Ⲡⲓⲁⲅⲓⲟⲥ Ⲁⲡⲁⲛⲟⲩⲃ



ⲟⲧⲉ ⲁϥⲥⲱⲣ ⲛⲛⲏ ⲉⲧϣⲟⲡ ⲛⲁϥ ⲧⲏⲣⲟⲩ ⲛⲛⲓϩⲏⲕⲓ ⲛⲉⲙ ⲛⲓϫⲱⲃ ⲛⲧⲉ ⲧⲉϥⲃⲁⲕⲓ ⲟⲩⲟϩ ⲁϥⲧⲱⲛϥ ⲛϫⲉ ⲁⲡⲁⲛⲟⲩⲃ ⲁϥⲓ ⲥⲁⲃⲟⲗ ⲙⲫⲣⲟ ⲙⲡⲉϥⲏⲓ ⲁϥⲫⲱⲣϣ ⲛⲛⲉϥϫⲓϫ ⲉⲃⲟⲗ ⲁϥⲕⲱϯ ⲙⲡⲉϥϩⲟ ⲥⲁⲡⲥⲁ ⲛϯⲁⲛⲁⲧⲟⲗⲏ ⲡⲉϫⲁϥ ϫⲉ ⲡⲁϭⲥ ⲓⲏⲥ ⲡⲭⲥ ⲡϣⲏⲣⲓ ⲙⲫϯ ⲉⲧⲟⲛϧ ⲙⲡⲓⲣⲏϯ ⲉⲧⲁⲓⲭⲱ ⲙⲫⲣⲟ ⲙⲡⲁⲏⲓ ⲁⲓⲙⲟϣⲓ ⲛⲥⲱⲕ ϧⲉⲛ ⲡⲁϩⲏⲧ ⲧⲏⲣϥ ⲉⲕⲉϭⲓⲙⲱⲓⲧ ϧⲁϫⲱⲓ ⲉⲫⲙⲱⲓⲧ ⲙⲡⲓϩⲏⲅⲉⲙⲱⲛ ⲉⲕⲉⲟⲩⲱⲣⲡ ϩⲁⲣⲟⲓ ⲙⲡⲉⲕⲁⲅⲅⲉⲗⲟⲥ ⲛⲟⲩⲱⲓⲛⲓ ⲛⲧⲉϥⲟϩⲓ ⲉⲣⲁⲧϥ ⲛⲉⲙⲏⲓ ⲛⲧⲉϥϯϫⲟⲙ ⲛⲏⲓ ⲉⲑⲣⲓϭⲣⲟ ⲉⲛⲓⲃⲁⲍⲁⲛⲟⲥ ⲛⲧⲉ ⲡⲓⲇⲓⲕⲁⲥⲧⲏⲣⲓⲟⲛ ⲱ ⲡⲁϭⲥ ⲓⲏⲥ ⲡⲭⲥ ⲉⲕⲉⲟⲩⲱⲣⲡ ϩⲁⲣⲟⲓ ⲙⲙⲏⲭⲁⲏⲗ ⲡⲓⲁⲣⲭⲏⲁⲅⲅⲉⲗⲟⲥ ⲛⲧⲉϥϭⲓⲙⲱⲓⲧ ⲛⲏⲓ ⲉⲫⲙⲁ ⲙⲡⲓϩⲏⲅⲉⲙⲱⲛ ⲟⲩⲟϩ ⲛⲧⲉϥϯ ⲛⲏⲓ ⲙⲫⲣⲟ ⲙⲡⲓⲥⲁϫⲓ ⲉⲑⲣⲓⲥⲁϫⲓ ⲛⲛⲉⲕⲙⲉⲑⲙⲏⲓ ⲙⲡⲉⲙⲑⲟ ⲛⲛⲓⲟⲩⲣⲱⲟⲩ ⲛⲉⲙ ⲛⲓϩⲏⲅⲉⲙⲱⲛ ϫⲉ ⲫⲱⲕ ⲡⲉ ⲡⲓⲱⲟⲩ ⲛⲉⲙ ⲡⲉⲕⲓⲱⲧ ⲛⲁⲅⲁⲑⲟⲥ ⲛⲉⲙ ⲡⲓⲡⲛⲁ ⲉⲑⲟⲩⲁⲃ ϣⲁ ⲉⲛⲉϩ ⲁⲙⲏⲛ

