Ⲧⲙⲁⲣⲧⲩⲣⲓⲁ ⲙ̅ⲡϩⲁⲅⲓⲟⲥ ⲙ̅ⲙⲁⲣⲧⲩⲣⲟⲥ ⲙ̅ⲡⲉⲬⲥ̅ Ⲓⲥ̅ ⲁⲩⲱ ⲛ̅ⲁⲑⲗⲟⲫⲟⲣⲟⲥ ⲡϩⲁⲅⲓⲟⲥ Ⲙⲉⲣⲕⲟⲩⲣⲓⲟⲥ ⲛ̅ⲧⲁϥϫⲟⲕⲥ ⲉⲃⲟⲗ ⲛ̅ⲥⲟⲩϫⲟⲩⲧⲏ ⲙ̅ⲡⲉⲃⲟⲧ ϩⲁⲑⲱⲣ.ϩⲛ̅ⲟⲩⲉⲓⲣⲏⲛⲏ ⲛ̅ⲧⲉⲠⲛⲟⲩⲧⲉ. Ⲁⲙⲏⲛ
Ⲁⲥϣⲱⲡⲉ ⲇⲉ ϩⲛ̅ⲧⲙⲧ̅ⲉⲣⲟ ⲛ̅ⲇⲉⲕⲓⲟⲥ ⲙ̅ⲡⲉⲟⲩⲟⲉⲓϣ ⲛ̅ⲟⲩⲁⲗⲗⲩⲣⲓⲁⲛⲟⲥ ⲉⲩⲟ ⲛ̅ⲣⲣⲟ ⲉⲅϫⲛⲧⲛⲟϭ ⲙ̅ⲡⲟⲗⲓⲥ ϩⲣⲱⲙⲏ . ⲁⲩⲕⲱ ⲉϩⲣⲁⲓ ⲛ̅ⲟⲩⲇⲟⲅⲙⲁ ⲙⲛ̅ⲟⲩϣⲟϫⲛⲉ ⲛ̅ⲟⲩⲱⲧ ⲉⲧⲣⲉⲟⲩⲟⲛ ⲛⲓⲙ ϩⲙ̅ⲙⲁ ⲛⲓⲙ ⲉⲣⲑⲩⲥⲓⲁ ⲛ̅ⲛⲉⲩⲛⲟⲩⲧⲉ ⲁⲩⲱ ⲛ̅ⲥⲉⲟⲩⲱⲧⲛ̅ ⲛⲁⲩ ⲉⲃⲟⲗ. Ⲁⲩⲙⲟⲩⲧⲉ ⲉⲛⲥⲩⲅⲕⲗⲏⲧⲓⲕⲟⲥ ⲧⲏⲣⲟⲩ ⲁⲩⲕⲱ ⲛⲁⲩ ⲉϩⲣⲁⲓ ⲛ̅ⲛⲉϩⲃⲏⲩⲉ ⲛ̅ⲧⲁⲩⲙⲉⲉⲩⲉ ⲉⲣⲟⲟⲩ ϩⲙ̅ⲡⲉⲓϣⲟϫⲛⲉ ⲛ̅ⲟⲩⲱⲧ.
Ⲁⲩⲱ ⲛ̅ⲧⲉⲣⲟⲩϩⲉ ⲉⲣⲟⲟⲩ ⲉⲩⲟ ⲛ̅ⲟⲩϣⲟϫⲛⲉ ⲛ̅ⲟⲩⲱⲧ ⲙⲛ̅ⲛⲉⲩⲉⲣⲏⲩ ⲉⲩϫⲱ ⲙ̅ⲙⲟⲥ ϫⲉ. Ⲧⲉⲛϣⲡ̅ϩ̅ⲙⲟⲧ ⲛ̅ⲧⲛ̅ⲛⲟⲩⲧⲉ ⲛⲁⲧⲙⲟⲩ. Ⲛⲁⲓ ⲉⲛⲧⲁⲩϭⲱⲗⲡ ⲉⲃⲟⲗ ⲛ̅ⲟⲩⲟⲛ ⲛⲓⲙ ϩⲛ̅ⲧⲉⲓⲅⲛⲱⲙⲏ ⲛ̅ⲟⲩⲱⲧ. Ϩⲛ̅ⲧⲉⲩⲛⲟⲩ ⲉⲧⲙ̅ⲙⲁⲩ ⲁⲩⲟⲩⲉϩⲥⲁϩⲛⲉ ⲉⲕⲱ ⲉϩⲣⲁⲓ ⲙⲡⲇⲟⲅⲙⲁ ⲉϥⲥⲏϩ ϩⲛ̅ⲟⲩⲥϩⲁⲓ ⲛ̅ⲧⲉⲡⲣ̅ⲣⲟ ⲉⲣⲉⲛ̅ⲥⲩⲅⲕⲗⲏⲧⲓⲕⲟⲥ ⲧⲏⲣⲟⲩ ⲥϩⲁⲓ ϩⲁⲣⲁⲧϥ̅. ⲁⲩⲱ ⲁⲩⲧⲟϭϥ̅ ⲉⲃⲟⲗ ϩⲙ̅ⲡⲙⲁ ⲛ̅ϯϩⲁⲡ ⲙ̅ⲡⲣⲣⲟ ⲉϥⲥⲏϩ ϩⲙ̅ⲡⲉⲓⲧⲩⲡⲟⲥ.
ⲃ̅. Ⲇⲉⲕⲓⲟⲥ ⲙⲛ̅ⲟⲩⲁⲗⲗⲩⲣⲓⲁⲛⲟⲥ ⲛ̅ⲣⲣⲱⲟⲩ ⲛ̅ⲁⲩⲧⲟⲕⲣⲁⲧⲱⲣ ⲛ̅ⲣⲉϥϫⲣⲟ ⲛ̅ⲉⲩⲥⲉⲃⲏⲥ ⲛ̅ⲧⲟⲟⲩ ⲙⲛ̅ⲛⲉⲩⲥⲩⲅⲕⲗⲏⲧⲓⲕⲟⲥ ⲧⲏⲣⲟⲩ ⲉⲧϩⲛ̅ⲧⲡⲟⲗⲓⲥ ϩⲣⲱⲙⲏ ⲉⲩⲥϩⲁⲓ ⲛ̅ⲟⲩⲟⲛ ⲛⲓⲙ ϫⲉ. Ⲉⲓⲥ ϩⲏⲏⲧⲉ ⲧⲛ̅ⲟⲩⲱⲛϩ ⲛⲏⲧⲛ̅ ⲉⲃⲟⲗ ⲛ̅ⲛⲉⲛⲧⲁⲩⲣ̅ⲁⲛⲁⲛ ⲙ̅ⲡⲉⲛⲙ̅ⲧⲟ ⲉⲃⲟⲗ. Ⲉⲡⲓⲇⲏ ⲁⲛϩⲉ ⲉⲣⲟⲥ ϫⲓⲛⲉϣⲟⲣⲡ ϫⲉ ̅ⲛⲛⲟⲩⲧⲉ ⲛ̅ⲛⲉⲓⲟⲧⲉ ⲛ̅ⲧⲟⲟⲩ ⲛⲉⲧⲧⲁⲛϩⲟ ⲛ̅ⲧⲙⲛ̅ⲧⲉⲣⲟ ⲁⲩⲱ ⲉⲩⲭⲁⲣⲓⲍⲉ ⲛ̅ⲛⲉⲧϩⲁⲡⲉⲁⲙⲁϩⲧⲉ ⲧⲏⲣⲟⲩ. Ⲉⲁⲛⲉⲓⲙⲉ ϫⲉ ⲉⲛⲉⲩⲇⲱⲣⲉⲁ ⲙⲛ̅ⲛⲉⲩⲙⲛ̅ⲧⲣⲉϥⲣ̅ⲡⲉⲧⲛⲁⲛⲟⲩϥ ⲕⲁⲧⲁⲡⲉⲛⲧⲁⲛϫⲟⲟϥ. ⲙⲁⲗⲗⲟⲛ ⲇⲉ ⲁⲛⲁⲡⲟⲗⲁⲩⲉ ⲙ̅ⲡⲉϫⲣⲟ ⲉⲃⲟⲗ ϩⲓⲧⲟⲟⲧⲟⲩ ⲉϩⲟⲩⲛ ⲉϩⲉⲑⲛⲟⲥ ⲛⲓⲙ. Ⲟⲩⲙⲟⲛⲟⲛ ⲇⲉ ⲁⲗⲗⲁ ⲁⲩϯ ⲛⲁⲛ ⲛ̅ϩⲉⲛⲕⲁⲣⲡⲟⲥ ⲙ̅ⲙⲓⲛⲉ ⲛⲓⲙ ϩⲓⲧⲛ̅ⲧⲕⲉⲣⲁⲥⲓⲥ ⲉⲧⲛⲁⲛⲟⲩⲥ ⲛ̅ⲧⲉⲡⲁⲏⲣ. Ⲉⲛⲉⲓⲙⲉ ⲇⲉ ϩⲛ̅ⲟⲩⲱⲣϫ ϫⲉ ⲛ̅ⲧⲟⲟⲩ ⲛⲉ ⲛ̅ⲣⲉϥⲣ̅ⲡⲉⲧⲛⲁⲛⲟⲩϥ ⲁⲩⲱ ⲉⲧⲧⲁϩⲟ ⲉⲣⲁⲧϥ̅ ⲙ̅ⲡⲕⲟⲥⲙⲟⲥ ⲧⲏⲣϥ̅. ⲉⲧⲃⲉⲡⲁⲓ ⲁⲛⲕⲱ ⲉϩⲣⲁⲓ ⲙ̅ⲡⲉⲓⲇⲟⲅⲙⲁ ϩⲛ̅ⲟⲩϣⲟϫⲛⲉ ⲛ̅ⲟⲩⲱⲧ .ⲁⲛⲟⲛ ⲙⲛ̅ⲛⲉⲛⲥⲩⲅⲕⲗⲏⲧⲓⲕⲟⲥ ⲧⲏⲣⲟⲩ ϩⲛ̅ⲟⲩⲥⲡⲟⲩⲇⲏ ⲉⲛⲁϣⲱⲥ ⲉⲧⲣⲉⲣⲱⲙⲉ ⲛⲓⲙ ϩⲙ̅ⲙⲁ ⲛⲓⲙ ⲛ̅ϩⲙ̅ϩⲁⲗ ⲙⲛ̅ⲛ̅ⲣⲙ̅ϩⲉ ⲛ̅ⲣⲙ̅ⲁⲟ ⲙⲛ̅ⲙ̅ⲙⲁⲧⲟⲓ ⲙⲛ̅ⲙ̅ⲡⲁⲅⲁⲛⲟⲥ ⲉⲧⲣⲉⲩⲉⲓⲛⲉ ⲉϩⲟⲩⲛ ⲛ̅ⲛⲛⲟⲩⲧⲉ ⲛ̅ϩⲉⲛⲑⲩⲥⲓⲁ ⲉⲩϣⲏⲡ ⲁⲩⲱ ⲉⲧⲣⲉⲩⲟⲩⲱϣⲧ ⲛⲁⲩ ϩⲛ̅ϩⲉⲛⲑⲩⲥⲓⲁ ⲙⲛ̅ϩⲉⲛⲥⲟⲡⲥ. Ⲉⲣϣⲁⲛⲟⲩⲁ ϭⲉ ⲥⲧⲟ ⲉⲃⲟⲗ ⲙ̅ⲡⲉⲛⲇⲟⲅⲙⲁ ⲉⲧⲟⲩⲁⲁⲃ ⲡⲁⲓ ⲉⲛⲧⲁⲛⲧⲟϭϥ̅ ⲉⲃⲟⲗ ϩⲛ̅ⲟⲩϣⲟϫⲛⲉ ⲛ̅ⲟⲩⲱⲧ. Ⲡⲉⲛⲕⲣⲁⲧⲟⲥ ⲕⲉⲗⲉⲩⲉ ⲉⲧⲣⲉⲩⲉⲧⲡⲡⲁⲓ ⲉϩⲟⲩⲛ ⲉⲡⲉϣⲧⲉⲕⲟ ⲛ̅ⲕⲁⲕⲉ ⲛ̅ⲥⲉⲧⲁⲁϥ ⲉⲧⲟⲟⲧⲟⲩ ⲛ̅ϩⲉⲛⲃⲁⲥⲁⲛⲟⲥ ⲉⲩϣⲟⲃⲉ. Ⲁⲩⲱ ⲉϣⲱⲡⲉ ⲙⲉⲛ ⲉϥϣⲁⲛⲥⲱⲧⲙ̅ ⲛ̅ⲥⲁⲡⲉⲛⲕⲣⲁⲧⲟⲥ ⲙⲛ̅ⲡⲛ̅ⲡⲣⲟⲥⲧⲁⲅⲙⲁ. Ⲉϥⲉϫⲓ ⲉⲃⲟⲗ ϩⲓⲧⲟⲟⲧⲛ̅ ⲛ̅ϩⲉⲛⲛⲟϭ ⲛ̅ϯⲙⲏ. ⲉϣⲱⲡⲉ ⲇⲉ ⲉϥϣⲁⲛⲣ̅ⲁⲧⲥⲱⲧⲙ̅ ⲙⲛ̅ⲛⲥⲁ ⲛⲉⲓⲃⲁⲥⲁⲛⲟⲥ ⲧⲏⲣⲟⲩ. Ⲉⲩⲉⲡⲁⲣⲁⲇⲓⲇⲟⲩ ⲙ̅ⲙⲟϥ ⲉⲧⲟⲟⲧϥ̅ ⲛ̅ⲧⲥⲏϥⲉ ⲏ ⲛ̅ⲥⲉⲛⲟϫϥ̅ ⲉⲡϣⲓⲕ ⲛ̅ⲙⲙⲟⲩⲛ̅ⲉⲓⲟⲟⲩⲉ ⲏ ⲛ̅ⲥⲉⲧⲁⲁϥ ⲛ̅ϩⲣⲉ ⲛ̅ⲛⲉⲑⲩⲣⲓⲟⲛ ⲙⲛ̅ⲛϩⲁⲗⲁⲧⲉ. ⲛ̅ϩⲟⲩⲟ ⲇⲉ ⲛⲉⲧⲟⲩⲙⲟⲩⲧⲉ ⲉⲣⲟⲟⲩ ϫⲉ ⲛⲉⲭⲣⲓⲥⲧⲓⲁⲛⲟⲥ ⲉⲩⲉϣⲱⲡⲉ ϩⲁⲧⲉⲓⲁⲡⲟⲫⲁⲥⲓⲥ ⲛ̅ⲧⲉⲓⲙⲓⲛⲉ. Ⲡⲉⲧⲛⲁⲥⲱⲧⲙ̅ ⲇⲉ ϩⲱⲱϥ ⲛ̅ⲥⲁⲡⲉⲛⲡⲣⲟⲥⲧⲁⲅⲙⲁ ⲉⲩⲉⲱⲛϩ ϩⲛ̅ⲟⲩⲙⲛ̅ⲧⲙⲁⲕⲁⲣⲓⲟⲥ.
