ⲡⲉⲛⲓⲱⲧ ⲉⲧϧⲉⲛ ⲛⲓⲫⲏⲟⲩⲓ
ⲡⲉⲛⲓⲱⲧ ⲉⲧϧⲉⲛ ⲛⲓⲫⲏⲟⲩⲓ: ⲡⲓϫⲟⲥⲇⲉ ϫⲉ ⲡⲉⲛⲓⲱⲧ ⲉϥⲟⲩⲱⲛϩ ⲙ̀ⲡⲓϩⲱⲃ ⲉⲃⲟⲗ ϫⲉ ⲁⲛⲟⲛ ⲧⲏⲣⲉⲛ. ⲟⲩⲓⲱⲧ ⲛ̀ⲟⲩⲱⲧ ⲉⲧⲉⲛⲧⲁⲛ ⲛⲉ. ⲫϯ. ⲕⲁⲧⲁ ⲡⲓϩⲙⲟⲧ ⲛ̀ⲧⲉ ϯⲙⲉⲧϣⲏⲣⲓ ⲛ̀ⲛⲟⲩϯ ⲉⲧⲁⲥϣⲱⲡⲓ ⲛⲁⲛ ϩⲓⲧⲉⲛ ⲡⲓⲱⲙⲥ ⲛ̀ⲧⲉ ⲡⲓⲟⲩϩⲉⲙⲙⲓⲥⲓ.
ⲙⲁⲣⲉϥⲧⲟⲩⲃⲟ ⲛ̀ϫⲉ ⲡⲉⲕⲣⲁⲛ: ⲉⲧⲉ ⲫⲁⲓ ⲡⲉ ϫⲉ ϩⲟⲧⲁⲛ ⲁⲛϣⲁⲛⲙⲟϣⲓ ϧⲉⲛ ⲟⲩⲃⲓⲟⲥ ⲛ̀ⲁⲧⲁⲧϭⲛⲓ. ϣⲁⲣⲉ ⲫⲣⲁⲛ ⲙ̀ⲫϯ ϣⲓⲱⲟⲩ ⲛ̀ϩⲣⲏⲓ ⲛ̀ϧⲏⲧⲉⲛ ϩⲓⲧⲉⲛ ⲡⲉⲛϫⲓⲛⲙⲟϣⲓ ⲉⲑⲛⲁⲛⲉϥ.
ⲙⲁⲣⲉⲥⲓ̀ ⲛ̀ϫⲉ ⲧⲉⲕⲙⲉⲧⲟⲩⲣⲟ: ⲉⲧⲉ ⲫⲁⲓ ϫⲉ ⲙⲁⲣⲉ ⲛⲓⲇⲱⲣⲉⲁ ⲛ̀ⲧⲉ ⲡⲓⲡ̅ⲛ̅ⲁ̅ ⲉ̅ⲑ̅ⲩ̅ ⲓ̀ ⲉϩⲣⲏⲓ ⲉϫⲱⲛ ⲧⲏⲣⲉⲛ
ⲡⲉⲧⲉϩⲛⲁⲕ ⲙⲁⲣⲉϥϣⲱⲡⲓ. ϧⲉⲛ ⲧⲫⲉ ⲛⲉⲙ ϩⲓϫⲉⲛ ⲡⲓⲕⲁϩⲓ: ϩⲓⲛⲁ ⲙ̀ⲫⲣⲏϯ ⲉⲧⲉ ⲡⲉⲕⲟⲩⲱϣ ϣⲟⲡ ϧⲉⲛ ⲛⲓⲁⲥⲱⲙⲁⲧⲟⲥ ⲉⲧϧⲉⲛ ⲧⲫⲉ ⲉⲑⲣⲉⲥϣⲱⲡⲓ ⲛⲁⲛ ϩⲱⲛ ⲙ̀ⲡⲁⲓⲣⲏϯ ϩⲓϫⲉⲛ ⲡⲓⲕⲁϩⲓ.
ⲡⲉⲛⲱⲓⲕ ⲛ̀ⲧⲉ ⲣⲁⲥϯ ⲙⲏⲓϥ ⲛⲁⲛ ⲙ̀ⲫⲟⲟⲩ: ⲉⲧⲉ ⲫⲁⲓ ⲡⲉ ϫⲉ ⲙⲟⲓ ⲛⲁⲛ ⲓⲥϫⲉⲛ ⲡⲁⲓⲙⲁ ⲙ̀ⲡⲁⲣⲏⲃ ⲛ̀ⲧⲁⲡⲟⲗⲁⲩⲥⲓⲥ ⲙ̀ⲡⲓⲉⲱⲛ ⲉⲑⲛⲏⲟⲩ.
