁϧⲱⲙ Ⲁⲛⲧⲱⲛⲓⲟⲥ

Ⲡⲓϫⲱⲙ ⲉ̅ⲑ̅ⲩ ⲁⲩⲃⲟⲗϥⲉ̀ⲣⲟⲥ ϧⲉⲛ ⲟⲩⲧⲁϫⲣⲟ ⲁⲕⲣⲓⲃⲱⲥ

ⲛⲉⲙ ϩⲁⲛⲛⲓϣϯ ⲛ̀ϫⲱⲙ ⲉⲩⲭⲏ ϧⲉⲛ ⲛⲓⲙⲁⲙ̀ⲙⲏⲓⲛⲓ ⲙ̀ⲡⲓⲕⲟⲥⲙⲟⲥ

Ⲱϣ ⲙ̀ⲙⲟⲓ ⲉ̀ⲥⲱⲧⲉⲛ ⲉ̀ⲛⲓⲥⲛⲱϥ ⲉⲧⲁⲩⲧ̀ⲥⲟ ⲙ̀ⲡ̀ⲕⲁϩⲓ

ⲙⲟⲓ ⲛ̀ⲉⲛⲭⲁⲓ ⲛⲓⲃⲉⲛ ⲡⲉⲧⲉⲛϩⲏⲧ ⲡⲉⲧⲉⲛⲛⲟⲩⲥ ⲛ̀ⲧⲁⲓⲁⲥⲡⲓ

ⲛ̀ⲧⲉⲧⲉⲛ ⲱϣ ⲉⲃⲟⲗ ⲛⲉⲙ ⲛⲓ⳥ ϧⲉⲛⲟⲩϫⲟⲙ ⲙ̀ⲙⲏⲛⲓ

ϫⲉ ⲡ̀ⲕⲁϩⲓ ϥ̀ⲥⲁϫⲓ ⲛ̀ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ

---