ⲅ̅. ⲛ̅ⲧⲉⲣⲟⲩⲧⲱϭⲉ ⲇⲉ ⲉⲃⲟⲗ ⲛ̅ⲛⲉⲥϩⲁⲓ ⲙ̅ⲡⲣ̅ⲣⲟ ⲁⲧⲡⲟⲗⲓⲥ ⲧⲏⲣⲥ ϩⲣⲱⲙⲏ ⲙⲟⲩϩ ⲛ̅ϩⲟⲧⲉ ϩⲓϣⲧⲟⲣⲧⲣ̅. Ⲟⲩⲙⲟⲛⲟⲛ ⲇⲉ ϩⲣⲱⲙⲏ ⲁⲗⲗⲁ ⲁⲛⲕⲉⲡⲟⲗⲓⲥ ⲧⲏⲣⲟⲩ ⲙⲟⲩϩ ⲛ̅ϩⲟⲧⲉ ϩⲓϣⲧⲟⲣⲧⲣ̅ ϫⲉ ⲁⲩϫⲟⲟⲩ ϣⲁⲣⲟⲟⲩ ⲙ̅ⲡⲉⲓⲡⲣⲟⲥⲧⲁⲅⲙⲁ ⲛ̅ⲟⲩⲱⲧ. Ⲁⲩⲱ ⲛ̅ⲁⲣⲭⲱⲛ ⲕⲁⲧⲁⲡⲟⲗⲓⲥ ⲁⲩⲟⲩⲉϩⲥⲁϩⲛⲉ ⲛ̅ⲙ̅ⲙⲏⲏϣⲉ ⲉⲧⲣⲉⲩϫⲱⲕ ⲉⲃⲟⲗ ⲛⲉⲛⲧⲁⲩⲟⲩⲉϩⲥⲁϩⲛⲉ ⲙ̅ⲙⲟⲟⲩ ϩⲛ̅ⲟⲩϭⲉⲡⲏ.
ⲇ̅. Ⲁⲥϣⲱⲡⲉ ⲇⲉ ϩⲙ̅ⲡⲟⲩⲟⲉⲓϣ ⲉⲧⲙ̅ⲙⲁⲩ ⲁⲩⲡⲟⲗⲁⲓⲙⲟⲥ ⲧⲱⲟⲩⲛ ⲉϫⲙ̅ⲡⲣⲣⲟ ⲛ̅ⲛⲉϩⲣⲱⲙⲁⲓⲟⲥ ϩⲓⲧⲛ̅ⲛ̅ⲃⲁⲣⲃⲁⲣⲟⲥ. Ⲁⲩⲥⲟⲃⲧⲉ ϩⲱⲟⲩ ⲛ̅ϭⲓⲛ̅ⲣⲣⲱⲟⲩ ⲙ̅ⲡⲉⲩⲥⲧⲣⲁⲧⲉⲩⲙⲁ ⲉⲧⲣⲉⲩⲡⲟⲗⲩⲙⲉⲓ ⲛⲙ̅ⲙⲁⲩ ⲁⲩⲱ ⲁⲩⲟⲩⲉϩⲥⲁϩⲛⲉ ⲉⲧⲣⲉⲛ̅ⲁⲣⲓⲑⲙⲟⲥ ⲛ̅ⲙ̅ⲡⲟⲗⲓⲥ ⲉⲓ ⲛ̅ⲥⲉϯⲧⲟⲟⲧⲟⲩ ⲛⲙ̅ⲙⲁⲩ. ⲛ̅ⲧⲉⲣⲟⲩⲉⲓ ⲇⲉ ⲉⲃⲟⲗ ϩⲛ̅ⲧⲟⲩⲉⲓ ⲧⲟⲩⲉⲓ ⲛ̅ⲙ̅ⲡⲟⲗⲓⲥ ⲉⲩⲥⲃ̅ⲧⲱⲧ ⲉⲡⲡⲟⲗⲁⲓⲙⲟⲥ ϩⲛ̅ⲟⲩⲥⲡⲟⲩⲇⲏ. ⲁϥⲉⲓ ϩⲱⲱϥ ⲛ̅ϭⲓⲡⲁⲣⲓⲑⲙⲟⲥ ⲛ̅ⲛⲉⲧⲟⲩⲙⲟⲩⲧⲉ ⲉⲣⲟϥ ϫⲉ ⲙⲁⲣⲧⲩⲥⲓⲟⲛ. Ⲛⲉⲧϣⲟⲟⲡ ϩⲛ̅ⲧϣⲟⲣⲡ ⲉⲛϩⲁⲣⲙⲏⲛⲓⲁ ⲉⲩϩⲁⲣⲁⲧϥ̅ ⲛ̅ⲟⲩⲧⲣⲓⲃⲟⲩⲛⲟⲥ ⲉⲡⲉϥⲣⲁⲛ ⲡⲉ ⲃⲁⲣⲧⲟⲛⲓⲕⲟⲥ. Ⲇⲉⲕⲓⲟⲥ ⲇⲉ ⲁϥⲉⲓ ⲉⲃⲟⲗ ⲉⲡⲡⲟⲗⲁⲓⲙⲟⲥ. Ⲁⲟⲩⲁⲗⲗⲩⲣⲓⲁⲛⲟⲥ ϭⲱ ϩⲛ̅ⲧⲡⲟⲗⲓⲥ ϩⲣⲱⲙⲏ ⲉϥⲇⲓⲏⲕⲉⲓ ⲛ̅ⲛⲉϩⲃⲏⲩⲉ ⲛ̅ⲧⲙⲛ̅ⲧⲉⲣⲟ.
ⲉ̅. Ⲡⲡⲟⲗⲁⲓⲙⲟⲥ ⲇⲉ ⲁϥⲧⲁϫⲣⲟ ϩⲛ̅ⲧⲙⲏⲧⲉ ⲛ̅ⲛⲉⲃⲁⲣⲃⲁⲣⲟⲥ ⲙⲛ̅ⲛⲉϩⲣⲱⲙⲉⲟⲥ ⲁⲩⲱ ⲁⲩⲁϩⲉⲣⲁⲧⲟⲩ ⲙⲛ̅ⲛⲉⲩⲉⲣⲏⲩ. ⲛ̅ⲧⲉⲣⲟⲩⲙⲟⲩⲛ ⲇⲉ ⲉⲃⲟⲗ ⲛ̅ⲧⲉⲓϩⲉ ⲛ̅ⲟⲩⲙⲏⲏϣⲉ ⲛ̅ϩⲟⲟⲩ ⲟⲩⲁ ⲇⲉ ⲉⲃⲟⲗ ϩⲛ̅ⲙ̅ⲙⲁⲧⲟⲓ ⲛ̅ⲛⲉⲧⲟⲩⲙⲟⲩⲧⲉ ⲉⲣⲟⲟⲩ ϫⲉ ⲙⲁⲣⲧⲩⲥⲓⲟⲛ ⲉⲡⲉϥⲣⲁⲛ ⲡⲉ ⲙⲉⲣⲕⲟⲩⲣⲓⲟⲥ ⲁϥⲛⲁⲩ ⲉⲩⲣⲱⲙⲉ ⲉϥϫⲟⲥⲉ ⲉⲩⲛ̅ϩⲉⲛϩⲃ̅ⲥⲱ ⲉⲩⲡⲣⲓⲱⲟⲩ ⲧⲟ ϩⲓⲱⲱϥ. ⲁϥⲁⲙⲁϩⲧⲉ ⲛ̅ⲟⲩⲥⲏϥⲉ ⲉⲥⲧⲟⲕⲙ̅ ϩⲛ̅ⲧⲉϥϭⲓϫ ⲛ̅ⲟⲩⲛⲁⲙ ⲁⲩⲱ ⲛⲉϥϫⲱ ⲙ̅ⲙⲟⲥ ⲛⲁϥ ϫⲉ. Ⲙⲉⲣⲕⲟⲩⲣⲓⲉ ⲙ̅ⲡⲉⲣⲣ̅ϩⲟⲧⲉ ⲟⲩⲇⲉ ⲙ̅ⲡⲉⲣϣⲗⲁϩ. ⲛ̅ⲧⲁⲩⲧⲛ̅ⲛⲟⲟⲩⲧ ϫⲁⲣ ⲉⲃⲟⲏⲑⲉⲓ ⲉⲣⲟⲕ ⲁⲩⲱ ⲉⲟⲩⲟⲛϩⲕ̅ ⲉⲃⲟⲗ ⲉⲕⲟ ⲛ̅ⲣⲉϥϫⲣⲟ. Ϫⲓ ϭⲉ ⲛⲁⲕ ⲛ̅ⲧⲉⲓⲥⲏϥⲉ ⲉⲃⲟⲗ ϩⲓⲧⲟⲟⲧ ⲛⲅ̅ⲃⲱⲕ ⲉⲃⲟⲗ ϣⲁⲛ̅ⲃⲁⲣⲃⲁⲣⲟⲥ ⲁⲩⲱ ⲉⲕϣⲁⲛϫⲣⲟ ⲙ̅ⲡⲉⲣⲣ̅ⲡⲱⲃϣ ⲙ̅ⲡⲉⲕϫⲟⲉⲓⲥ ⲡⲉⲕⲛⲟⲩⲧⲉ. Ⲡⲁⲓ ⲇⲉ ⲛ̅ⲧⲉⲣⲉϥϣⲱⲡⲉ ϩⲛ̅ⲟⲩⲉⲕⲥⲧⲁⲥⲓⲥ ⲛⲉϥⲙⲉⲉⲩⲉ ϫⲉ ⲟⲩⲁ ⲛ̅ⲛⲁⲣⲭⲱⲛ ⲛ̅ⲧⲉⲡⲣ̅ⲣⲟ ⲡⲉⲧϣⲁϫⲉ ⲛⲙ̅ⲙⲁϥ. ⲛ̅ⲧⲉⲣⲉϥϫⲓ ⲇⲉ ⲛ̅ⲧⲥⲏϥⲉ ⲁϥⲙⲟⲩϩ ⲉⲃⲟⲗ ϩⲙ̅ⲡⲉⲡⲛ̅ⲁ̅ ⲉⲧⲟⲩⲁⲁⲃ ⲁϥⲃⲱϭⲉ ϩⲣⲁⲓ ⲉϫⲛ̅ⲛ̅ⲃⲁⲣⲃⲁⲣⲟⲥ ⲁϥϫⲱⲧⲉ ⲉϩⲟⲩⲛ ϩⲛ̅ⲧⲉⲩⲙⲏⲧⲉ ⲁϥⲙⲟⲩⲟⲩⲧ ⲙ̅ⲡⲛⲟϭ ⲉⲧⲛ̅ϩⲏⲧⲟⲩ ⲁⲩⲱ ϩⲛ̅ⲙⲏⲏϣⲉ ⲉⲛⲁϣⲱⲟⲩ ϩⲱⲥⲧⲉ ⲛ̅ⲧⲉⲡⲉϥϭⲃⲟⲓ ϩⲓⲥⲉ ⲉϥϩⲓⲟⲩⲉ ⲁⲩⲱ ϩⲓⲧⲙ̅ⲡⲉⲥⲛⲟϥ ⲉⲧⲛⲁϣⲱϥ ⲛ̅ⲧⲉⲧⲉϥϭⲓϫ ⲱϭⲉⲣ ⲉϩⲟⲩⲛ ⲉⲧⲧⲱⲣⲉ ⲛ̅ⲧⲥⲏϥⲉ. Ⲁⲩⲱ ⲧⲁⲓ ⲧⲉⲑⲉ ⲛ̅ⲧⲁⲛ̅ⲃⲁⲣⲃⲁⲣⲟⲥ ϭⲱⲧⲡ ⲁⲩⲡⲱⲧ ϩⲁⲑⲏ ⲛ̅ⲛⲉϩⲣⲱⲙⲉⲟⲥ.
Ⲋ. ⲇⲉⲕⲓⲟⲥ ⲇⲉ ⲡⲣ̅ⲣⲟ ⲛ̅ⲧⲉⲣⲉϥⲉⲓⲙⲉ ⲉⲧⲙⲛ̅ⲧϫⲱⲱⲣⲉ ⲙ̅ⲡⲉⲓⲣⲱⲙⲉ ⲛ̅ϫⲱⲱⲣⲉ ⲁϥⲙⲟⲩⲧⲉ ⲉⲣⲟϥ ⲁϥϯ ⲛⲁϥ ⲛ̅ⲟⲩⲁⲝⲓⲱⲙⲁ ⲁϥⲁⲁϥ ⲛ̅ⲥⲧⲣⲁⲧⲓⲗⲁⲧⲏⲥ ⲁⲩⲱ ⲛ̅ⲁⲣⲭⲱⲛ ⲉϩⲣⲁⲓ ⲉϫⲙ̅ⲡⲉⲥⲧⲣⲁⲧⲉⲩⲙⲁ ⲧⲏⲣϥ̅. ⲇⲉⲕⲓⲟⲥ ⲇⲉ ⲛⲉϥⲙⲉⲉⲩⲉ ϫⲉ ⲛ̅ⲧⲁϥϫⲣⲟ ⲛ̅ⲧϭⲟⲙ ⲛ̅ⲛⲉϥⲛⲟⲩⲧⲉ ⲁϥⲣⲁϣⲉ ⲉⲡⲉϩⲟⲩⲟ ⲁⲩⲱ ϩⲛ̅ⲭⲣⲏⲙⲁ ⲁϥⲥⲟⲣⲟⲩ ⲉϫⲛ̅ⲙⲙⲁⲧⲟⲓ ⲁϥϫⲟⲟⲩ ⲙ̅ⲡⲟⲩⲁ ⲡⲟⲩⲁ ⲛ̅ⲛⲉϥⲁⲣⲓⲑⲙⲟⲥ ⲉⲡⲉϥⲧⲟⲡⲟⲥ. ⲛ̅ⲧⲟϥ ⲇⲉ ⲛⲉϣⲁϥⲉⲣϣⲁ ϩⲙ̅ⲡⲟⲗⲓⲥ ⲛⲓⲙ ⲛ̅ⲧⲁϥⲡⲁⲣⲁⲅⲉ ⲙ̅ⲙⲟⲟⲩ ⲉϥⲃⲏⲕ ⲉϩⲣⲱⲙⲏ.