ⲟⲩⲟϩ ⲭⲁ ⲛⲏⲉⲧⲉⲣⲟⲛ ⲛⲁⲛ ⲉⲃⲟⲗ ⲙ̀ⲫⲣⲏϯ ϩⲱⲛ ⲉⲧⲉⲛⲭⲱ ⲉⲃⲟⲗ ⲛ̀ⲛⲏⲉⲧⲉ ⲟⲩⲟⲛⲧⲁⲛ ⲉⲣⲱⲟⲩ: ⲉⲧⲉ ⲫⲁⲓ ⲡⲉ ϫⲉ ⲫⲏⲉⲑⲛⲁⲭⲱ ⲉⲃⲟⲗ ⲙ̀ⲡⲉϥⲥⲟⲛ ϧⲉⲛ ⲡⲉϥϩⲏⲧ ⲧⲏⲣϥ ⲙⲁⲗⲓⲥⲧⲁ ⲉϣⲱⲡ ⲫⲏⲉⲧⲉⲙⲙⲁⲩ ⲡⲉ ⲉⲧⲁϥⲉⲣⲛⲟⲃⲓ ⲉⲣⲟϥ ⲡⲉⲧⲉⲙⲙⲁⲩ ⲡⲉⲧⲉⲙϣⲁ ϧⲉⲛ ⲟⲩⲙⲉⲑⲙⲏⲓ ⲉϫⲱ ⲛ̀ⲧⲁⲓⲗⲉⲝⲓⲥ ⲙ̀ⲡⲁⲓⲣⲏϯ ⲟⲩⲃⲉ ⲫϯ.
ⲙ̀ⲡⲉⲣⲉⲛⲧⲉⲛ ⲉϧⲟⲩⲛ ⲉⲡⲓⲣⲁⲥⲙⲟⲥ ⲁⲗⲗⲁ ⲛⲁϩⲙⲉⲛ ⲉⲃⲟⲗϧⲉⲛ ⲡⲓⲡⲉⲧϩⲱⲟⲩ: ⲉⲣⲉ ⲡⲓⲗⲟⲅⲟⲥ ⲟⲩⲁϩⲥⲁϩⲛⲓ ⲉϣⲧⲉⲙⲧⲏⲓⲧⲉⲛ ⲙ̀ⲙⲓⲛ ⲙ̀ⲙⲟϥ ⲉϧⲟⲩⲛ ⲉⲡⲓⲁⲅⲱⲛ ⲉⲑⲃⲉ ⲡⲥⲁϫⲓ ⲛ̀ϯⲙⲉⲧⲉⲩⲥⲉⲃⲏⲥ. ⲙⲁⲣⲉⲛⲟϩⲓ ⲉⲣⲁⲧⲉⲛ ⲅⲉⲛⲉⲟⲥ. ⲟⲩⲟϩ ⲉϣⲧⲉⲙⲉⲣⲡⲁⲣⲉⲧⲓⲥⲑⲟ ⲙ̀ⲡⲧⲏⲣϥ ⲁⲗⲗⲁ ⲉⲑⲣⲉⲛⲙⲓϣⲓ ϣⲁ ⲉϧⲣⲏⲓ ⲉⲫⲙⲟⲩ ⲉⲑⲃⲉ ⲡⲥⲁϫⲓ ⲛ̀ϯⲙⲉⲧⲉⲩⲥⲉⲃⲏⲥ. ϩⲗⲓ ⲇⲉ ⲛⲓⲃⲉⲛ ⲡ̀ⲁⲑⲟⲥ ⲉⲧⲉ ⲡⲓⲣⲱⲙⲓ ⲛⲁϣⲱⲡⲓ ⲉϥϩⲓⲱⲟⲩⲧ ⲛ̀ϧⲏⲧϥ ⲟⲩⲡⲓⲣⲁⲥⲙⲟⲥ ⲡⲉ. ⲉⲑⲃⲉ ⲫⲁⲓ ⲇⲉ ⲟⲛ ⲥϣⲉ ⲛⲁⲛ ⲉⲑⲣⲉⲛϫⲟⲥ ⲛ̀ⲥⲏⲟⲩ ⲛⲓⲃⲉⲛ ϧⲉⲛ ϯⲡⲣⲟⲥⲉⲩⲭⲏ ϫⲉ ⲙ̀ⲡⲉⲣⲉⲛⲧⲉⲛ ⲉϧⲟⲩⲛ ⲉⲡⲓⲣⲁⲥⲙⲟⲥ ⲉⲧⲉ ⲫⲁⲓ ⲡⲉ ⲉϣⲧⲉⲙⲑⲣⲉⲛϩⲉⲓ ϧⲉⲛ ϩⲗⲓ ⲙ̀ⲡⲁⲑⲟⲥ ⲛ̀ⲇⲓⲁⲃⲟⲗⲕⲟⲛ.
