Ⲡ̀ⲕⲁϩⲓ ϥ̀ⲥⲁϫⲓ ⲛ̀ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ



ⲓⲥⲛⲱϥ ⲛ̀ⲧⲉ ⲛⲉⲛ⳥ ⲥⲉⲱϣ ⲙ̀ⲙⲏⲛⲓ

ϫⲉ ⲡ̀ⲕⲁϩⲓ ϥ̀ⲥⲁϫⲓ ⲛ̀ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ

ⲛⲓϩⲓⲟⲙⲓ ⲛⲓϧⲉⲗϣⲁⲓⲣⲓ ⲛⲓϧⲉⲗⲗⲟⲓ ⲛⲓϧⲉⲗϣⲓⲣⲓ

ⲙⲉⲗⲉⲧⲁⲛ ϧⲉⲛ ⲧⲉⲛⲁⲥⲡⲓ ⲓⲥϫⲉⲛ ϣⲱⲣⲡ ϣⲁ ⲣⲟⲩϩⲓ


Ⲟⲩⲟⲛ ϧⲉⲛ ⲧⲉⲛⲁⲥⲡⲓ ⲉⲧϫⲟϥ ⲧⲉⲛⲙⲉⲧⲗⲁⲟⲥ

ⲟⲩⲟⲛ ⲟⲛ ⲛⲉⲛϣⲗⲏⲗ ⲛⲉⲛⲁⲛⲁⲫⲟⲣⲁ ⲛⲉⲛϩⲱⲥ

ⲛⲉⲙ ⲛⲓⲥ̀ϧⲁⲓ ⲛ̀ⲧⲉ ⲛⲉⲛⲛⲓϣⲓⲟϯ ⲛ̀ⲅⲉⲛⲛⲉⲟⲥ

ⲛⲉⲙ ⲛⲓⲥⲑⲟⲓⲛⲟⲩϥ ⲛ̀ⲧⲉ ⲛⲉⲛⲛⲓϣϯ ⳥̀


Ⲟⲩⲟⲛ ϩⲁⲛⲙⲏϣ ⲙ̀ⲃⲱϩⲉⲙ ⲉⲩϯⲛⲟⲙϯ ⲛⲁⲛ

ⲛⲉⲛ ⲛⲓⲃⲓⲟⲥ ⲛ̀ⲧⲉ ⲛⲉⲛⲛⲓϣϯ ⲛ̀ⲁⲅⲓⲟⲥ ⲛⲉⲙϩⲁⲛ

ⲙⲏϣ ⲛ̀ϫⲓⲛⲥⲁϫⲓ ⲉⲩϯϩⲏⲟⲩ ⲉⲩⲱⲛϧ ⲛⲉⲙⲁⲛ

ⲟⲩⲟϩ ⲧⲉⲧⲉⲛⲥⲟⲩⲉⲛ ⲛⲓϣⲓⲛⲓ ⲛ̀ⲧⲉ ⲛⲓⲣⲉⲙⲣⲁⲛ


Ⲛⲓⲓϧ ⲁⲩⲃⲱⲧⲥ ⲉ̀ⲧⲁⲓⲁⲥⲡⲓ ϧⲉⲛ ⲡⲓⲥⲏⲟⲩ ⲉⲧⲃⲏⲕ

ⲁⲩⲑⲣⲉ ⲛⲓϫⲁϫⲓ ϣⲱⲧ ⲛ̀ⲛⲓⲗⲁⲥ ϧⲉⲛ ⲟⲩⲙ̀ⲕⲁϩ ⲉ̀ϥϣⲏⲕ

ⲛⲓⲗⲁⲟⲥ ⲇⲉ ⲁⲩⲥⲁϫⲓ ϧⲉⲛ ϯⲙⲉⲧⲁⲣⲁⲃⲏⲥ ⲉⲧϫⲏⲕ

ⲉⲧⲓ̀ ⲛⲓⲓϧ ⲥⲉϯⲟⲩⲃⲏⲛ ⲛ̀ⲧⲟⲩⲑ̀ⲣⲉⲛ ϣⲱⲡⲓ ⲛ̀ⲱⲟⲩ ⲉⲛⲥⲏⲕ


Ϭⲟϫⲓ ⲃ̅ ⲛ̀ⲧⲉⲧⲉⲛⲉⲗ ⲧⲉⲛⲁⲥⲡⲓ ⲉ̀ ⲡⲓϭⲓⲥⲓ

ⲙ̀ⲡⲉⲣⲥⲱⲧⲉⲙ ⲉ̀ ⲛⲓⲓϧ ⲉⲧϫⲟⲥ ϫⲉ ⲙ̀ⲡⲉⲣϧⲓⲥⲓ

ⲙ̀ⲙⲱⲧⲉⲛ ϫⲉ ⲧⲉⲧⲉⲛⲁⲥⲡⲓ ⲁⲥⲙⲟⲩ ⲥ̀ϧⲉⲛ ϯⲕⲁⲓⲥⲓ

ⲙ̀ⲡⲉⲣⲉⲣⲁⲙⲉⲗⲏⲥ ⲙ̀ⲡⲉⲣⲭⲁ ⲧⲉⲛⲑⲏⲛⲟⲩ ⲉⲃⲟⲗ ⲛⲉϩⲥⲓ


Ⲙⲱⲓⲛⲓ ⲉ̀ Ϣⲉⲛⲟⲩϯ ⲡⲓⲁⲣⲭⲏⲙⲁⲛⲓⲇⲣⲓⲧⲏⲥ ⲕⲁⲧⲁ ⲡ̀ⲧⲩⲡⲟⲥ

ⲛ̀ⲟⲩⲣⲱⲙⲓ ⲛ̀ⲣⲉϥⲭⲟϩ ⲉϫⲉⲛ ϯⲁⲥⲡⲓ ⲛ̀ⲧⲉ ⲡⲉⲛⲅⲉⲛⲟⲥ

ⲉⲛⲁϥⲟⲩⲱϣ ⲛ̀ⲧⲉϥⲁⲣⲉϩ ⲉⲣⲟⲥ ⲟⲩⲟϩ ⲛ̀ⲧⲉϥⲥⲱϯ ⲙ̀ⲙⲟⲥ

ⲉⲃⲟⲗϩⲁ ⲛⲓϣⲉⲙⲙⲟ ⲛ̀ⲥⲁϫⲓ ⲉⲧⲁⲩⲓ̀ ⲉϧⲟⲩⲛ ⲉⲣⲟⲥ