ⲏ̅. ϩⲣⲁⲓ ⲇⲉ ϩⲛ̅ⲟⲩⲟⲩϣⲏ ⲉⲣⲉⲡⲉⲥⲧⲣⲁⲧⲉⲩⲙⲁ ⲧⲏⲣϥ̅ ⲟⲃϣ ϩⲁ ⲡϩⲓⲛⲏⲃ ⲁϥⲁϥⲁϩⲉⲣⲁⲧϥ̅ ϩⲁϫⲛ̅ⲙⲉⲣⲕⲟⲩⲣⲓⲟⲥ ⲛ̅ϭⲓⲟⲩⲁⲅⲅⲉⲗⲟⲥ ϩⲙ̅ⲡⲉⲥⲙⲟⲧ ⲙ̅ⲡⲉⲣⲱⲙⲉ ⲛ̅ⲧⲁϥⲛⲁⲩ ⲉⲣⲟϥ ϩⲙ̅ⲡⲡⲟⲗⲁⲓⲙⲟⲥ ⲁⲩⲱ ⲁϥⲧⲉⲃⲥⲡⲉϥⲥⲡⲓⲣ ⲁϥⲧⲟⲩⲛⲟⲥϥ. ⲛ̅ⲧⲉⲣⲉϥⲛⲁⲩ ⲇⲉ ⲉⲣⲟϥ ⲁϥϣⲱⲡⲉ ϩⲛ̅ⲟⲩϩⲟⲧⲉ ⲁϥϭⲱ ⲉϥⲟⲛϣ. ⲡⲉϫⲉⲡⲁⲅⲅⲉⲗⲟⲥ ⲇⲉ ⲛⲁϥ ϫⲉ.ⲙⲉⲣⲕⲟⲩⲣⲓⲉ ⲉⲛⲉⲕⲉⲓⲣⲉ ⲙ̅ⲡⲙⲉⲉⲩⲉ ⲙ̅ⲡⲉⲛⲧⲁⲓϫⲟⲟϥ ⲉⲣⲟⲕ ϫⲉ ϭⲱϣⲧ. ⲙ̅ⲡⲉⲣⲣ̅ⲱⲃϣ ⲙ̅ⲡϫⲟⲉⲓⲥ ⲡⲉⲕⲛⲟⲩⲧⲉⲑ ϩⲁⲡⲥ̅ ϫⲁⲣ ⲉⲣⲟⲕ ⲡⲉ ⲉⲧⲣⲉⲕⲁⲅⲱⲛⲓⲍⲉ ⲉϫⲙ̅ⲡⲉϥⲣⲁⲛ ⲕⲁⲗⲱⲥ ⲁⲩⲱ ⲛⲅ̅ϫⲓ ⲙ̅ⲡⲉⲕⲗⲟⲙ ⲙ̅ⲡⲉϫⲣⲟ ⲛ̅ⲧⲙⲛ̅ⲧⲉⲣⲟ ⲛ̅ⲙ̅ⲡⲏⲩⲉ. Ⲡⲁⲓ ⲛ̅ⲧⲁϥⲥⲉⲃⲧⲱⲧϥ̅ ⲛ̅ⲛⲉⲧⲙⲉ ⲙ̅ⲙⲟϥ ⲧⲏⲣⲟⲩ. Ⲡⲙⲁⲕⲁⲣⲓⲟⲥ ⲇⲉ ⲛ̅ⲧⲉⲣⲉⲡⲉϥϩⲏⲧ ϣⲱⲡⲉ ⲙ̅ⲙⲟϥ ⲁϥⲉⲣⲡⲙⲉⲉⲩⲉ ⲙ̅ⲡϣⲁϫⲉ ⲁⲩⲱ ⲁϥⲣ̅ϣⲡⲏⲣⲉ ⲛ̅ⲧⲛⲛⲧⲙⲁⲓⲣⲱⲙⲉ ⲙ̅ⲡⲛⲟⲩⲧⲉ. Ⲁϥⲥⲱⲧⲉ ϫⲁⲣ ⲛ̅ⲧⲡⲓⲥⲧⲓⲥ ⲛ̅ⲛⲉⲭⲣⲓⲥⲧⲓⲁⲛⲟⲥ ϩⲓⲧⲛ̅ⲛⲉϥⲉⲓⲟⲧⲉ. Ⲡⲉϥⲉⲓⲱⲧ ⲅⲁⲣ ⲡⲉ ⲕⲟⲣⲧⲓⲁⲛⲟⲥ ⲛⲉϥⲟⲡ ⲉⲙⲡⲣⲓⲙⲓⲕⲓⲣⲓⲟⲥ ⲉⲡⲓⲁⲣⲓⲑⲙⲟⲥ ⲛ̅ⲟⲩⲱⲧ ⲡϣⲏⲣⲉ ⲇⲉ ϣⲏⲙ ⲛⲉϥⲛⲁⲉⲣϫⲟⲩⲧⲱⲧⲉ ⲛ̅ⲣⲟⲙⲡⲉ ⲛⲉⲁϥⲥⲱⲧⲙ̅ ⲅⲁⲣ ⲉⲃⲟⲗ ϩⲓⲧⲙ̅ⲡⲉϥⲉⲓⲱⲧ ϫⲉ ⲛⲁⲉⲓⲁⲧϥ ⲙ̅ⲡⲉⲧⲛⲁⲣ̅ⲙⲁⲧⲟⲓ ϩⲁⲣⲁⲧϥ̅ ⲙ̅ⲡⲣ̅ⲣⲟ ⲛ̅ⲧⲡⲉ.ⲉϥⲛⲁⲭⲁⲣⲓⲍⲉ ⲛⲁϥ ⲛ̅ⲟⲩⲁⲝⲓⲱⲙⲁ ⲉⲙⲉϥⲟⲩⲉⲓⲛⲉ ⲁⲩⲱ ⲉϥⲛⲁⲙⲓϣⲉ ⲉϩⲣⲁⲓ ⲉϫⲱϥ ⲛⲁϩⲣⲛ̅ⲛⲉϥϫⲓⲛϫⲉⲉⲩ. Ⲡⲣ̅ⲣⲟ ⲅⲁⲣ ⲉⲧⲙ̅ⲙⲁⲩ. ⲛ̅ⲧⲟϥ ⲡⲉⲛⲧⲁϥⲧⲁⲙⲓⲟ ⲙ̅ⲡⲧⲏⲣϥ̅ ϩⲙ̅ⲡⲉϥϣⲁϫⲉ. Ⲧⲡⲉ ⲙⲉⲛ ⲁϥⲧⲁϩⲟⲥ ⲉⲣⲁⲧⲥ̅ ⲙ̅ⲡϩⲟ ⲛ̅ⲟⲩⲕⲩⲡⲏ. ⲉⲁϥⲕⲟⲥⲙⲉⲓ ⲙ̅ⲙⲟⲥ ϩⲛ̅ⲟⲩⲥⲓⲟⲩ ⲉⲩⲣ̅ⲟⲩⲟⲉⲓⲛ. Ⲡⲕⲁϩ ⲇⲉ ϩⲛ̅ϩⲉⲛϩⲣⲏⲣⲉ ⲉⲛⲉⲥⲱⲟⲩ ⲉⲩϣⲉϣⲥϯⲛⲟⲩϥⲉ ⲉⲃⲟⲗ ⲉⲩⲛⲁϣⲱⲡⲉ ⲛ̅ⲥⲟⲗⲥⲉⲗ ⲙⲛ̅ⲟⲩⲧⲁⲗϭⲟ ⲛ̅ⲛⲣⲱⲙⲉ ⲑⲁⲗⲁⲥⲥⲁ ⲇⲉ ϩⲱⲱⲥ ⲉⲧⲣⲉ ⲛ̅ⲉϫⲏⲩ ⲥϭⲏⲣ ⲛ̅ϩⲏⲧⲥ . ⲁⲩⲱ ⲁϥⲕⲁⲁⲥ ⲙ̅ⲙⲁⲛ̅ⲥⲁⲛϣ ⲛ̅ⲛⲧⲃ̅ⲧ. Ⲁⲩⲱ ⲛ̅ⲧⲟϥ ⲡⲉⲧⲛⲏⲩ ⲉⲕⲣⲓⲛⲉ ⲛ̅ⲛⲉⲧⲟⲛϩ ⲙⲛ̅ⲛⲉⲧⲙⲟⲟⲩⲧ ⲛϥ̅ϯ ⲙ̅ⲡⲟⲩⲁ ⲡⲟⲩⲁ ⲕⲁⲧⲁⲛⲉϥϩⲃⲏⲩⲉ. ⲛ̅ⲧⲉⲣⲉϥⲣ̅ⲡⲙⲉⲉⲩⲉ ⲇⲉ ⲛ̅ϭⲓⲡϩⲁⲅⲓⲟⲥ ⲛ̅ⲛϣⲁϫⲉ ⲙ̅ⲡⲉϥⲉⲓⲱⲧ ϩⲣⲁⲓ ⲛ̅ϩⲏⲧϥ̅ ⲁⲩⲱ ⲡϭⲱⲗⲡ ⲉⲃⲟⲗ ⲛ̅ⲧⲁϥⲛⲁⲩ ⲉⲣⲟϥ. ⲁϥϣⲱⲡⲉ ϩⲛ̅ⲟⲩⲛⲟϭ ⲛ̅ⲧⲱⲃⲥ ⲁϥⲁⲣⲭⲉⲓ ⲛ̅ⲣⲓⲙⲉ ⲁⲩⲱ ⲉⲁϣⲁϩⲟⲙ ⲁⲩⲱ ⲡⲉϫⲁϥ ⲛ̅ⲧⲉⲓϩⲉ ϫⲉ. Ⲟⲩⲟⲓ ⲁⲛⲟⲕ ⲡⲓⲣⲉϥⲣ̅ⲛⲟⲃⲉ ϫⲉ ⲉⲓⲟ ⲛ̅ⲑⲉ ⲛ̅ⲟⲩⲕⲗⲁⲧⲟⲥ ⲛ̅ⲁⲧⲕⲁⲣⲡⲟⲥ ⲉⲙⲛ̅ⲧϥ̅ⲛⲟⲩⲛⲉ ⲙ̅ⲙⲁⲩ ϩⲙ̅ⲡⲥⲟⲟⲩⲛ ⲛ̅ⲧⲉⲡⲛⲟⲩⲧⲉ.
ⲏ̅. ⲉⲧⲓ ⲇⲉ ⲉϥϣⲁϫⲉ ϩⲙ̅ⲡⲉⲓϣⲁϫⲉ ⲛ̅ⲧⲉⲩⲛⲟⲩ ⲁⲡⲣ̅ⲣⲟ ⲧⲛ̅ⲟⲟⲩ ⲙ̅ⲙⲁⲧⲟⲓ ⲥⲛⲁⲩ ϩⲛ̅ⲛⲉⲧⲟⲩⲙⲟⲩⲧⲉ ⲉⲣⲟⲟⲩ ϫⲉ ⲥⲉⲗⲉⲛⲧⲓⲁⲣⲓⲟⲥ ⲙⲛ̅ϩⲛ̅ⲕⲟⲟⲩⲉ ⲛⲙ̅ⲙⲁⲩ ⲉⲧⲣⲉⲩⲙⲟⲩⲧⲉ ⲉⲣⲟϥ. ⲉⲃⲟⲗ ϫⲉ ⲛ̅ⲧⲟϥ ⲡⲉⲧⲟ ⲛⲁϥ ⲛ̅ⲣⲉϥϫⲓϣⲟϫⲛⲉ. Ⲁϥⲡⲁⲣⲁⲓⲧⲉⲓ ⲇⲉ ⲉⲧⲙ̅ⲃⲱⲕ ⲉϥϫⲱ ⲙ̅ⲙⲟⲥ ϫⲉ . ⲡⲁⲥⲱⲙⲁ ⲟ ⲛ̅ⲁⲧϭⲟⲙ. Ⲡⲣ̅ⲣⲟ ⲇⲉ ⲁϥⲕⲁⲣⲱϥ ⲙ̅ⲡⲉϩⲟⲟⲩ ⲉⲧⲙ̅ⲙⲁⲩ. ⲙ̅ⲡⲉϥⲣⲁⲥⲧⲉ ⲇⲉ ⲉⲛⲉϥϫⲟⲟⲩ ⲛ̅ⲥⲱϥ ϩⲟⲙⲟⲓⲟⲥ ⲛ̅ϭⲓⲡⲇⲓⲕⲁⲓⲟⲥ. ⲛ̅ⲧⲉⲣⲉϥⲉⲓ ϣⲁⲣⲟϥ ⲁⲩϫⲓϣⲟϫⲛⲉ ⲙⲛ̅ⲛⲉⲩⲉⲣⲏⲩ ⲙ̅ⲡϩⲱⲃ ⲉⲧⲉⲛ̅ⲧⲙⲏⲧⲉ. Ⲡⲉϫⲉⲡⲣ̅ⲣⲟ ⲛⲁϥ ϫⲉ. Ⲙⲁⲣⲟⲛ ⲉϩⲟⲩⲛ ⲉⲡⲣ̅ⲡⲉ ⲛ̅ⲧⲁⲣⲧⲩⲙⲓⲥ ⲛ̅ⲧⲉⲛⲧⲁⲗⲟ ⲛⲁⲥ ⲉϩⲣⲁⲓ ⲛ̅ϩⲉⲛⲑⲩⲥⲓⲁ. ⲛ̅ⲧⲉⲣⲉϥⲙⲟⲟϣⲉ ⲇⲉ ⲛ̅ϭⲓⲡⲣ̅ⲣⲟ ⲁⲩⲛⲟϭ ⲙ̅ⲙⲏⲏϣⲉ ⲟⲩⲁϩϥ̅ ⲛ̅ⲥⲱϥ.ⲁⲡⲙⲁⲕⲁⲣⲓⲟⲥ ⲇⲉ ⲙⲉⲣⲕⲟⲩⲣⲓⲟⲥ ⲕⲟⲧϥ̅ ⲉⲡⲁϩⲟⲩ ⲁϥⲃⲱⲕ ⲁϥϩⲟⲡϥ̅ ϩⲙ̅ⲡⲉⲡⲣⲉⲧⲱⲣⲓⲟⲛ.