ⲁⲗⲗⲁ ⲛⲁϩⲙⲉⲛⲉ ⲉⲃⲟⲗϩⲁ ⲡⲓⲡⲉⲧϩⲱⲟⲩ: ⲉⲧⲉ ⲫⲁⲓ ⲡⲉ ϫⲉ ⲧⲟⲩϫⲟⲛ ⲉϣⲧⲉⲙⲑⲣⲟⲩϭⲣⲟ ⲉⲣⲟⲛϩⲓⲧⲉⲛ ⲧⲡⲟⲛⲏⲣⲁⲙ̀ⲡⲓⲇⲓⲁⲃⲟⲗⲟⲥ.
ⲡⲓⲁⲅⲓⲟⲥ ⲁⲃⲃⲁ ⲉⲩⲁⲣⲅⲓⲟⲥ ⲉϥⲃⲱⲗ ⲙ̀ⲡⲓϣⲗⲏⲗ ⲉⲧϧⲉⲛ ⲡⲓⲉⲩⲁⲅⲅⲉⲗⲓⲟⲛ ⲕⲁⲧⲁ ⲙⲁⲧⲑⲉⲟⲛ ϫⲉ ⲡⲉⲛⲓⲱⲧ ⲉⲧϧⲉⲛ ⲛⲓⲫⲏⲟⲩⲓ: ⲟⲩⲟⲛ ⲟⲩⲙⲏϣ ⲙⲉⲛ ⲉϫⲟⲧⲟⲟⲩ ⲉⲑⲃⲉ ⲧⲁⲓⲉⲩⲭⲏ ⲉ̅ⲑ̅ⲩ̅ ⲑⲁⲓ ⲟⲩⲟϩ ⲫⲁⲓ ϩⲏⲇⲏ ⲁⲩⲁⲓϥ ⲛ̀ϫⲉ ϩⲁⲛⲛⲓϣϯ ⲉⲣⲟⲛ ⲁⲛⲟⲛ ⲇⲉ ϩⲱⲛ ⲉⲛⲟⲩⲉϩ ⲛ̀ⲥⲁ ⲡⲥⲕⲟⲡⲟⲥ ⲛⲉⲙ ⲧⲥⲃⲱ ⲛ̀ⲛⲏⲉⲧⲉⲙⲙⲁⲩ ⲧⲉⲛⲛⲁϫⲱ ϩⲱⲛ ⲉⲧⲉⲧⲉⲛⲁⲅⲁⲡⲏ ϧⲉⲛ ⲟⲩⲥⲩⲛⲇⲟⲙⲓⲁ ϩⲓⲧⲉⲛ ⲡⲓϩⲙⲟⲧ ⲉⲧϧⲉⲛ ⲑⲟⲩⲓ ⲑⲟⲩⲓ ⲛ̀ⲛⲓⲗⲉⲝⲓⲥ ⲉⲧϧⲉⲛ ⲧⲁⲓⲉⲩⲭⲏ ⲉ̅ⲑ̅ⲩ̅ ⲑⲁⲓ ⲉⲧⲟⲓ ⲛ̀ϩⲩⲕⲁⲛⲟⲥ ⲉⲉⲛ ⲡⲓⲣⲱⲙⲓ ⲉϫⲉⲛ ⲡⲉϥⲕⲁⲧⲁⲫⲩⲥⲓⲥ ⲛ̀ⲧⲉ ϣⲟⲣⲡ ⲁⲛϣⲁⲛϯ ϩⲑⲏⲛ ⲉⲣⲟⲥ ⲛ̀ⲕⲁⲗⲱⲥ ⲉⲧⲉ ⲑⲁⲓ ⲧⲉ.