ⲉⲧⲁ ⲡⲓⲟⲩⲱⲓⲛⲓ ⲇⲉ ϣⲁⲓ ⲁϥⲧⲱⲛϥ ⲛϫⲉ ⲡⲓϣⲟⲩⲙⲉⲛⲣⲓⲧϥ ⲁⲡⲁ ⲁⲛⲟⲩⲃ ⲁϥϣⲉ ⲛⲁϥ ⲉⲫⲙⲁ ⲙⲡⲓϩⲏⲅⲉⲙⲱⲛ ⲁϥϫⲉⲙϥ ⲉⲧⲁϥⲫⲟⲣϣ ⲡⲓⲃⲏⲙⲁ ϧⲁⲧⲉⲛ ⲫⲣⲟ ⲙⲡⲓⲉⲣⲫⲉⲓ ⲟⲩⲟϩ ⲁϥⲉⲣϣⲟⲣⲡ ⲛⲱϣ ⲉⲃⲟⲗ ϧⲉⲛ ⲟⲩⲛⲓϣϯ ⲛⲥⲙⲏ ⲉϥϫⲱ ⲙⲙⲟⲥ ϫⲉ ⲱ ⲗⲩⲥⲓⲁⲥ ⲡⲓϩⲏⲅⲉⲙⲱⲛ ⲉⲓⲛⲁϩϯ ⲉⲡⲁϭⲥ ⲓⲏⲥ ⲡⲭⲥ ⲫⲏ ⲉⲧⲉϩⲛⲁⲕ ⲁⲣⲓⲧϥ ⲛⲏⲓ ⲛⲭⲱⲗⲉⲙ ϫⲉ ϯⲛⲁⲟⲩⲱϣⲧ ⲁⲛ ⲛⲛⲉⲕⲓⲇⲱⲗⲟⲛ ⲉⲧϭⲁϧⲉⲙ ⲁϥⲑⲱϣⲡ ⲛϫⲉ ⲡⲓϩⲏⲅⲉⲙⲱⲛ ⲉϧⲟⲩⲛ ⲉϩⲣⲉⲛ ⲡⲓⲕⲟⲩϫⲓ ⲛⲁⲗⲟⲩ ⲡⲉϫⲁϥ ⲛⲁϥ ϫⲉ ⲛⲑⲟⲕ ⲫⲁ ⲑⲱⲛ ⲱ ⲡⲓⲕⲟⲩϫⲓ ⲛⲁⲗⲟⲩ ⲉⲑⲟⲩⲟⲛϩ ⲉⲃⲟⲗ ⲁⲛ ⲓⲉ ⲛⲓⲙ ⲡⲉ ⲉⲧⲁϥⲉⲛⲕ ⲉⲡⲁⲓⲙⲁ ϫⲉ ⲟⲩⲏⲓ ⲙⲡⲁⲧⲉ ⲡⲓⲟⲩⲱⲓⲛⲓ ϣⲁⲓ ⲣⲱ ⲛⲕⲁⲗⲱⲥ ⲁϥⲉⲣⲟⲩⲱ ⲛϫⲉ ⲡⲓⲁⲅⲓⲟⲥ ⲁⲡⲁ ⲁⲛⲟⲩⲃ ⲡⲉϫⲁϥ ⲙⲡⲓϩⲏⲅⲉⲙⲱⲛ ϫⲉ ⲱ ⲡⲓⲁⲧϩⲏⲧ ⲟⲩⲟϩ ⲛⲁⲧⲕⲁϯ ⲛⲉⲙ ⲡⲉⲕⲁⲡⲟⲗⲗⲱⲛ ⲛⲉⲙⲁⲕ ϩⲏⲡⲡⲉ ⲁⲓⲥⲱⲧⲉⲙ ϫⲉ ⲕϯϣⲱϣ ⲙⲡⲁϭⲥ ⲓⲏⲥ ⲡⲭⲥ ⲟⲩⲟϩ ⲉⲕϧⲱⲧⲉⲃ ⲛⲛⲏ ⲉⲧϣⲉⲙϣⲓ ⲙⲙⲟϥ ⲁⲓⲓ ⲉⲃⲟⲗ ϧⲉⲛ ⲡⲁⲕⲁϩⲓ ⲁⲓⲓ ⲉⲡⲁⲓⲙⲁ ⲉⲓⲛⲁⲫⲱⲛ ⲙⲡⲁⲥⲛⲟϥ ⲉⲃⲟⲗ ⲉϩⲣⲏⲓ ⲉϫⲉⲛ ⲫⲣⲁⲛ ⲙⲡⲁϭⲥ ⲓⲏⲥ ⲡⲭⲥ