ⲏ̅. Ⲟⲩⲁ ⲇⲉ ⲉⲃⲟⲗ ϩⲛ̅ⲛⲟϭ ⲙ̅ⲡⲣ̅ⲣⲟ ⲁϥⲇⲓⲁⲃⲁⲗⲗⲉ ⲙ̅ⲙⲟϥ ⲉϥϫⲱ ⲙ̅ⲙⲟⲥ ϫⲉ. Ⲡⲛⲟϭ ⲛ̅ⲣ̅ⲣⲟ ⲛ̅ⲣⲉϥϫⲣⲟ ⲁⲩⲱ ⲉⲧⲁⲙⲁϩⲧⲉ ⲁⲩⲱ ⲛ̅ⲉⲩⲥⲉⲃⲏⲥ ⲡⲉⲛⲧⲁⲩⲥⲟⲧⲡϥ̅ ⲉⲃⲟⲗ ϩⲓⲧⲛ̅ⲛⲛⲟⲩⲧⲉ ⲉⲧⲣⲉϥⲇⲓⲏⲕⲉⲓ ⲛ̅ⲧⲙⲛ̅ⲧⲉⲣⲟ ⲛ̅ⲛⲉϩⲣⲱⲙⲁⲓⲟⲥ. Ⲙⲁϯ ϩⲉ ⲛⲁⲓ ⲉⲧⲣⲁϣⲁϫⲉ ⲛϫ̅ⲥⲱⲧⲙ̅ ⲉⲣⲟⲓ ϩⲛ̅ⲟⲩⲙⲛ̅ⲧⲣⲙ̅ⲣⲁϣ. ⲙⲉⲣⲕⲟⲩⲣⲓⲟⲥ. Ⲡⲁⲓ ⲉⲧⲁⲧⲉⲕⲟⲩⲛⲁⲙ ϫⲁⲥⲧϥ̅ ⲁⲩⲱ ⲁⲕϯ ⲉⲟⲟⲩ ⲛⲁϥ ϩⲛ̅ⲧⲙⲛ̅ⲧⲉⲣⲟ ⲛ̅ⲛⲉϩⲣⲱⲙⲁⲓⲟⲥ ⲙ̅ⲡⲉϥⲉⲓ ⲛⲙ̅ⲙⲁⲛ ⲕⲁⲧⲁⲡⲉⲕⲟⲩⲉϩⲥⲁϩⲛⲉ ⲉⲧⲣⲉϥⲑⲩⲥⲓⲁⲍⲉ ϩⲙ̅ⲡⲉⲣⲡⲉ ⲛ̅ⲧⲟϭ ⲛ̅ⲛⲟⲧⲉ ⲧⲁⲣⲑⲩⲙⲓⲥ ⲛϥ̅ⲧⲁⲗⲟ ϩⲁⲡⲉⲕⲁⲙⲁϩⲧⲉ. Ⲁϥⲟⲩⲱϣⲃ̅ ⲛ̅ϭⲓⲡⲣ̅ⲣⲟ ⲡⲉϫⲁϥ ϫⲉ ⲛⲓⲙ ⲡⲉ ⲡⲁⲓⲑ ⲡⲉϫⲁϥ ϫⲉ. Ⲙⲉⲣⲕⲟⲩⲣⲓⲟⲥ ⲡⲉ ⲡⲁⲓ ⲉⲛⲧⲁⲕϯ ⲛⲁϥ ⲛ̅ⲧⲙⲛ̅ⲧⲛⲟϭ ⲛ̅ⲥⲁϥ ⲙⲛ̅ϣⲙ̅ⲧⲉ ⲡⲟⲟⲩ ⲛ̅ϩⲟⲟⲩ ⲁⲩⲱ ⲁⲕϫⲁⲥⲧϥ ϩⲛ̅ϩⲁϩ ⲛ̅ⲁⲝⲓⲱⲙⲁ. Ⲡⲁⲓ ⲇⲉ ⲟⲩ ⲙⲟⲛⲟⲛ ⲁϥⲣ̅ⲁⲧⲥⲱⲧⲙ̅ ⲛ̅ⲥⲁⲧⲉⲕⲙⲛ̅ⲧⲉⲣⲟ . ⲁⲗⲗⲁ ⲁϥⲉⲣⲡⲕⲉⲡⲓⲑⲉ ⲛ̅ϩⲁϩ ⲉⲧⲙ̅ⲧⲣⲉⲩϣⲙ̅ϣⲉ ⲛ̅ⲛⲛⲟⲩⲧⲉ. Ⲉⲕϣⲁⲛϫⲛⲟⲩϥ ⲇⲉ ⲉⲕⲛⲁⲉⲓⲙⲉ ⲉⲛⲉⲛⲧⲁⲓϫⲟⲟⲩ ⲛⲁⲕ. Ⲇⲉⲕⲓⲟⲥ ⲇⲉ ⲡⲉϫⲁϥ ϫⲉ. Ⲁⲣⲏⲩ ⲛ̅ⲧⲁⲟⲩⲫⲑⲟⲛⲟⲥ ϣⲱⲡⲉ ϩⲙ̅ⲡⲉⲕϩⲏⲧ ⲉϩⲟⲩⲛ ⲉⲡⲣⲱⲙⲉ ⲉⲧⲙ̅ⲙⲁⲩ ⲁⲕϣⲁϫⲉ ϩⲓⲛⲁⲓⲑ ⲁⲗⲗⲁ ⲛ̅ϯⲛⲁⲡⲓⲥⲧⲉⲩⲉ ⲁⲛ ⲉⲓⲙⲏⲧⲉⲓ ⲛ̅ⲧⲁⲉⲓⲙⲉ ϩⲛ̅ⲟⲩⲱⲣϫ ⲁⲩⲱ ⲛ̅ⲧⲁⲛⲁⲩ ⲉⲡϩⲱⲃ ⲛ̅ϩⲟ ϩⲓϩⲟ. Ⲡⲛⲁⲩ ⲅⲁⲣ ⲛ̅ⲙ̅ⲃⲁⲗ. ϣⲁⲩⲧⲁⲛϩⲟⲟⲩⲧϥ ⲉϩⲟⲩⲉⲡⲥⲱⲧⲙ̅ ⲛ̅ⲙ̅ⲙⲁⲁϫⲉ. Ⲕⲁⲣⲱⲕ ⲇⲉ ⲧⲉⲛⲟⲩ ⲛⲅ̅ⲧⲙⲧⲁⲗⲉ ⲗⲁⲁⲩ ⲛ̅ϣⲁϫⲉ ⲛ̅ⲥⲁⲡⲣⲱⲙⲉ ⲉⲧⲙ̅ⲙⲁⲩ. Ⲁⲩⲱ ⲉϣⲱⲡⲉ ⲛ̅ⲧⲁⲕⲕⲁⲧⲟⲓϫⲟⲣⲉⲓ ⲙ̅ⲙⲟϥ ϩⲛ̅ⲟⲩⲫⲑⲟⲛⲟⲥ ⲛ̅ⲑⲉ ⲉⲛⲧⲁⲓϫⲟⲟⲥ. Ⲉⲓⲙⲉ ⲛⲁⲕ ϫⲉ ⲕϭⲏⲡ ⲉϩⲉⲛⲛⲟϭ ⲛ̅ⲇⲓⲙⲱⲣⲓⲁ. Ⲉⲣϣⲁⲛⲛⲉⲛⲧⲁⲕϫⲟⲟⲩ ⲇⲉ ⲟⲩⲱⲛϩ ⲉⲃⲟⲗ ⲉⲩⲟ ⲙ̅ⲙⲉ ⲉⲓⲙⲉ ϫⲉ ⲕⲛⲁϫⲓ ⲛ̅ϩⲉⲛⲛⲟϭ ⲛ̅ⲧⲁⲓⲟ ⲉⲃⲟⲗ ϩⲓⲧⲟⲟⲧ . ϩⲱⲥⲧⲉ ϫⲉ ⲕⲟ ⲛⲟⲩϩⲏⲧ ⲛ̅ⲟⲩⲱⲧ ⲙⲛ̅ⲛⲛⲟⲩⲧⲉ ⲁⲩⲱ ⲉϩⲟⲩⲛ ⲉⲛⲉⲣⲣⲱⲟⲩ.
ⲓ̅. Ⲁϥⲕⲉⲗⲉⲩⲉ ⲇⲉ ⲉⲧⲣⲉⲩⲉⲓⲛⲉ ⲙ̅ⲡⲡⲉⲧⲟⲩⲁⲁⲃ ϩⲛ̅ⲧϯⲙⲏ ⲉⲧⲉϣϣⲉ ⲛ̅ⲑⲉ ⲙ̅ⲙⲏⲛⲉ. ⲛ̅ⲧⲉⲣⲉϥⲉⲓ ⲇⲉ ϣⲁ ⲡⲣ̅ⲣⲟ ⲡⲉϫⲁϥ ⲛⲁϥ ⲛ̅ϭⲓⲡⲣ̅ⲟ ϫⲉ. Ⲙⲉⲣⲕⲟⲩⲣⲓⲉ. Ⲙⲏ ⲁⲛⲟⲕ ⲁⲛ ⲁⲓϯ ⲛⲁⲕ ⲙ̅ⲡⲉⲓⲁⲝⲓⲱⲙⲁ ⲙⲛ̅ⲡⲉⲓⲧⲁⲉⲓⲟ ⲁⲓⲁⲁⲕ ⲛ̅ⲥⲧⲁⲧⲓⲗⲁⲧⲏⲥ ϩⲛ̅ⲧⲙⲏⲧⲉ ⲛ̅ⲛⲁⲣⲭⲱⲛ ⲧⲏⲣⲟⲩ ⲉⲧⲃⲉⲧⲉⲕⲙⲧ̅ⲣⲙ̅ⲛ̅ϩⲏⲧ ⲙⲛ̅ⲡⲉϫⲣⲟ ⲉⲛⲧⲁⲛⲉⲛⲛⲟⲩⲧⲉ ⲭⲁⲣⲓⲍⲉ ⲙ̅ⲙⲟϥ ⲛⲁⲕ ϩⲙ̅ⲡⲡⲟⲗⲁⲓⲙⲟⲥⲑ ⲁⲩⲱ ⲛⲁϣ ⲛ̅ϩⲉ ⲡⲛⲟϭ ⲛ̅ⲟⲩⲱϣ ⲉⲧⲉⲩⲛ̅ⲧⲁⲓϥ ⲉϩⲟⲩⲛ ⲉⲣⲟⲕ ⲁⲕⲡⲟⲟⲛⲉϥ ⲉϩⲉⲛⲥⲙⲟⲧ ⲉⲩϩⲟⲟⲩ ⲁⲩⲱ ⲛⲉⲓⲛⲟϭ ⲛ̅ⲧⲁⲉⲓⲟ ⲁⲕⲁⲡⲟⲩ ⲉⲩⲗⲁⲟⲩ ⲉⲁⲕⲕⲁⲧⲁⲫⲣⲟⲛⲉⲓ ⲛ̅ⲛⲟⲩⲧⲉ ⲛ̅ⲧⲉⲓϩⲉ ⲧⲏⲣⲥ̅ ⲕⲁⲧⲁⲑⲉ ⲉⲛⲧⲁⲩⲧⲥⲁⲃⲉⲉⲓⲁⲧⲥ̅ ⲛ̅ⲧⲉⲛⲙⲛ̅ⲧⲉⲩⲥⲉⲃⲏⲥ ⲉⲃⲟⲗⲑ ⲧⲟⲧⲉ ⲡⲙⲁⲧⲟⲓ ⲛ̅ⲅⲉⲛⲛⲁⲓⲟⲥ ⲛⲁⲭⲙⲉ ⲙ̅ⲡⲉⲬⲥ̅ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲁϥⲕⲁⲁϥ ⲕⲁϩⲏⲩ ⲙ̅ⲡⲉⲣⲙ̅ⲛⲁⲥ ⲙⲛ̅ⲛⲉϥϩⲃⲏⲩⲉ ⲕⲁⲧⲁⲡϣⲁϫⲉ ⲙ̅ⲡⲁⲡⲟⲥⲧⲟⲗⲟⲥ ⲁϥϯ ϩⲓⲱⲱϥ ⲙ̅ⲡⲃⲣ̅ⲣⲉ ⲡⲁⲓ ⲛ̅ⲧⲁⲩⲥⲟⲛⲧϥ̅ ⲕⲁⲧⲁⲡⲛⲟⲩⲧⲉ ϩⲓⲧⲙ̅ⲡⲃⲁⲡⲧⲓⲥⲙⲁ ⲁϥⲟⲩⲱϣⲃ̅ ϩⲛ̅ⲟⲩⲥⲙⲏ ⲙ̅ⲙⲛ̅ⲧϫⲁⲣϩⲏⲧ ϫⲉ. Ⲡⲉⲓⲧⲁⲉⲓⲟ ⲡⲁⲓ ⲙⲁⲣⲉϥϣⲱⲡⲉ ⲛⲁⲕ. Ⲁⲛⲟⲕ ⲅⲁⲣ ⲉϣϫⲉ ⲁⲓⲃⲱⲕ ⲉⲃⲟⲗ ⲉⲡⲡⲟⲗⲁⲓⲙⲟⲥ ⲁⲓⲙⲓϣⲉ ⲛ̅ⲁⲛⲟⲕ ⲁⲛ ⲡⲉⲛⲧⲁⲓϫⲣⲟ ⲉⲛ̅ⲃⲁⲣⲃⲁⲣⲟⲥ. Ⲁⲗⲗⲁ Ⲡⲁϫ̅ⲟⲉⲓⲥ Ⲓⲥ̅ ⲠⲉⲬⲥ̅ ⲡⲉⲛⲧⲁϥⲭⲁⲣⲓⲍⲉ ⲛⲁⲓ ⲙ̅ⲡⲉϫⲣⲟ. Ⲡⲗⲏⲛ ϫⲓ ⲛⲁⲕ ⲛ̅ⲛⲉⲕⲧⲁⲉⲓⲟ ⲛ̅ⲑⲉ ⲛ̅ⲧⲁⲕϫⲟⲟⲥ. ⲛ̅ⲧⲁⲓⲉⲓ ϫⲁⲣ ⲉⲃⲟⲗ ⲛ̅ϩⲏⲧⲥ̅ ⲛ̅ⲧⲁⲙⲁⲁⲩ ⲉⲓⲕⲏ ⲕⲁϩⲏⲩ. Ⲉⲓⲛⲁⲃⲱⲕ ⲟⲛ ⲉⲃⲟⲗ ϩⲙ̅ⲡⲉⲓⲕⲟⲥⲙⲟⲥ ⲉⲓⲕⲏ ⲕⲁϩⲏⲩ.