ⲡⲉⲛⲓⲱⲧ ⲉⲧϧⲉⲛ ⲛⲓⲫⲏⲟⲩⲓ: ⲡⲁⲓⲥⲁϫⲓ ⲫⲁ ⲛⲏ ⲡⲉ ⲉⲧⲉ ⲟⲩⲟⲛ ⲛ̀ⲧⲱⲟⲩ ⲙ̀ⲙⲁⲩ ⲛ̀ⲟⲩⲡⲁⲣⲣⲏⲥⲓⲁ ⲙ̀ⲡⲉⲙⲑⲟ ⲙ̀ⲫϯ ⲙ̀ⲫⲣⲏϯ ⲛ̀ⲟⲩϣⲏⲣⲓ ⲉϥϧⲉⲛ ⲕⲉⲛϥ ⲙ̀ⲡⲉϥⲓⲱⲧ ⲙⲁⲣⲉϥⲧⲟⲩⲃⲟ ⲛ̀ϫⲉ ⲡⲉⲕⲣⲁⲛ: ⲉⲧⲉ ⲫⲁⲓ ⲡⲉ ⲉⲑⲣⲉϥⲧⲟⲩⲃⲟ ⲛ̀ϫⲉ ⲡⲉϥⲣⲁⲛ ⲛ̀ϧⲣⲏⲓ ⲛ̀ϧⲏⲧⲉⲛ ϧⲉⲛ ⲡϫⲓⲛⲑⲣⲟⲩϯⲱⲟⲩ ⲛⲁϥ ⲛ̀ϫⲉ ⲛⲓⲉⲑⲛⲟⲥ ϩⲓⲧⲉⲛ ⲛⲉⲛϩⲃⲏⲟⲩⲓ ⲉⲑⲛⲁⲛⲉⲩ ⲉⲩϫⲱ ⲙ̀ⲙⲟⲥ ϫⲉ ⲓⲥ ⲛⲓⲉⲃⲓⲁⲓⲕ ⲛ̀ⲧⲉ ⲫϯ ϧⲉⲛ ⲟⲩⲙⲉⲑⲙⲏⲓ. ⲙⲁⲣⲉⲥⲓ̀ ⲛ̀ϫⲉ ⲧⲉⲕⲙⲉⲧⲟⲩⲣⲟ: ⲑ̀ⲙⲉⲧⲟⲩⲣⲟ ⲙ̀ⲫϯ ⲡⲉ ⲡⲓⲡ̅ⲛ̅ⲁ̅ ⲉ̅ⲑ̅ⲩ̅ ⲉⲛⲧⲱⲃϩ ⲉⲑⲣⲉϥⲓ̀ ⲉϩⲣⲏⲓ ⲉϫⲱⲛ. ⲡⲉⲧⲉϩⲛⲁⲕ ⲙⲁⲣⲉϥϣⲱⲡⲓ ⲙ̀ⲫⲣⲏϯ ϧⲉⲛ ⲧⲫⲉ ⲛⲉⲙ ϩⲓϫⲉⲛ ⲡⲓⲕⲁϩⲓ: ⲡⲉⲧⲉϩⲛⲁϥ ⲇⲉ ⲙ̀ⲫϯ ⲡⲉ ⲡ̀ⲟⲩϫⲁⲓ ⲙ̀ⲡⲓⲥⲱⲛⲧ ⲧⲏⲣϥ ⲛ̀ⲗⲟⲅⲓⲕⲟⲛ ⲫⲁⲓ ⲉⲧϣⲟⲡ ϧⲉⲛ ⲛⲓϫⲟⲙ ⲛ̀ⲛⲟⲉⲣⲟⲛ ⲉⲧϧⲉⲛ ⲧⲫⲉ ⲫⲁⲓ ⲉⲧⲉⲛⲧⲱⲃϩ ϩⲱⲛ ⲉⲑⲣⲉϥϣⲱⲡⲓ ⲛⲁⲛ ϩⲓϫⲉⲛ ⲡⲕⲁϩⲓ. ⲡⲉⲛⲱⲓⲕ ⲛ̀ⲧⲉ ⲣⲁⲥϯ ⲡⲉ ϯⲕⲗⲏⲣⲟⲛⲟⲙⲓⲁ ⲛ̀ⲧⲉ ⲫϯ ⲉⲛⲧⲱⲃϩ ϯⲛⲟⲩ ⲉⲑⲣⲉϥϯ ⲛⲁⲛ ⲙ̀ⲡⲉⲥⲁⲣⲏⲃ ⲙ̀ⲫⲟⲟⲩ ⲉⲧⲉ ⲫⲁⲓ ⲡⲉ ϫⲉ ϧⲉⲛ ⲡⲁⲓⲉⲛⲉϩ ⲛ̀ⲧⲉ ⲡⲉⲥϩⲟⲗϫ ϣⲱⲡⲓ ⲛ̀ϧⲏⲧⲉⲛ ϩⲏ ⲛⲉⲙ ⲡⲉⲥϭⲓϣϣⲱⲟⲩ.
ⲟⲩⲟϩ ⲭⲁ ⲛⲏⲉⲧⲉⲣⲟⲛ ⲛⲁⲛ ⲉⲃⲟⲗ: ⲡⲭⲱ ⲉⲃⲟⲗ ⲛ̀ⲧⲉ ⲛⲓⲛⲟⲃⲓ ⲡⲉ ⲡⲓϫⲓⲛⲉⲣⲣⲉⲙϩⲉ ⲉⲃⲟⲗϩⲁ ⲛⲓⲡⲁⲑⲟⲥ ⲛⲉⲙ ϯϫⲓⲛⲉⲣϫⲱⲣⲓ ⲛ̀ⲧⲉ ϯⲯⲩⲭⲏ ⲟⲩⲃⲉ ⲫⲛⲟⲃⲓ ⲛⲉⲙ ⲟⲩϫⲓⲛⲉⲣϩⲉⲗϫⲉ ⲉϧⲟⲩⲛ ⲉⲛⲉⲛⲉⲣⲏⲟⲩ ⲙ̀ⲫⲣⲏϯ ⲉⲧⲉϥⲧⲁⲙⲟ ⲙ̀ⲙⲟⲛ ⲉⲫⲁⲓ ⲛ̀ϫⲉ ⲡⲓⲥⲁϫⲓ ⲉⲑⲛⲏⲟⲩ ⲙⲉⲛⲉⲛⲥⲁ ⲫⲁⲓ. ϫⲉ ⲙ̀ⲫⲣⲏϯϩⲱⲛ ⲛ̀ⲧⲉⲛⲭⲱ ⲉⲃⲟⲗ ⲛ̀ⲛⲉⲛⲉⲣⲏⲟⲩ: ⲡⲓⲝⲱ ⲉⲃⲟⲗ ⲇⲉ ⲛ̀ⲛⲏⲉⲧⲉ ⲟⲩⲟⲛⲧⲁⲛ ⲉⲣⲱⲟⲩ ⲡⲉ ⲡⲓϫⲓⲛϣⲧⲉⲙⲉⲣⲫⲙⲉⲩⲓ ⲛ̀ϯⲕⲁⲕⲓⲁ ⲟⲩⲃⲉ ⲛⲏⲉⲧⲁⲩϯϫⲱⲛⲧ ⲛⲁⲛ. ⲙ̀ⲡⲉⲣⲉⲛⲧⲉⲛ ⲉϧⲟⲩⲛ ⲉⲡⲓⲣⲁⲥⲙⲟⲥ. ⲉⲧⲉ ⲫⲁⲓ ⲡⲉ ⲉϣⲧⲉⲙⲑⲣⲉⲛⲧⲏⲓⲧⲉⲛ ⲙ̀ⲙⲁⲩⲁⲧⲉⲛ ⲉϩⲁⲛⲡⲓⲣⲁⲥⲙⲟⲥ ⲁϭⲛⲉ ⲫⲟⲩⲱϣ ⲙ̀ⲫϯ. ⲁⲗⲗⲁ ⲛⲁϩⲙⲉⲛ ⲉⲃⲟⲗϩⲁ ⲡⲓⲡⲉⲧϩⲱⲟⲩ ⲉⲧⲉ ⲫⲁⲓ ⲡⲉ ϫⲉ ⲁⲥϣⲁⲛⲣⲁⲛⲁϥ ⲙ̀ⲡⲉⲛⲛⲟⲩϯ ⲉⲉⲛⲧⲉⲛ ⲉϧⲟⲩⲛ ⲉⲡⲓⲡⲓⲣⲁⲥⲙⲟⲥ. ⲛ̀ⲧⲉϥϯⲛⲁⲛⲛ̀ϯϫⲟⲛ ⲉϣⲧⲉⲙϫⲟⲗϥ ⲉⲃⲟⲗ. ϫⲉ ⲑⲱⲕ ⲧⲉ ϯϫⲟⲙ ⲉⲧⲉ ⲫⲁⲓ ⲡⲉ ⲡϣⲏⲣⲓ. ⲛⲉⲙ ϯⲙⲉⲧⲟⲩⲣⲟ ⲉⲧⲉ ⲡⲓⲡ̅ⲛ̅ⲁ̅ ⲉ̅ⲑ̅ⲩ̅ ⲡⲉ. ϣⲁ ⲉⲛⲉϩ ⲛ̀ⲧⲉ ⲛⲓⲉⲛⲉϩ ⲁⲙⲏⲛ.