ⲫⲏ ⲉⲧⲁϥⲑⲁⲙⲓⲟ ⲛⲧⲫⲉ ⲁϥϩⲓⲥⲉⲛϯ ⲙⲡⲓⲕⲁϩⲓ ⲫⲓⲟⲙ ⲛⲉⲙ ⲉⲧⲉ ⲛϧⲏⲧϥ ⲛⲑⲟϥ ⲁϥⲑⲁⲙⲓⲱⲟⲩ ⲁϥⲑⲁⲙⲓⲟ ⲙⲡⲓⲣⲱⲙⲓ ⲕⲁⲧⲁ ⲧⲉϥϩⲓⲕⲱⲛ ⲛⲉⲙ ⲡⲉϥⲓⲛⲓ ⲛⲓϩⲁⲗⲁϯ ⲛⲉⲙ ⲛⲓⲑⲏⲣⲓⲟⲛ ⲛⲉⲙ ⲛⲓϭⲁⲧϥⲓ ⲛⲑⲟϥ ⲁϥⲥⲟⲛⲧⲟⲩ ⲁⲗⲗⲁ ⲡⲉⲕⲁⲡⲟⲗⲗⲱⲛ ϩⲱϥ ⲛⲕⲟⲩⲣ ⲛⲃⲉⲗⲗⲉ ⲛⲁⲧⲯⲩⲭⲏ ⲙⲙⲟⲛ ϣϫⲟⲙ ⲙⲙⲟϥ ⲁⲛ ⲉⲛⲁϩⲙⲉϥ ϫⲉ ϩⲓⲛⲁ ⲛⲧⲉϥⲛⲟϩⲉⲙ ⲛϩⲁⲛⲕⲉⲭⲱⲟⲩⲛⲓ ⲫⲏ ⲉⲧⲉϩⲛⲁⲕ ⲁⲣⲓⲧϥ ⲛⲏⲓ ϫⲉ ϯⲛⲁⲟⲩⲱϣⲧ ⲁⲛ ⲛⲛⲉⲕⲛⲟⲩϯ ⲛⲃⲟϯ

ⲉⲧⲁϥϫⲱⲕ ⲙⲡⲓⲁⲙⲏⲛ ⲉⲃⲟⲗ ⲛϫⲉ ⲡⲓⲁⲅⲓⲟⲥ ⲁⲡⲁ ⲁⲛⲟⲩⲃ ϩⲏⲡⲡⲉ ⲓⲥ ⲡⲓⲁⲣⲭⲏⲁⲅⲅⲉⲗⲟⲥ ⲉⲑⲟⲩⲁⲃ ⲙⲏⲭⲁⲏⲗ ⲁϥⲓ ⲉⲃⲟⲗ ϧⲉⲛ ⲧⲫⲉ ⲉⲣⲉ ⲟⲩⲭⲗⲟⲙ ⲉⲛⲟⲩⲱⲓⲛⲓ ϧⲉⲛ ⲛⲉϥϫⲓϫ ⲡⲉϫⲁϥ ⲙⲡⲓⲑⲙⲏⲓ ⲁⲡⲁ ⲁⲛⲟⲩⲃ ϫⲉ ϫⲉⲙⲛⲟⲙϯ ⲟⲩⲟϩ ϭⲣⲟ ⲙⲙⲟⲕ ⲱ ⲡⲓⲙⲉⲛⲣⲓⲧ ⲛⲧⲉ ⲫϯ ⲱ ⲫⲏ ⲉⲧⲁϥⲧⲁⲗⲟ ⲡⲉϥ. ⲉⲣⲟϥ ⲁϥⲙⲟϣⲓ ⲛⲥⲁ ⲡⲉϥϭⲥ ϧⲉⲛ ⲡⲉϥⲟⲩⲱϣ ⲙⲙⲓⲛ ⲙⲙⲟϥ