ⲓ̅ⲁ̅. ⲛ̅ⲧⲉⲣⲉϥϫⲉⲛⲁⲓ ⲁϥⲕⲁⲁϥ ⲕⲁϩⲏⲩ ⲛ̅ⲧⲉϥⲭⲗⲁⲙⲩⲥ ⲁϥⲃⲟⲗⲉϥ ⲉⲃⲟⲗ ⲛ̅ⲧⲉϥⲉⲛⲍⲱⲛⲏ ⲁϥⲛⲟϫⲟⲩ ϩⲁⲣⲁⲧϥ̅ ⲙ̅ⲡⲣ̅ⲣⲟ ⲁϥϫⲓϣⲕⲁⲕ ⲉⲃⲟⲗ ⲉϥϫⲱ ⲙ̅ⲙⲟⲥ ϫⲉ . ⲁⲛⲅ̅ⲟⲩⲭⲣⲓⲥⲧⲓⲁⲛⲟⲥ. Ⲁⲩⲱ ⲥⲱⲧⲙ̅ ⲛⲏⲧⲛ̅ ⲧⲏⲣⲧⲛ̅ ϫⲉ ⲁⲛⲅ̅ⲟⲩⲭⲣⲓⲥⲧⲓⲁⲛⲟⲥ. Ⲧⲟⲧⲉ ⲇⲉⲕⲓⲟⲥ ⲁϥⲣ̅ⲑⲉ ⲛ̅ⲛⲉⲧⲡⲟϣⲥ̅ ⲁϥⲉⲓⲱⲣⲙ̅ ⲉϩⲟⲩⲛ ⲉϩⲣⲁϥ ⲛ̅ⲟⲩⲛⲟϭ ⲛ̅ⲛⲁⲩ. Ⲉϥⲟ ⲛ̅ϣⲡⲏⲣⲉ ⲉϫⲙ̅ⲡⲥⲁ ⲛ̅ⲧⲉϥⲙⲛ̅ⲧⲃⲣ̅ⲣⲉ. Ⲡⲙⲁⲕⲁⲣⲓⲟⲥ ⲇⲉ ⲛⲉⲛⲉⲥⲱϥ ⲉⲙⲁⲧⲉ ⲡⲉ ϩⲙ̅ⲡⲉϥⲉⲓⲛⲉ ⲉⲣⲉ ⲡⲉϥϩⲟ ⲟ ⲛ̅ⲑⲉ ⲛ̅ⲛⲟⲩⲉⲣⲧ ϩⲙ̅ⲡⲉϥⲁⲩⲁⲛ. Ⲉⲣⲉⲡⲉϥⲃⲱ ⲟ ⲙ̅ⲙⲉⲣϣ ⲉϥⲕⲟⲥⲙⲉⲓ ⲛ̅ⲥⲁⲥⲁ ⲛⲓⲙ ϩⲙ̅ⲙⲛ̅ⲧⲅⲱⲱⲣⲉ ⲛⲓⲙ. Ⲛⲉⲛⲧⲁⲩϭⲱϣⲧ ⲛ̅ⲥⲱϥ ⲇⲉ ⲛⲉⲩⲣ̅ϣⲡⲏⲣⲉ ⲙ̅ⲙⲟϥ. ⲙⲛ̅ⲛⲥⲁ ⲛⲁⲓ ⲁⲡⲣ̅ⲣⲟ ⲇⲉⲕⲓⲟⲥ ⲕⲓⲙ ⲛ̅ⲧⲉϥⲁⲡⲉ ⲁⲩⲱ ⲁϥⲕⲉⲗⲉⲩⲉ ⲉⲛⲟϫϥ̅ ⲉⲡⲉϣⲧⲉⲕⲟ ⲉϥϫⲱ ⲙ̅ⲙⲟⲥ ϫⲉ . ⲡⲉⲓⲣⲱⲙⲉ ⲉⲡⲉⲓⲇⲏ ⲙ̅ⲡⲉϥⲥⲱⲟⲩⲛⲡⲧⲁⲓⲟ ⲉⲧϥ̅ⲛ̅ϩⲏⲧϥ̅ ⲙⲁⲣⲉϥϫϫϫϫⲓ ⲡⲓⲣⲁ ⲧⲉⲛⲟⲩ ⲙ̅ⲡϭⲁⲉⲓⲟ. ⲛ̅ⲧⲁϥϫⲉⲡⲁⲓ ⲇⲉ ⲉϥⲙⲉⲉⲩⲉ ϫⲉ ϥⲛⲁⲡⲉⲉⲛⲉⲡⲉϥⲗⲟⲅⲓⲥⲙⲟⲥ ⲛ̅ⲉⲩⲥⲉⲃⲏⲥ. Ⲡⲙⲁⲕⲁⲣⲓⲟⲥ ⲇⲉ ⲛⲉⲩϫⲓ ⲙ̅ⲙⲟϥ ⲉⲡⲉϣⲧⲉⲕⲟ ⲉⲛⲉϥⲣⲁϣϣⲉ ⲡⲉ ⲁⲩⲱ ⲉⲛⲉϥⲧⲉⲗⲏⲗ ϩⲙ̅ⲡⲉϥⲡ̅ⲛ̅ⲁ̅ ⲉϥϯⲉⲟⲟⲩ ⲙ̅ⲡⲛⲟⲩⲧⲉ.
ⲓ̅ⲃ̅. Ϩⲛ̅ⲧⲉⲩϣⲏ ⲇⲉ ⲉⲧⲙ̅ⲙⲁⲩ ⲁⲩⲁⲅⲅⲉⲗⲟⲥ ⲁϩⲉⲣⲁⲧϥ̅ ϩⲓⲅⲱϥ ⲡⲉϫⲁϥ ⲛⲁϥ ϫⲉ. Ⲙⲉⲣⲕⲟⲩⲣⲓⲉ. Ⲧⲱⲕ ⲛ̅ϩⲏⲧ ⲁⲩⲱ ⲙ̅ⲡⲉⲣϭⲱⲧⲡ ϩⲏⲧⲟⲩ ⲛ̅ⲛⲁⲡⲉⲓⲗⲓ ⲙ̅ⲡⲧⲩⲣⲁⲛⲟⲥ. Ⲡⲓⲥⲧⲉⲩⲉ ⲉⲡⲉⲬⲥ̅ ⲛ̅ⲧⲁⲕϩⲟⲙⲟⲗⲟⲅⲉⲓ ⲙ̅ⲙⲟϥ ϫⲉ ⲟⲟ̅ⲥ̅ⲛ̅ϣϭⲟⲙ ⲙ̅ⲙⲟϥ ⲉⲧⲟⲩϫⲟⲕ ⲉⲃⲟⲗ ϩⲛ̅ⲑⲗⲓⲯⲓⲥ ⲛⲓⲙ. Ⲡⲙⲁⲣⲧⲩⲣⲟⲥ ⲇⲉ ⲁϥϭⲙ̅ϭⲟⲙ ⲉϩⲟⲩⲟ ϩ̅ⲙ̅ⲡⲧⲣⲉⲡⲁⲅⲅⲉⲗⲟⲥ ⲟⲩⲱⲛϩ ⲉⲣⲟϥ ⲛϥ̅ϫⲉⲛⲁⲓ ⲛⲁϥ. ⲙ̅ⲡⲉϥⲣⲁⲥⲧⲉ ⲇⲉ ⲁϥϩⲙⲟⲟⲥ ⲉⲡⲃⲏⲙⲁ ⲛ̅ϭⲓⲡⲣ̅ⲣⲟ ⲇⲉⲕⲓⲟⲥ ⲁϥⲟⲩⲉϩⲥⲁϩⲛⲉ ⲉⲧⲣⲉⲩⲡⲁⲣϩⲓⲥⲧⲁ ⲛⲁϥ ⲙ̅ⲡⲙⲁⲕⲁⲣⲓⲟⲥ ⲡⲉϫⲁϥ ϫⲉ. Ⲉⲣⲉⲡⲉⲓⲧⲁⲓⲟ ⲛ̅ⲧⲉⲓⲙⲓⲛⲉ ⲡⲣⲉⲡⲉⲓ ⲛⲁⲕ ⲛ̅ⲧⲁⲕϫⲓⲧϥ̅ ⲉⲃⲟⲗϩⲓⲧⲟⲟⲧ ⲉⲡⲉⲓⲧϭⲁⲉⲓⲟ ⲛ̅ⲧⲁⲕⲥⲟⲧⲡϥ̅ ⲛⲁⲕ ⲙⲁⲩⲁⲁⲕ.ⲑ ⲁϥⲟⲩⲱϣⲃ̅ ⲛ̅ϭⲓⲡⲡⲉⲧⲟⲩⲁⲁⲃ ϫⲉ ⲥⲉ ϥ̅ⲡⲣⲉⲡⲉⲓ ⲛⲁⲓ ⲛ̅ϩⲟⲩⲟ. Ⲁⲓϫⲓ ⲅⲁⲣ ⲛ̅ⲟⲩⲁⲝⲓⲱⲙⲁ ⲛ̅ⲁⲧⲧⲁⲕⲟ ⲉⲡⲙⲁ ⲙ̅ⲡⲱⲕ ⲉϣⲁϥⲧⲁⲕⲟ. Ⲡⲉϫⲉⲡⲣ̅ⲣⲟ ⲛⲁϥ ϫⲉ ϫⲱ ⲉⲣⲟⲓ ⲙ̅ⲡⲉⲕⲅⲉⲛⲟⲥ ⲙⲛ̅ⲧⲉⲕⲡⲟⲗⲓⲥ. ⲛ̅ⲧⲟⲕ ⲅⲁⲣ ϯⲥⲟⲟⲩⲛ ⲙ̅ⲙⲟⲕ ϫⲉ ⲕⲏⲡ ⲛ̅ⲁϣ ⲛ̅ⲇⲁⲝⲓⲥ. Ⲡⲉϫⲁϥ ⲛ̅ϭⲓⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ϫⲉ . ⲕⲟⲩⲱϣ ⲉⲥⲟⲩⲛⲧⲁⲡⲟⲗⲓⲥ ⲙⲛ̅ⲡⲁⲅⲉⲛⲟⲥⲑ ⲁⲛⲟⲕ ϯⲛⲁⲧⲁⲙⲟⲕ ⲉⲣⲟⲟⲩ. Ⲡⲁⲉⲓⲱⲧ ⲙⲉⲛ ⲕⲁⲧⲁⲥⲁⲣⲝ ⲙⲉⲛ ⲡⲉ ⲕⲟⲣⲇⲓⲁⲛⲟⲥ. Ⲟⲩⲉⲃⲟⲗ ⲡⲉ ⲛ̅ⲧⲉⲥⲕⲩⲑⲓⲁ ⲉⲁϥⲣ̅ⲙⲁⲧⲟⲓ ⲉⲡⲁⲣⲓⲑⲙⲟⲥ ⲛ̅ⲛⲉⲧⲟⲩⲙⲟⲩⲧⲉ ⲉⲣⲟⲟⲩ ϫⲉ ⲙⲁⲣⲧⲩⲥⲓⲟⲛ. Ϩⲙ̅ⲡⲉⲓⲟⲩⲟⲉⲓϣ ⲇⲉ ⲡⲁⲓ ⲁϥⲣ̅ⲡⲣⲱⲧⲟⲥ ⲉⲡⲉⲓⲁⲣⲓⲑⲙⲟⲥ ⲛ̅ⲟⲩⲱⲧ. Ⲡⲁⲉⲓⲱⲧ ⲇⲉ ϩⲱⲱϥ ⲛ̅ⲁⲗⲓⲑⲓⲛⲟⲛ ⲡⲉ ⲡⲛⲟⲩⲧⲉⲁⲩⲱ ⲧⲁⲡⲟⲗⲓⲥ ⲛ̅ⲁⲗⲓⲑⲓⲛⲟⲛⲧⲉ ⲑⲓ̅ⲗ̅ⲙ̅ ⲛ̅ⲧⲡⲉ .ⲧⲡⲟⲗⲓⲥ ⲙ̅ⲡⲛⲟϭ ⲛ̅ⲣ̅ⲣⲟ.ⲡⲉϫⲁϥ ⲛ̅ϭⲓⲡⲣ̅ⲣⲟ ϫⲉ ⲛ̅ⲧⲁⲩⲙⲟⲩⲧⲉ ⲉⲣⲟⲕ ⲙ̅ⲡⲉⲓⲣⲁⲛ ϫⲉ ⲙⲉⲉⲣⲕⲟⲩⲣⲓⲟⲥ ϩⲓⲧⲛ̅ⲛⲉⲕⲉⲓⲟⲧⲉ ϫⲉ ⲙ̅ⲙⲁⲧⲟⲓ ⲛⲉⲛⲯⲁⲩⲧⲁⲁϥ ⲉⲣⲟⲕⲑ ⲡⲉϫⲁϥ ⲛ̅ϭⲓⲙⲉⲣⲕⲟⲩⲣⲓⲟⲥ ϫⲉ . ⲡⲁⲉⲓⲱⲧ ⲙⲉⲛ ⲛ̅ⲧⲁϥⲙⲟⲩⲧⲉ ⲉⲣⲟⲓ ⲙ̅ⲡⲁⲣⲛ ϫⲉ ⲫⲓⲗⲟⲡⲁⲧⲏⲣ. Ⲉⲧⲉⲡⲉϥⲟⲩⲱϩⲙ ⲡⲉ ⲡⲙⲁⲓⲛⲉϥⲉⲓⲟⲧⲉ. ⲛ̅ⲧⲉⲉⲣⲓⲣ̅ⲙⲁⲧⲟⲓ ⲇⲉ ⲁⲩⲙⲟⲩⲧⲉ ⲉⲣⲟⲓ ϫⲉ ⲙⲉⲣⲕⲟⲩⲣⲓⲟⲥ ϩⲓⲧⲛ̅ⲛⲉⲧⲣⲓⲃⲟⲩⲛⲟⲥ ⲙ̅ⲡⲁⲁⲣⲓⲑⲙⲟⲥ.
ⲓ̅ⲅ̅. Ⲡⲣ̅ⲣⲟ ⲇⲉ ⲡⲉϫⲁϥ ⲛⲁϥ ϫⲉ . ⲕⲛⲁⲉⲓⲣⲉ ⲕⲁⲁⲧⲁⲡⲉⲡⲣⲟⲥⲧⲁⲅⲙⲁ ⲛ̅ⲧⲁⲩⲧⲟϭϥ̅ ⲉⲃⲟⲗ ϫⲓⲛⲉϣⲟⲣⲡ ⲛ̅ⲟⲩⲟⲛ ⲛⲓⲙ ⲛⲅ̅ⲡⲣⲟⲥⲕⲩⲛⲉⲓ ⲛ̅ⲛⲉⲛⲟϭ ⲛ̅ⲛⲉⲛⲟⲩⲧⲉ ⲛⲅ̅ϫⲓ ⲙ̅ⲡⲉⲕⲧⲁⲓⲟ ⲛ̅ϣⲟⲣⲡ ϫⲓⲛ ̅ⲙⲙⲟⲛ ⲑ ⲟⲩ ⲡⲉⲧⲕ̅ϫⲱ ⲙ̅ⲙⲟϥⲑ ϭⲉⲡⲓ ⲙⲉⲛ ϩⲱⲥ ⲛ̅ⲧⲁⲩⲉⲛⲧⲕ̅ ⲉⲡⲉⲓⲙⲁ ⲉⲡⲉⲓϩⲱⲃ. Ⲁϥⲟⲩⲱϣⲃ̅ ⲛ̅ϭⲓⲡⲙⲁⲕⲁⲣⲓⲟⲥ ⲡⲉϫⲁϥ ⲛⲁϥ ϫⲉ . ⲁⲛⲟⲕ ⲕⲁⲧⲁⲑⲉ ⲛ̅ⲧⲁⲓϫⲟⲟⲥ ⲛ̅ⲧⲁⲓⲉⲓ ⲉⲡⲉⲓⲙⲁ ϫⲉⲕⲁⲥ ⲉⲓⲉϫⲣⲟ ⲉⲣⲟⲕ ⲙⲛ̅ⲡⲉⲕⲉⲓⲱⲱⲧ ⲡⲥⲁⲧⲁⲛⲁⲥ ⲡⲉⲛⲧⲁ ⲡⲉⲑⲟⲟⲩ ⲛⲓⲙ ϣⲱⲡⲉ ⲉⲃⲟⲗ ϩⲓⲧⲟⲟⲧϥ̅. ⲉⲓϣⲁⲛϫⲣⲟ ⲇⲉ ⲥⲉⲛⲁϯ ⲛⲁⲓ ⲙ̅ⲡⲓⲕⲗⲟⲙ ⲛ̅ⲁⲧⲧⲁⲕⲟ ϩⲓⲧⲙ̅ⲡⲁⲅⲟⲛⲟⲑⲉⲧⲏⲥ ⲙ̅ⲙⲉ Ⲡⲁϫⲟⲓⲥ Ⲓⲥ̅ Ⲡⲉⲭ̅ⲥ̅ . ⲡⲉⲧϩ̅ⲛⲁⲕ ⲁⲣⲓϥ ⲛⲁⲓ ϩⲛ̅ⲟⲩϭⲉⲡⲏ ⲛⲅ̅ⲧⲙ̅ⲱⲥⲕ̅. Ⲟⲩⲧⲁⲓ ⲇⲉ ⲙ̅ⲙⲁⲩ ⲛ̅ⲧⲡⲁⲛϩⲟⲡⲗⲓⲁ ⲙ̅ⲡⲁⲛⲟⲩⲧⲉ ⲙⲛ̅ⲡⲉⲑⲩⲣⲱⲛ ⲛ̅ⲧⲡⲓⲥⲧⲓⲥ ⲛⲁⲓ ⲉⲃⲟⲗϩⲓⲧⲟⲟⲧⲟⲩ ϯⲛⲁϫⲣⲟ ⲉⲛⲉⲕⲙⲉⲉⲩⲉ ⲙⲛ̅ⲛⲉⲕⲧⲉⲭⲛⲏ ⲧⲏⲣⲟⲩ ⲉⲑⲟⲟⲩ ⲉϩⲟⲩⲛ ⲉⲣⲟⲓ.
ⲓ̅ⲇ̅. Ⲧⲟⲧⲉ ⲡⲣ̅ⲣⲟ ⲁϥⲙⲟⲩϩ ⲛ̅ϭⲱⲛⲧ ⲡⲉϫⲁϥ ϫⲉ . ⲉⲡⲉⲓⲇⲏ ⲛ̅ⲧⲁⲡⲁⲓ ϫⲱ ⲙ̅ⲙⲟⲥ ϫⲉ ⲟⲩⲛ̅ⲧⲁⲓ ⲙ̅ⲙⲁⲩ ⲛ̅ⲟⲩⲡⲁⲛϩⲟⲡⲗⲓⲁ ⲙⲛ̅ⲟⲩϩⲱⲕ ⲕⲁⲓⲡⲉⲣ ϥⲁϩⲉⲉⲉⲣⲁⲧϥ ⲉϥⲕⲏ ⲕⲁϩⲏⲩ. ϯⲕⲉⲗⲉⲩⲉ ⲉⲧⲣⲉⲩⲧⲁⲥϥ ⲉⲃⲟⲗ ϩⲓⲧⲛ̅ϥⲧⲟ ⲛ̅ϣⲙⲟⲩ ⲛ̅ⲥⲉⲁϣⲧϥ̅ ⲙ̅ⲡⲉⲧⲡⲉ ⲙ̅ⲡⲕⲁϩ ⲛ̅ⲟⲩⲙⲁϩⲉ. ⲛ̅ⲧⲉⲣⲟⲩⲣ̅ⲡⲁⲓ ⲡⲉϫⲉⲡⲣ̅ⲣⲟ ⲛⲁϥ ϫⲉ . ⲉⲩⲧⲱⲛ ⲛⲉⲕⲡⲁⲛϩⲟⲡⲗⲓⲁ ⲧⲉⲛⲟⲩ ⲉⲧⲉⲕⲫⲱⲣⲉⲓ ⲙ̅ⲙⲟⲟⲩⲑ ϣⲉ ⲡⲛⲟϭ ⲛ̅ⲛⲟⲩⲧⲉ ⲡⲍⲉⲩⲥ ⲁⲩⲧⲟⲥⲕ ⲉⲃⲟⲗ ⲉⲙⲁⲧⲉ. Ⲡϩⲁⲅⲓⲟⲥ ⲇⲉ ⲙⲉⲣⲕⲟⲩⲣⲓⲟⲥ ⲁϥϭⲱϣⲧ ⲉϩⲣⲁⲓ ⲉⲧⲡⲉ ⲡⲉϫⲁϥ ϫⲉ. Ⲡⲁⲇⲟⲉⲓⲥ Ⲓⲥ̅ Ⲡⲉⲭ̅ⲥ̅ ⲃⲟⲏⲑⲉⲓ ⲉⲣⲟⲓ ⲁⲛⲟⲕ ⲡⲉⲕϩⲙ̅ϩⲁⲗ. Ⲡⲁⲗⲓⲛ ⲟⲛ ⲁϥⲕⲉⲗⲉⲩⲉ ⲛ̅ϭⲓⲡⲣ̅ⲣⲟ ⲉⲧⲣⲉⲩϣⲱⲗϭ ⲙⲡⲉϥⲥⲱⲙⲁ ϩⲛ̅ϩⲉⲛϭⲟⲣⲧⲉ ⲉⲩϫⲏⲣ ⲉⲡⲙⲁ ⲛ̅ϩⲉⲛⲙⲁⲥⲧⲓⲅⲝ. ⲙⲛ̅ⲛⲥⲱⲥ ⲛ̅ⲥⲥⲉⲡⲱⲣϣ ⲛ̅ϩⲉⲛϫⲃ̅ⲃⲥ̅ ⲛ̅ⲕⲱϩⲧ ϩⲁⲣⲟϥ ⲉⲩⲙⲟⲩϩ ϫⲉⲕⲁⲥ ⲉϥⲉⲣⲱⲕϩ ⲕⲟⲩⲓ ⲕⲟⲩⲓ ⲁⲩⲱ ⲁϥⲱϣⲙ̅ ⲛ̅ϭⲓⲡⲕⲱϩⲧ ϩⲓⲧⲙ̅ⲡⲉⲥⲛⲟϥ ⲉⲧⲟϣ ⲉⲧϩⲁⲧⲉ ⲉⲃⲟⲗ. Ⲡⲡⲉⲧⲟⲩⲁⲁⲃ ⲇⲉ ⲁϥϥⲓ ⲉⲣⲟϥ ϩⲛ̅ⲟⲩⲛⲟϭ ⲙ̅ⲙⲛ̅ⲧϫⲱⲱⲣⲉ ϩⲁⲧⲉⲓⲛⲟϭ ⲛ̅ⲃⲁⲥⲁⲛⲟⲥ.
ⲓ̅ⲉ̅. Ⲇⲉⲕⲓⲟⲥ ⲇⲉ ⲁϥⲟⲩⲉϩⲥⲁϩⲛⲉ ⲉⲧⲣⲉⲩⲃⲟⲗϥ ⲉⲃⲟⲗ ϫⲉⲕⲁⲥ ⲛ̅ⲛⲉϥⲙⲟⲩ ϩⲛ̅ⲟⲩϭⲉⲡⲏ ⲛ̅ⲥⲉⲟⲧⲡϥ̅ ⲉϩⲟⲩⲛ ⲉⲩⲙⲁ ⲛ̅ⲕⲁⲕⲉ ⲛ̅ⲥⲉⲱⲣϫ̅ ⲉⲣⲟϥ. ⲙ̅ⲙⲁⲧⲟⲓ ⲇⲉ ⲁⲩϥⲓ ⲉϩⲣⲁⲓ ϩⲁⲣⲟϥ ⲉϥⲟ ⲙ̅ⲡϣⲙⲟⲩ ⲉⲩⲉⲛⲕⲟⲩⲓ ⲛ̅ⲛⲓⲃⲉ ϣⲟⲟⲡ ϩⲣⲁⲓ ⲛ̅ϩⲏⲧϥ ⲁⲩⲛⲟϫϥ̅ ⲉϩⲟⲩⲛ ⲉⲡⲙⲁ ⲉⲧⲙ̅ⲙⲁⲩ ⲉⲩⲙⲉⲉⲩⲉ ϫⲉ ϥⲛⲁⲙⲟⲩ ϩⲛ̅ⲟⲩϭⲉⲡⲏ. ϩⲛ̅ⲧⲉⲩϣⲏ ⲇⲉ ⲉⲧⲙ̅ⲙⲁⲩ ⲁⲡⲁⲅⲅⲉⲗⲟⲥ ⲙ̅ⲡϫⲟⲉⲓⲥ ⲟⲩⲱⲛϩ ⲛⲁϥ ⲉⲃⲟⲗ ⲡⲉϫⲁϥ ⲛⲁϥ ϫⲉ. ϯⲣⲏⲛⲏ ⲛⲙ̅ⲙⲁⲕ ⲡⲉϣⲟⲉⲓϫ ⲙ̅ⲡⲉϫⲣⲟ. ⲛ̅ⲧⲉⲣⲉϥϫⲉⲛⲁⲓ ⲁϥⲧⲁⲗϭⲟ ⲛ̅ⲥⲁϣⲉⲧ ϩⲙ̅ⲡⲉϥϭⲱⲙⲁ ⲁⲩⲱ ⲁϥⲧⲁϩⲟϥ ⲉϥⲟⲩⲟⲅ ϩⲱⲥⲧⲉ ⲉⲧⲣⲉϥⲧⲱⲟⲩⲛ ⲛϥ̅ϯⲉⲟⲟⲩ ⲙ̅ⲡⲛⲟⲩⲧⲉ ⲛ̅ⲧⲁϥⲧⲁⲙⲓⲟϥ ϫⲉ ⲁϥⲃⲟⲏⲑⲉⲓ ⲉⲣⲟϥ.
ⲓ̅Ⲋ. ⲙⲛ̅ⲛⲥⲁⲛⲁⲓ ⲟⲛ ⲁϥⲕⲉⲗⲉⲩⲉ ⲛ̅ϭⲓⲡⲣ̅ⲣⲟ ⲇⲉⲕⲓⲟⲥ ⲉⲧⲣⲉⲩⲧⲁϩⲟϥ ⲉⲣⲁⲧϥ̅ ⲉⲡⲃⲏⲙⲁ ⲡⲉϫⲁϥ ⲛⲁϥ ϫⲉ. ⲁⲩϥⲓⲧⲕ̅ ⲉⲃⲟⲗ ϩⲓⲧⲟⲟⲧ ⲉⲕⲟ ⲛ̅ⲕⲱⲱⲥ. ⲛ̅ⲁϣ ⲛ̅ϩⲉ ⲕⲙⲟⲟϣⲉ ⲧⲉⲛⲟⲩⲩⲩⲩⲑ ⲙⲉϣⲁⲕ ⲣⲱ ⲙⲛ̅ⲗⲁⲁⲩ ⲙ̅ⲡⲱⲗϩ ϩⲙ̅ⲡⲉⲕⲥⲱⲙⲁⲑⲧⲟⲧⲉ ⲁϥⲕⲉⲗⲉⲩⲉ ⲛ̅ⲛⲉⲃⲁⲓⲙⲉⲣⲉϩ ⲉⲧⲁϩⲉⲣⲁⲧⲟⲩ ⲉⲣⲟϥ ⲉⲧⲣⲉⲩⲙⲟⲩϣⲧ ⲙ̅ⲡⲉϥⲥⲱⲙⲁ. ⲛ̅ⲧⲟⲟⲩ ⲇⲉ ⲡⲉϫⲁⲩ ⲙ̅ⲡⲣ̅ⲣⲟ ϫⲉ . ϣⲉ ⲡⲉⲕⲕⲣⲁⲧⲟⲥ ⲛ̅ⲉⲩⲥⲉⲃⲏⲥ ⲡⲉⲛϫⲟⲉⲓⲥ ⲡⲣ̅ⲣⲟ. Ⲡⲉⲕⲥⲱⲙⲁ ⲧⲏⲣϥ ⲟⲩⲟϫ. Ⲙⲛ̅ⲗⲁⲁⲩ ⲛ̅ⲧⲁⲕⲟ ⲛ̅ϩⲏⲧϥ̅ ⲛ̅ⲑⲉ ⲛ̅ⲟⲩⲁ ⲙ̅ⲡⲟⲩϫⲱϩ ⲉⲣⲟϥ ⲙ̅ⲡⲉⲩⲧⲏⲏⲃⲉ. Ⲇⲉⲕⲓⲟⲥ ⲇⲉ ⲡⲉϫⲁϥ ϫⲉ. ⲡⲁⲛⲧⲟⲥ ϥⲛⲁϫⲟⲟϥ ϫⲉ Ⲡⲉⲭ̅ⲥ̅ ⲡⲉⲛⲧⲁϥⲧⲁⲗϭⲟϥ. ⲙⲏ ⲁⲣⲁ ⲁⲧⲉⲧⲛ̅ϥⲓⲥⲁⲉⲓⲛ ⲉϩⲟⲩⲛ ⲉⲡⲉϣⲧⲉⲕⲟ ⲁϥⲑⲉⲣⲁⲡⲉⲩⲉ ⲙ̅ⲙⲟϥⲑ ⲛ̅ⲧⲟⲟⲩ ⲇⲉ ⲡⲉϫⲁⲩ ϫⲉ. ϣⲉⲧⲙⲛ̅ⲧⲛⲟϭ ⲉⲧⲁⲙⲁϩⲧⲉ ⲉϫⲛ̅ⲧⲟⲓⲕⲟⲩⲙⲉⲛⲏⲙⲡⲉⲗⲁⲁⲩ ⲛ̅ⲣⲱⲙⲉ ⲑⲉⲣⲁⲡⲉⲩⲉ ⲙ̅ⲙⲟϥ. ⲛⲙ̅ⲙⲉⲉⲩⲉ . ⲅⲁⲣ ⲡⲉ ϫⲉ ϥⲛⲁⲙⲟⲩ ⲛ̅ⲧⲉⲩⲛⲟⲩ. ⲛ̅ⲁϣ ⲛ̅ϩⲉ ⲇⲉ ⲧⲉⲛⲟⲩ ϥⲟⲩⲟϫ ⲏ ⲛ̅ⲧⲁϥⲗⲟ ⲛ̅ⲁϣ ⲛ̅ϩⲉ ⲛ̅ⲧⲉⲛⲥⲟⲟⲩⲛ ⲁⲛ. Ⲡⲉϫⲁϥ ⲇⲉ ⲛⲁⲩ ϫⲉ. ⲉⲧⲉⲧⲛ̅ϫⲉⲟⲩⲑ ϫⲉ ⲛ̅ⲁϣ ⲛ̅ϭⲟⲧ ⲧⲉ ⲧⲙⲁⲛⲓⲁ ⲛ̅ⲧⲉⲛ̅ⲭⲣⲓϭⲧⲓⲁⲛⲟⲥ. ⲛ̅ⲁϣ ⲛ̅ϩⲉ ⲛ̅ⲧⲛ̅ⲥⲟⲟⲩⲛ ⲁⲛ .ⲛ̅ⲥⲁϥ ⲙⲉⲛ ⲛⲉⲛⲙⲉⲉⲩⲉ ⲇⲉ ⲁϥⲣ̅ⲕⲱⲱⲥ ⲙ̅ⲡⲟⲟⲩ ⲇⲉ ϥⲁϩⲉⲣⲁⲧϥ ⲉϥⲟⲩⲟϫ:
ⲓⲏ̅. ⲁϥⲙⲟⲩϩ ⲇⲉ ⲛ̅ϭⲱⲛⲧ ⲛ̅ϭⲓⲡⲣ̅ⲣⲟ ⲡⲉϫⲁϥ ⲛⲁϥ ϫⲉ . ⲁϫⲓⲥ ⲉⲣⲟⲓ ϩⲛ̅ⲟⲩⲙⲉ ϫⲉ ⲛⲓⲙ ⲡⲉⲛⲧⲁϥⲧⲁⲗϭⲟⲕⲑ ⲛ̅ϯⲙⲉⲉⲩⲣ ⲅⲁⲣ ⲁⲛ ϫⲉ ⲁⲕⲧⲁⲗϭⲟⲕ ⲭⲱⲣⲓⲥ ⲙⲁⲅⲓⲁ. Ⲁϥⲟⲩⲱϣⲃ̅ ⲛ̅ϭⲓⲡϩⲁⲅⲓⲟⲥ ⲙⲉⲣⲕⲟⲥⲣⲓⲟⲥ ϫⲉ. Ⲡⲁϫⲟⲉⲓⲥ ⲓ̅ⲥ̅ Ⲡⲉⲭ̅ⲥ̅ ⲡⲥⲁⲉⲓⲛ ⲙ̅ⲙⲉ ⲛ̅ⲙ̅ⲯⲩⲭⲏ ⲙⲛ̅ⲛⲉⲛⲥⲱⲙⲁ. ⲛ̅ⲧⲟϥ ⲁϥⲟⲩⲱϣ ⲁϥⲭⲁⲣⲓⲍⲉ ⲛⲁⲓ ⲙ̅ⲡⲧⲁⲗϭⲟ ⲕⲁⲧⲁⲑⲉ ⲛ̅ⲧⲁⲕϫⲟⲟⲥ. Ⲛⲉⲫⲁⲣⲙⲁⲅⲟⲥ ⲇⲉ ⲙⲛ̅ⲛⲉⲣⲉϥⲙⲟⲩⲧⲉ ⲙⲛ̅ⲛⲣⲉϥϫⲓⲙⲁⲉⲓⲛ ⲙⲛ̅ⲛⲣⲉϥϣⲙ̅ϣⲉⲉⲓⲇⲟⲗⲟⲛ ⲥⲉⲟ ⲛ̅ϣⲙ̅ⲙⲟ ⲉⲣⲟϥ. ⲁⲩⲱ ϥⲛⲁⲙⲟⲣⲟⲩ ⲛ̅ϩⲛ̅ⲙⲣ̅ⲣⲉ ⲛ̅ⲁⲧⲃⲱⲗ ⲉⲃⲟⲗ ⲛϥ̅ⲡⲁⲣⲁⲇⲓⲇⲟⲩ ⲙ̅ⲙⲟⲟⲩ ⲙ̅ⲡⲕⲱϩⲧ ⲛ̅ⲧⲅⲉϩⲉⲛⲛⲁ. Ⲉⲧⲃⲉϫⲉ ⲙ̅ⲡⲟⲩⲥⲟⲩⲛⲡⲛⲟⲩⲧⲉ ⲛ̅ⲧⲁϥⲧⲁⲙⲓⲟⲟⲩ. Ⲡⲉϫⲁϥ ⲛ̅ϭⲓⲣⲣⲟ ϫⲉ . ϯⲛⲁⲁⲛⲁⲗⲓⲥⲕⲉ ⲙ̅ⲡⲉⲕⲥⲱⲙⲁ ϩⲛ̅ ϩⲉⲛⲃⲁⲥⲁⲛⲟⲥ ⲉⲩⲛⲁϣⲧ. Ⲙⲁⲣⲓⲛⲁⲩ ϫⲉ Ⲡⲉⲭ̅ⲥ̅ ⲉⲧⲉⲕϣⲁϫⲉ ⲉⲣⲟϥ ⲛⲁϣⲧⲁⲗϭⲟⲕ. Ⲡⲉϫⲁϥ ⲛ̅ϭⲓⲡϩⲁⲅⲓⲟⲥ ϫⲉ. ϯⲡⲓⲥⲧⲉⲩⲉ ⲉⲡⲁⲇⲟⲉⲓⲥ Ⲓⲥ̅ Ⲡⲉⲭ̅ⲥ̅ ϫⲉ ⲕⲁⲛ ⲉⲕϣⲁⲛϯ ⲛⲁⲓ ⲛ̅ⲟⲩⲙⲏⲏϣⲉ ⲛ̅ⲇⲓⲙⲟⲣⲓⲁ ⲛⲅ̅ⲛⲁϣⲧⲉⲣⲧⲱⲣⲉⲧ ⲁⲛ. Ⲁϥϫⲟⲟⲥ ⲅⲁⲣ ϫⲉ ⲙ̅ⲡⲉⲣⲣ̅ϩⲟⲧⲉ ϩⲏⲧⲟⲩ ⲛ̅ⲛⲉⲧⲛⲁⲙⲟⲩⲟⲩⲧ ⲙ̅ⲡⲉⲧⲛ̅ⲥⲱⲙⲁ. Ⲙⲛ̅ϣϭⲟⲙ ⲇⲉ ⲙ̅ⲙⲟⲟⲩ ⲉⲙⲟⲟⲩⲟⲩⲧ ⲛ̅ⲛⲉⲧⲙ̅ⲯⲩⲭⲏ. ⲁⲗⲗⲁ ⲁⲣⲓϩⲟⲧⲉ ⲉϩⲟⲩⲟ ⲛ̅ϩⲏⲧϥ̅ ⲙ̅ⲡⲉⲧⲉⲟⲩⲛ̅ⲧϥ̅ ⲛ̅ⲧⲉⲝⲟⲩⲥⲓⲁ ⲙ̅ⲙⲁⲩ ⲉⲧⲁⲕⲟ ⲛ̅ⲧⲉⲛⲯⲩⲭⲏ ⲙⲛ̅ⲡⲉⲧⲛ̅ⲥⲱⲙⲁ ϩⲣⲁⲓ ϩⲛ̅ⲧⲅⲉϩⲉⲛⲛⲁ. Ⲡⲁⲓ ⲙⲛ̅ⲛⲥⲁ ⲧⲣⲉⲛⲙⲟⲩ ⲟⲛ ϥⲛⲁⲧⲟⲩⲛⲟⲥⲛ̅ ϩⲙ̅ⲡⲉϩⲟⲟⲩ ⲙ̅ⲡϩⲁⲡ ⲙ̅ⲙⲉ.
ⲓ̅ⲑ̅. ⲧⲟⲧⲉ ⲁϥⲕⲉⲗⲉⲩⲉ ⲛ̅ϭⲓⲡⲣ̅ⲣⲟ ⲉⲧⲣⲉⲩⲉⲓⲛⲉ ⲛ̅ⲟⲩⲡⲉⲛⲓⲡⲉ ⲉϥⲗⲟϥⲉϣ ϩⲛ̅ⲟⲩⲕⲱϩⲧ ⲛ̅ⲥⲉⲕⲁⲁϥ ϩⲁⲛⲉϥⲁⲛⲁⲅⲕⲁⲓⲟⲛ. Ⲁⲩⲱ ⲙⲛ̅ⲛⲥⲁⲡⲁⲓ ϩⲛ̅ⲗⲁⲙⲡⲁⲥ ⲉⲩⲙⲟⲩϩ ϩⲁⲛⲉϥⲥⲡⲓⲣⲟⲟⲩⲉ. ⲛ̅ⲧⲉⲣⲟⲩⲉⲣⲡⲁⲓ ⲇⲉ ⲉⲡⲙⲁ ⲛ̅ⲟⲩⲕⲁⲡⲛⲟⲥ ⲁⲩⲛⲟϭ ⲛ̅ϭϯⲛⲟⲩϥⲉ ⲉⲓ ⲉⲃⲟⲗⲁϥϣⲱϣ ⲉⲟⲩⲟⲛ ⲛⲓⲙ ⲉⲧϩⲙ̅ⲡⲙⲁ ⲉⲧⲙ̅ⲙⲁⲩ. Ⲉⲩⲃⲁⲥⲁⲛⲓⲍⲉ ⲇⲉ ⲙ̅ⲙⲟϥ ⲉⲡⲉϩⲟⲩⲟ ⲙ̅ⲡⲉϥⲁϣⲁϩⲟⲙ ⲉⲡⲧⲏⲣϥ̅ ⲟⲩⲇⲉ ⲙ̅ⲡⲉϥⲣⲓⲙⲉ. Ⲡⲉϫⲉ ⲇⲉⲕⲓⲟⲥ ⲛⲁϥ ϫⲉ. ⲉϥⲧⲱⲛ ⲡⲉⲕⲥⲁⲉⲓⲛ ⲧⲉⲛⲟⲩⲑ ⲙⲁⲣⲉϥⲉⲓ ⲛϥ̅ⲑⲉⲣⲁⲡⲉⲩⲉ ⲙ̅ⲙⲟⲕ. ⲕⲁⲓⲅⲁⲣ ⲁⲕϫⲟⲟⲥ ϫⲉ ⲉⲓϣⲁⲛⲙⲟⲩ ⲟⲩ̅ⲛϣϭⲟⲙ ⲙ̅ⲙⲟϥ ⲛϥ̅ⲧⲟⲩⲛⲟⲥⲧ ⲛ̅ⲕⲉⲥⲟⲡ. Ⲡϩⲁⲅⲓⲟⲥ ⲇⲉ ⲙⲉⲣⲕⲟⲩⲣⲓⲟⲥ ⲡⲉϫⲁϥ ⲛⲁϥ ϫⲉ . ⲁⲣⲓⲡⲉⲧϩ̅ⲛⲁⲕ. Ⲟⲩⲛ̅ⲧⲕ̅ ⲉⲝⲟⲩⲥⲓⲁ ⲉⲡⲁⲥⲱⲙⲁ. Ⲧⲁⲯⲩⲭⲏ ⲇⲉ Ⲡⲛⲟⲩⲧⲉ ⲙⲁⲩⲁⲁϥ ⲡⲉⲧⲟ ⲛ̅ϫⲟⲉⲓⲥ ⲉⲣⲟⲥ. Ⲁⲩⲱ ⲡⲉⲕⲥⲱⲙⲁ ⲙⲉⲛ ⲉⲕϣⲁⲛⲧⲁⲕⲟϥ ⲧⲁⲯⲩⲭⲏ ⲛⲁⲙⲟⲩⲛ ⲉⲃⲟⲗ ⲉⲥⲟ ⲛ̅ⲁⲧⲧⲁⲕⲟ ⲛ̅ⲟⲩⲟⲉⲓϣ ⲛⲓⲙ. Ⲡⲁⲗⲓⲛ ⲟⲛ ⲁϥⲕⲉⲗⲉⲩⲉ ⲛ̅ϭⲓⲡⲣ̅ⲣⲟ ⲉⲧⲣⲉⲩⲁϣⲧϥ̅ ⲛ̅ⲥⲁϫⲱϥ ⲛ̅ⲥⲉⲉⲓϣⲉ ⲛ̅ⲕⲉⲛⲟϭ ⲛ̅ⲱⲛⲉ ⲉϥϩⲣϣ ⲛ̅ⲥⲁⲡⲉϥⲙⲁϩⲕ ϫⲉⲕⲁⲥ ϩⲙ̅ⲡⲧⲣⲉϥⲱϭⲧ ⲉϥⲉⲙⲟⲩ ϩⲛ̅ⲟⲩϭⲉⲡⲏ.ⲡⲙⲁⲣⲧⲩⲣⲟⲥ ⲇⲉ ⲉⲧⲟⲩⲁⲁⲃ ⲁⲧϭⲟⲙ ⲙ̅ⲡⲛⲟⲩⲧⲉ ⲟⲩⲱϩ ⲉⲣⲟϥ ⲙⲛ̅ⲧⲉϥⲭⲁⲣⲥ ⲁϥⲙⲟⲩⲛ ⲉⲃⲟⲗ ϩⲛ̅ⲧⲉⲓⲃⲁⲥⲁⲛⲟⲥ ⲧⲁⲓ ⲛ̅ⲟⲩⲛⲟϭ ⲛ̅ⲛⲁⲩ.