ⲁⲛⲟⲕ ⲡⲉ ⲙⲏⲭⲁⲏⲗ ⲡⲓⲁⲣⲭⲏⲁⲅⲅⲉⲗⲟⲥ ⲫⲏ ⲉⲧⲟϩⲓ ⲉⲣⲁⲧϥ ⲥⲁⲟⲩⲓⲛⲁⲙ ⲙⲫϯ ⲡⲓⲡⲁⲛⲧⲟⲕⲣⲁⲧⲱⲣ ⲁⲛⲟⲕ ⲡⲉⲧϯϫⲟⲙ ⲛⲛⲓⲙⲁⲣⲧⲩⲣⲟⲥ ⲧⲏⲣⲟⲩ ϣⲁⲧⲟⲩϭⲓ ⲙⲡⲟⲩⲭⲗⲟⲙ ⲁⲛⲟⲕ ⲡⲉ ϯϫⲟⲙ ⲛⲛⲓⲇⲓⲕⲉⲟⲥ ⲧⲏⲣⲟⲩ ⲛⲉⲙ ⲛⲓⲁⲛⲁⲭⲱⲣⲓⲧⲏⲥ ϣⲁⲧⲟⲩϫⲱⲕ ⲛⲛⲟⲩⲡⲟⲗⲏⲧⲓⲁ ⲉⲃⲟⲗ ϩⲏⲡⲡⲉ ⲓⲥ ⲭⲛⲁⲩ ⲉⲡⲉⲕⲭⲗⲟⲙ ⲉⲛⲟⲩⲱⲓⲛⲓ ϧⲉⲛ ⲛⲁϫⲓϫ ϣⲁⲧⲁⲧⲏⲓϥ ⲉϫⲉⲛ ⲧⲉⲕⲁⲫⲉ ⲉⲑⲟⲩⲁⲃ ⲥⲁⲧⲟⲧϥ ⲁϥϩⲓ ⲧⲉϥϫⲓϫ ⲉⲃⲟⲗ ϩⲓϫⲉⲛ ⲡⲉϥⲥⲱⲙⲁ ⲧⲏⲣϥ ⲁϥⲧⲁⲗϭⲟϥ ⲁϥⲉⲣ ⲙⲫⲣⲏϯ ⲓⲥϫⲉⲕ ⲙⲡⲟⲩⲉⲣⲃⲁⲥⲁⲛⲓⲍⲓⲛ ⲙⲙⲟϥ ⲉⲡⲧⲏⲣϥ ⲟⲩⲟϩ ⲁϥϩⲓⲟⲩⲓ ⲛⲛⲉϥⲙⲁϧⲧ ⲉϧⲟⲩⲛ ⲉⲧⲉϥⲛⲉϫⲓ ⲛⲕⲉⲥⲟⲡ ⲁϥϩⲱⲗ ⲉϩⲣⲏⲓ ⲉⲛⲓⲫⲏⲟⲩⲓ ϧⲉⲛ ⲟⲩϩⲓⲣⲏⲛⲏ



ⲛⲑⲟϥ ⲟⲛ ⲁⲇⲁⲙ



Ⲁⲙⲱⲓⲛⲓ ⲧⲏⲣⲟⲩ ⲙⲫⲟⲟⲩ: ⲛⲓⲗⲁⲟⲥ ⲛⲧⲉ ⲡⲕⲁϩⲓ: ⲁⲣⲓⲑⲉⲱⲣⲓⲛ: ⲙⲡⲁⲓⲙⲩⲥⲧⲏⲣⲓⲟⲛ: ϫⲉ ⲁⲩⲙⲓⲥⲓ ⲛⲁⲛ ⲙⲫϯ: ⲉⲃⲟⲗ ϧⲉⲛ ϯⲡⲁⲣⲑⲉⲛⲟⲥ: ⲁϭⲛⲉ ⲥⲡⲉⲣⲙⲁ ⲛⲣⲱⲙⲓ: ϣⲁⲛⲧⲉϥⲥⲱϯ ⲙⲙⲟⲛ:

ⲙⲁⲣⲉⲛϩⲱⲥ ⲉⲣⲟϥ: ⲛⲉⲙ ⲛⲓⲁⲅⲅⲉⲗⲟⲥ ϧⲉⲛ ⲡⲁⲓϩⲩⲙⲛⲟⲥ ⲉⲑⲟⲩⲁⲃ: ⲛⲉⲡⲟⲩⲣⲁⲛⲓⲟⲛ: ϫⲉ ⲟⲩⲱⲟⲩ ϧⲉⲛ ⲛⲏ ⲉⲧϭⲟⲥⲓ ⲙⲫϯ: ⲛⲉⲙ ⲟⲩϩⲓⲣⲏⲛⲏ ϩⲓϫⲉⲛ ⲡⲕⲁϩⲓ: ⲛⲉⲙ ⲟⲩϯⲙⲁϯ ϧⲉⲛ ⲛⲓⲣⲱⲙⲓ: ϫⲉ ⲁϥⲓ ⲁϥⲥⲱϯ ⲙⲙⲟⲛ:

Ⲃⲏⲑⲗⲉⲉⲙ ⲛⲧⲉ ϯⲓⲟⲩⲇⲉⲁ: ⲣⲁϣⲓ ϧⲉⲛ ⲟⲩⲑⲉⲗⲏⲗ: ϫⲉ ⲁϥⲫⲓⲣⲓ ⲉⲃⲟⲗ ⲛϧⲏⲧⲥ: ⲛϫⲉ ⲫⲣⲏ ⲛⲧⲉ ϯⲙⲉⲑⲙⲏⲓ: ⲉⲧⲉ ⲓⲏⲥ ⲡⲭⲥ: ⲡⲓⲗⲟⲅⲟⲥ ⲉⲧⲁϥϭⲓⲥⲁⲣⲝ: ⲁ ⲙⲁⲣⲓⲁ ⲙⲁⲥϥ: ⲉⲥⲟⲓ ⲙⲡⲁⲣⲑ:

ⲙⲁⲣⲉⲛϩⲱⲥ ⲉⲣⲟϥ: ⲛⲉⲙ ⲛⲓⲁⲅⲅⲉⲗⲟⲥ: ...

Ⲅⲣⲁⲫⲏ ⲛⲓⲃⲉⲛ ⲉⲧⲥϧⲏⲟⲩⲧ: ⲛⲏ ⲉⲧⲁⲩϣⲟⲣⲡ ⲛϫⲟⲧⲟⲩ: ⲛϫⲉ ⲛⲓⲡⲣⲟⲫⲏⲧⲏⲥ: ⲉⲑⲃⲉ ⲡϫⲓⲛⲓ ⲙⲡⲭⲥ: ⲁⲩϫⲱⲕ ⲉⲃⲟⲗ ⲙⲫⲟⲟⲩ: ⲛϩⲣⲏⲓ ϧⲉⲛ ⲃⲏⲑⲗⲉⲉⲙ: ⲑⲃⲁⲕⲓ ⲙⲡⲟⲩⲣⲟ ⲇⲁⲩⲓⲇ: ⲉⲧⲁⲩⲙⲁⲥϥ ⲛⲁⲛ ⲛϧⲏⲧⲥ:

ⲙⲁⲣⲉⲛϩⲱⲥ ⲉⲣⲟϥ: ⲛⲉⲙ ⲛⲓⲁⲅⲅⲉⲗⲟⲥ: ...

Ⲇⲁⲩⲓⲇ ⲡⲓⲡⲣⲟⲫⲏⲧⲏⲥ: ⲉⲣⲭⲱⲣⲉⲓⲛ ⲛⲁⲛ: ϫⲉ ⲑⲙⲉⲧⲥⲁⲓⲉ ⲙⲡⲉϥⲥⲁⲓ: ⲟⲩⲉⲃⲟⲗ ϧⲉⲛ ⲥⲓⲱⲛ: ⲉϥⲉⲓ ⲛϫⲉ ⲫϯ: ϧⲉⲛ ⲟⲩⲱⲛϩ ⲉⲃⲟⲗ: ⲡϭⲥ ⲛⲧⲉ ⲛⲓϫⲟⲙ: ϧⲉⲛ ⲟⲩⲥⲙⲏ ⲛⲥⲁⲗⲡⲓⲅⲅⲟⲥ:ⲙⲁⲣⲉⲛϩⲱⲥ ⲉⲣⲟϥ: ⲛⲉⲙ ⲛⲓⲁⲅⲅⲉⲗⲟⲥ: ...

Ⲉⲧⲁϥⲓ ⲛϫⲉ ⲟⲩϩⲱⲛ ⲉⲃⲟⲗ ϩⲓⲧⲉⲛ ⲡⲟⲩⲣⲟ: ϫⲉ ⲛⲧⲉ ϯⲟⲓⲕⲟⲩⲙⲉⲛⲏ ⲧⲏⲣⲥ: ϯⲣⲉⲛⲥ ⲉϧⲟⲩⲛ ⲉⲥϧⲁⲓ ⲛⲧⲉ ⲡⲓⲟⲩⲁⲓ ⲡⲓⲟⲩⲁⲓ: ϣⲉ ⲉⲃⲏⲑⲗⲉⲉⲙ: ⲛⲧⲉϥⲥϧⲁⲓ ⲙⲡⲉϥⲣⲁⲛ: ⲛⲉⲙ ⲫⲣⲁⲛ ⲛⲧⲉ ⲡⲉϥⲓⲱⲧ:

ⲙⲁⲣⲉⲛϩⲱⲥ ⲉⲣⲟϥ: ⲛⲉⲙ ⲛⲓⲁⲅⲅⲉⲗⲟⲥ: ...

ⲉϣⲱⲡ ⲁⲛϣⲁⲛⲉⲣⲯⲁⲗⲓⲛ...