ⲓ̅ⲏ̅. ⲇⲉⲕⲓⲟⲥ ⲇⲉ ⲛ̅ⲧⲁϥⲛⲁⲩ ⲉⲡⲙⲁⲕⲁⲣⲓⲟⲥ ϫⲉ ⲁϥϥⲓ ϩⲁⲛⲉⲓⲇⲓⲙⲱⲣⲓⲁ ϩⲛ̅ⲟⲩⲙⲛ̅ⲧϫⲱⲱⲣⲉ ⲁⲩⲱ ϫⲉ ⲙⲛ̅ⲗⲁⲁⲩ ⲛ̅ⲃⲁⲥⲁⲛⲟⲥ ϫⲱϩ ⲉⲣⲟϥ ⲁϥⲕⲉⲗⲉⲩⲉ ⲛ̅ⲥⲉϥⲓ ⲙ̅ⲡⲱⲛⲉ ⲙ̅ⲙⲁⲩ ⲉⲃⲟⲗ ϩⲙ̅ⲡⲉϥⲙⲁϩⲕ ⲛ̅ⲥⲉⲉⲓⲛⲉ ⲛ̅ⲟⲩⲙⲁⲥⲧⲓⲅⲝ ⲛ̅ⲕⲱϩⲧ ⲉⲥⲟ ⲛ̅ϥⲧⲟⲟⲩ ⲛ̅ϥⲧⲟⲟⲩ ⲛ̅ⲕⲱⲃ ⲛ̅ⲥⲉⲙⲁⲥⲧⲓⲅⲟⲩ ⲙ̅ⲙⲟϥ ⲛ̅ϩⲏⲧⲥ̅ ϣⲁⲛⲧⲉⲡⲕⲁϩ ⲉⲧϩⲁⲣⲁⲧϥ̅ ϩⲟⲣⲡ ϩⲙ̅ⲡⲉϥⲥⲛⲟϥ. ⲡⲉⲓⲅⲉⲛⲛⲁⲓⲟⲥ ⲇⲉ ϥ̅ⲟ ⲛ̅ⲑⲉ ⲛ̅ⲟⲩⲱⲛⲉ ⲛ̅ⲁⲇⲁⲙⲁⲥ ⲁϥⲧⲱⲟⲩⲛ ϩⲛ̅ⲟⲩⲙⲛ̅ⲧϫⲱⲱⲣⲉ ϩⲁⲧⲉⲓⲁϣⲏ ⲛ̅ⲃⲁⲥⲁⲛⲟⲥ. Ⲡⲉϫⲁϥ ϫⲉ. ϯⲉⲩⲭⲁⲣⲓⲥⲧⲉⲓ ⲛⲁⲕ ⲙ̅ⲡϫⲟⲉⲓⲥ ⲡⲛⲟⲩⲧⲉ ϫⲉ ⲁⲕⲁⲁⲧ ⲛ̅ⲙ̅ⲡ̅ϣⲁ ⲉⲧⲣⲉⲩⲃⲁⲥⲁⲛⲓⲍⲉ ⲙ̅ⲙⲟⲓ ⲉϫⲙ̅ⲡⲉⲕⲣⲁⲛ ⲉⲧⲟⲩⲁⲁⲃ.
ⲕ̅. Ⲡⲣ̅ⲣⲟ ⲇⲉ ⲛ̅ⲧⲉⲣⲉϥⲉⲓⲙⲉ ϫⲉ ⲟⲩⲁⲧⲡⲱⲱⲛⲉ ⲡⲉ ϩⲙ̅ⲡⲉϥⲗⲟⲅⲓⲥⲙⲟⲥ ⲁⲩⲱ ϫⲉ ϥⲛⲁⲡⲓⲑⲉ ⲙ̅ⲙⲟϥ ⲁⲛ ⲉⲧⲣⲉⲩⲑⲩⲥⲓⲁⲍⲉ. Ⲁϥϫⲓ ⲛ̅ⲟⲩϣⲟϫⲛⲉ ⲉⲛⲉϥϭⲉⲡⲏ ϫⲁⲣ ⲡⲉ ⲉⲃⲱⲕ ⲉϩⲣⲱⲙⲏ. ⲁϥϯⲁⲡⲟⲫⲁⲥⲓⲥ ⲉⲣⲟϥ ⲉⲧⲣⲉⲩⲇⲓⲙⲟⲣⲉⲓ ⲙ̅ⲙⲟϥ ϩⲛ̅ⲧⲥⲏϥⲉ ⲉϥϫⲱ ⲙ̅ⲙⲟⲥ ϫⲉ. ⲙⲉⲣⲕⲟⲩⲣⲓⲟⲥ ⲡⲁⲓ ⲛ̅ⲧⲁϥⲥⲱϣ ⲛ̅ⲛⲛⲟⲩⲧⲉ ⲁⲯⲱ ⲁϥⲕⲁⲧⲁⲫⲣⲱⲛⲉⲓ ⲙ̅ⲡⲇⲟⲅⲙⲁ ⲉⲧⲟⲩⲁⲁⲃ ⲛ̅ⲧⲙⲛ̅ⲧⲣⲙ̅ⲣⲁϣ ⲁϥⲟⲡϥ̅ ⲉⲩⲗⲁⲁⲩ. Ⲡⲉⲛⲕⲣⲁⲧⲟⲥ ⲛ̅ⲉⲩⲥⲉⲃⲏⲥ ⲕⲉⲗⲉⲩⲉ ⲉⲧⲣⲉⲩϫⲓⲧϥ̅ ⲉⲧⲕⲁⲡⲡⲁⲇⲱⲕⲓⲁ ⲛ̅ⲥⲉϥⲓ ⲛ̅ⲧⲉϥⲁⲡⲉ ϩⲙ̅ⲡⲙⲁ ⲉⲧⲙ̅ⲙⲁⲩ ϫⲉⲕⲁⲥ ⲉⲣⲉⲟⲩⲟⲛ ⲛⲓⲙ ⲑⲉⲱⲣⲉⲓ ⲙ̅ⲙⲟϥ. ⲟⲩⲟⲛ ϫⲁⲣ ⲛⲓⲙ ⲛ̅ⲧⲁⲩϫⲓⲉⲟⲟⲩ ⲉⲃⲟⲗ ϩⲟⲧⲙ̅ⲡⲣ̅ⲣⲟ. Ⲉⲩϣⲁⲛⲁⲛⲧⲓⲗⲉⲅⲉ ⲟⲩⲃⲉⲡⲉⲛⲟⲟⲉϩⲥⲁϩⲛⲉ . ⲥⲉⲛⲁϯ ⲛⲁϥ ⲛ̅ϩⲉⲛⲛⲟϭ ⲛ̅ⲃⲁⲥⲁⲛⲟⲥ ⲉⲡϩⲁⲉ ⲇⲉ ⲥⲉⲛⲁⲡⲁⲣⲁⲇⲓⲇⲟⲩ ⲙ̅ⲙⲟϥ ⲉⲧⲟⲟⲧⲥ̅ ⲛ̅ⲧⲥⲏϥⲉ. Ⲛⲉⲛⲧⲁⲩⲧⲟϣⲟⲩ ⲇⲉ ⲉⲧⲣⲉⲩϥⲓⲧϥ̅ ⲁⲩϥⲓ ϩⲁⲣⲟϥ ⲁⲩⲧⲁⲗⲟϥ ⲉⲩⲧⲃⲛⲏ ⲁⲩⲙⲟⲣϥ̅ ⲉϩⲣⲁⲓ ⲉϫⲱϥ ⲉⲃⲟⲗ ϫⲉ ⲁⲡⲥⲱⲙⲁ ⲙ̅ⲡϩⲁⲅⲓⲟⲥ ⲃⲱⲗ ⲉⲃⲟⲗ ⲛ̅ⲥⲁ ⲥⲁ ⲛⲓⲙ ⲁⲩⲱ ⲁϥⲣ̅ⲑⲉ ⲛ̅ⲟⲩⲕⲱⲱⲥ ⲧⲏⲣϥ̅. ⲁⲩⲙⲟⲟϣⲉ ⲇⲉ ϩⲛ̅ⲟⲩϩⲓⲏ ⲉⲥⲟⲩⲏⲩ ⲁⲩⲱ ϩⲓⲧⲛ̅ⲛⲕⲟⲩⲓ ⲛ̅ϩⲟⲟⲩ ⲁⲩⲡⲱϩ ⲉⲧⲡⲟⲗⲓⲥ ⲕⲁⲓⲥⲁⲣⲓⲁ. Ⲁⲩⲱ ⲛ̅ⲧⲉⲓϩⲉ ⲁⲩⲟⲩⲁϩϥ̅ ⲉⲡⲉⲥⲏⲧ ⲕⲟⲩⲓ ⲕⲟⲩⲓ. Ⲡϫⲟⲉⲓⲥ ⲇⲉ ⲁϥⲁϩⲉⲣⲁⲧϥ̅ ϩⲓϫⲱϥ ⲡⲉϫⲁϥⲛⲁϥ ϫⲉ. ⲙⲉⲣⲕⲟⲩⲣⲓⲉ ⲁⲙⲟⲩ ⲛⲅ̅ⲙ̅ⲧⲟⲛ ⲙ̅ⲙⲟⲕ. Ⲉⲡⲉⲓⲇⲏ ⲁⲕϫⲉⲕⲡⲉⲕⲇⲣⲟⲙⲟⲥ ⲉⲃⲟⲗⲁⲕⲁⲣⲉϩ ⲉⲧⲡⲓⲥⲧⲓⲥ. Ϫⲓ ⲇⲉ ⲛⲁⲕ ⲙ̅ⲡⲡⲡⲉⲕⲗⲟⲙ ⲛ̅ⲧⲙⲛ̅ⲧϫⲱⲱⲣⲉⲡⲉⲛⲧⲁⲩⲧⲟϣϥ̅ ⲛⲁⲕ ⲉⲕⲗⲓⲣⲟⲛⲟⲙⲉⲓ ⲙ̅ⲙⲟϥ.
ⲕ̅ⲁ̅. Ⲡⲙⲁⲁⲁⲣⲧⲩⲣⲟⲥ ⲇⲉ ⲉⲟⲩⲁⲁⲃ ϩⲙ̅ⲡⲧⲣⲉⲠϫⲟⲉⲓⲥ ⲟⲩⲱⲛϩ ⲛⲁϥ ⲉⲃⲟⲗ ⲁϥϭⲙ̅ϭⲟⲙ ⲉⲡⲉϩⲟⲩⲟ ⲡⲉϫⲁϥ ⲛ̅ⲛⲉⲧϩⲁⲑⲏϥ ϫⲉ . ⲁⲣⲓⲡⲉⲛⲧⲁⲩⲟⲩⲉϩⲥⲁϩⲛⲉⲙ̅ⲙⲟϥ ⲛⲏⲧⲛ̅ ϩⲛ̅ⲟⲩϭⲉⲡⲏ.ⲉⲣⲉⲡϫⲟⲉⲓⲥ ⲇⲉ ⲡⲁⲓ ⲉⲧⲧⲱϩⲙ̅ ⲉⲟⲩⲟⲛ ⲛⲓⲙ ⲉϩⲟⲩⲛ ⲉⲧⲙⲉⲧⲁⲛⲓⲁ ⲉϥⲉⲧⲣⲉⲧⲛ̅ⲙ̅ⲡϣⲁ ⲛ̅ⲧⲉϥⲭⲁⲣⲓⲥ. Ⲟⲩⲣⲉⲙⲁⲟ ϫⲁⲣ ⲡⲉ ⲁⲯⲱ ϣⲁϥⲭⲁⲣⲓⲍⲉ ⲛ̅ⲧⲉϥⲇⲱⲣⲉⲁ ⲛ̅ⲟⲩⲟⲛ ⲛⲓⲙ ⲉⲧⲛⲁⲡⲓⲥⲧⲉⲩⲉ ⲉⲣⲟϥ ⲁϫⲛ̅ⲫⲑⲟⲛⲟⲥ. ⲛ̅ⲧⲉⲣⲉϥϫⲉⲛⲁⲓ ⲇⲉ ⲁⲩϥⲓ ⲛ̅ⲧⲉϥⲁⲡⲉ ⲁϥϫⲱⲕ ⲉⲃⲟⲗ ⲛ̅ⲑⲟⲙⲟⲗⲟⲅⲉⲓⲁ ⲙ̅ⲡⲛⲟⲩⲧⲉⲡⲉⲛⲥⲱⲧⲏⲣ ⲛ̅ⲥⲟⲩϫⲟⲩⲧⲏ ⲙ̅ⲡⲉⲃⲟⲧ ϩⲁⲑⲱⲣ. Ⲁⲩⲛⲟϭ ⲅⲁⲣ ⲛ̅ϣⲡⲏⲣⲉ ϣⲱⲡⲉ ⲛ̅ϣⲟⲩⲣ̅ⲡⲉⲥⲙⲉⲉⲩⲉ. Ⲙⲛ̅ⲛⲥⲁ ⲧⲣⲉⲡⲙⲁⲣⲧⲩⲣⲟⲥ ⲇⲉ ϫⲱⲕ ⲉⲃⲟⲗ ⲁⲡⲉϥⲥⲱⲭⲙⲁ ⲟⲩⲃⲁϣ ⲛ̅ⲑⲉ ⲛ̅ⲟⲩⲭⲓⲱⲛ ⲉϥϣⲉϣⲥϯⲛⲟⲩϥⲉ ⲉⲃⲟⲗ ⲑ̅ⲉ ⲛ̅ϩⲉⲛϩⲏⲛⲉ ⲉⲩⲥⲟⲧⲡ ⲙⲛ̅ⲟⲩⲥⲟϭⲛ̅. Ⲉⲧⲃⲉⲡⲉⲓⲙⲁⲉⲓⲛ ⲇⲉ ⲁϩⲁϩ ⲡⲓⲥⲧⲉⲩⲉ ⲉⲠⲛⲟⲩⲧⲉ ⲁⲩϣⲱⲡⲉ ⲛⲭⲣⲓⲥϯⲁⲛⲟⲥ. Ⲡⲡⲉⲧⲟⲩⲁⲁⲃ ⲙ̅ⲙⲁⲣⲧⲩⲣⲟⲥ ⲁⲩⲟⲩⲁϩϥ̅ ϩⲛ̅ⲟⲩⲧⲟⲡⲟⲥ ⲉⲛⲁⲛⲟⲩϥ ⲁⲩⲱ ⲉϥⲟⲩⲟⲛϩ ⲉⲃⲟⲗ ϩⲙ̅ⲡⲙⲁ ⲉⲧⲙ̅ⲙⲁⲩ. Ⲁⲩⲱ ⲁϩⲉⲙⲙⲏⲏϣⲉ ⲛ̅ⲧⲁⲗϭⲟ ϣⲱⲡⲉ ϩⲙ̅ⲡⲙⲁ ⲉⲧⲙ̅ⲙⲁⲩ.ϩⲓⲧⲛ̅ⲛⲉϭⲟⲙ ⲙ̅ⲡⲛⲟⲩⲧⲉ ⲙⲛ̅ⲡⲉϥⲡⲉⲧⲟⲩⲁⲁⲃ ⲡϩⲁϫⲓⲟⲥ ⲙⲉⲣⲕⲟⲩⲣⲓⲟⲥ.
Ⲡⲉⲟⲟⲩ ⲙ̅Ⲡⲛⲟⲩⲧⲉ Ⲡⲉⲓⲱⲧ ⲙⲛ̅Ⲡⲉⲛϫⲟⲉⲓⲥ Ⲓⲥ̅ Ⲡⲉⲭ̅ⲥ̅ ⲙⲛ̅Ⲡⲉⲡ̅ⲛ̅ⲁ̅ ⲉⲧⲟⲩⲁⲃ ⲛ̅ⲣⲉϥⲧⲁⲛϩⲟ ⲧⲉⲛⲟⲩ ⲁⲩⲱ ⲛ̅ⲟⲩⲱⲉⲓϣ ⲛⲓⲙ ϣⲁⲉⲛⲉϩ ⲛ̅ⲉⲛⲉϩ. Ⲁⲙⲏⲛ.