ⲁⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϣⲉ ⲉ̀ⲃⲟⲗϧⲉⲛ ⲃⲏⲑⲗⲉⲉⲙ ⲉ̀ⲅⲁⲍⲁ ϣⲁ ⲍⲁⲣⲁⲛⲓⲕ (ⲁⲗⲫⲓⲗⲟⲥⲓⲁⲥ) ⲛⲁⲩ ⲗⲍ̅ ⲛ̀ⲕⲓⲗⲟⲙⲉⲧⲣⲟⲛ ⲥⲁⲡⲉⲙⲉⲛⲧ ⲛ̀ⲁⲗⲁⲣⲏϣ ⲟⲩⲟϩ ⲁⲩⲓ̀ ⲉ̀ϧⲟⲩⲛ ⲉ̀ⲭⲏⲙⲓ ϩⲓ ⲡⲓⲙⲱⲓⲧ ⲛ̀ϣⲁϥⲉ ⲛ̀ⲥⲓⲛⲁ ⲛ̀ⲥⲁⲡⲉⲙϩⲓⲧ
ϧⲁⲧⲉⲛ ⲁⲗⲫⲁⲣⲁⲙⲁ (ⲡⲉⲗⲟⲍⲓⲟⲙ) ⲑⲏⲉⲧⲭⲏ ⲟⲩⲧⲉ ⲛⲓⲃⲁⲕⲓ ⲁⲗⲁⲣⲏϣ ⲛⲉⲙ ⲡⲟⲣⲧⲥⲁⲏⲇ ⲡⲓϫⲓⲛⲓ̀ ⲙ̀ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ϧⲟⲩⲛ ⲉ̀ϯⲃⲁⲕⲓ ⲃⲁⲥⲧⲁ (ⲡ̀ⲑⲟϣ ⲛ̀ⲁⲗϣⲁⲣⲕⲓⲁ̀)ⲁⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲓ̀ ⲉ̀ϧⲟⲩⲛ ⲉ̀ϯⲃⲁⲕⲓ ⲛ̀ⲑⲁⲗⲃⲁⲥⲧⲁ (ⲃⲁⲥⲧⲁ) ⲑⲏⲉⲧϧⲉⲛⲧ ⲉ̀ϯⲃⲁⲕⲓ ⲛ̀ⲁⲗⲍⲁϫⲁⲍⲓϫ ϧⲉⲛ ⲡ̀ⲑⲟϣ ⲛ̀ⲁⲗϣⲁⲣⲕⲓⲁ̀ ⲉⲥⲟⲩⲏ̀ⲟⲩ ⲛ̀ⲕⲁϩⲓⲣⲁ ⲛⲁⲩ ⲣ/ ⲛ̀ⲕⲓⲗⲟ-ⲙⲉⲧⲣⲟⲛ ⲛ̀ⲥⲁⲡⲉⲙϩⲓⲧ ⲙ̀ⲡⲉⲓⲉⲃⲧ.
ⲟⲩⲟϩ ⲙ̀ⲙⲁⲩ ⲁ̀ ⲡⲭⲥ̅ ϧⲁϯ ⲛ̀ⲟⲩⲙⲟⲩⲙⲓ ⲙ̀ⲙⲱⲟⲩ . ⲧⲁⲓⲃⲁⲕⲓ ⲛⲁⲥⲙⲉϩ ⲛ̀ⲓ̀ⲇⲱⲗⲟⲛ . ⲟⲩⲟϩ ⲁϥϣⲱⲡⲓ ⲉ̀ⲧⲁϥⲓ̀ ⲛ̀ϧⲏⲧⲥ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲥⲁⲧⲟⲧϥ ⲁ̀ ⲛⲓⲓ̀ⲇⲱⲗⲟⲛ ϩⲉⲓ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲡⲉⲥⲗⲁⲟⲥ ⲁϥϫⲱⲛⲧ ⲟⲩⲟϩ ⲁϥⲧ̀ϩⲉⲙⲕⲟ ⲙ̀ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲡⲁⲓⲣⲏϯ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲭⲁ ϯⲃⲁⲕⲓ ⲟⲩⲟϩ ⲁϥϣⲉ ⲉ̀ⲥⲁⲣⲏⲥ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲡⲓϯⲙⲓ ⲙⲟⲥⲧⲟⲣⲟⲇ
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲭⲱ ⲛ̀ϯⲃⲁⲕⲓ ⲛ̀ⲑⲁⲗⲃⲁⲥⲧⲁ (ⲃⲁⲥⲧⲁ) ⲉϥⲙⲟϣⲓ ⲉ̀ⲥⲁⲣⲏⲥ ϣⲁⲧⲟⲩⲫⲟϩ ⲉ̀ⲡⲓϯⲙⲓ ⲙ̀ⲙⲟⲥⲧⲟⲣⲟⲇ ( ⲁⲗⲙⲁϩⲁⲙⲙⲁ) ⲑⲏⲉⲑⲟⲩⲏ̀ⲟⲩ ⲛⲁⲩ ⲓ/ ⲛ̀ⲕⲓⲗⲟ-ⲙⲉⲧⲣⲟⲛ ⲉ̀ⲃⲟⲗϩⲁ ⲕⲁϩⲓⲣⲁ .
ⲡⲓⲥⲁϫⲓ ⲁⲗⲙⲁϩⲁⲙⲙⲁ ⲉ̀ⲧⲉ ⲡⲓⲙⲁ ⲛ̀ⲧⲉ ⲡⲓϫⲱⲕⲉⲙ . ⲟⲩⲟϩ ⲁⲩⲙⲟⲩϯ ⲉ̀ⲣⲟⲥ ⲙ̀ⲡⲁⲓⲣⲏϯ ϫⲉ ⲙ̀ⲙⲁⲩ ⲁ̀ ϯⲡⲁⲣⲑⲉⲛⲟⲥ ⲙⲁⲣⲓⲁ̀ ϯⲙⲁⲥⲛⲟⲩϯ ϫⲱⲕⲉⲙ ⲙ̀ⲡⲉⲥⲁ̀ⲗⲟⲩ ⲛ̀ⲛⲟⲩϯ ⲓⲏⲥ̅ ⲟⲩⲟϩ ⲁⲥⲣⲱϧⲓ ⲛ̀ⲛⲉϥϩ̀ⲃⲱⲥ .
ϧⲉⲛ ⲡⲟⲩϫⲓⲛⲧⲁⲥⲑⲟ ⲁ̀ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲥⲓⲛⲓ ⲟⲛ ⲉ̀ⲙⲟⲥⲧⲟⲣⲟⲇ ⲟⲩⲟϩ ⲁ̀ ⲡⲭⲥ̅ ⲡⲉⲛⲛⲟⲩϯ ϧⲁϯ ⲛ̀ⲟⲩⲙⲟⲩⲙⲓ ⲙ̀ⲙⲱⲟⲩ ⲑⲏⲉⲧⲭⲏ ⲙ̀ⲙⲁⲩ ⲉ̀ⲫⲟⲟⲩ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ϯⲃⲁⲕⲓ ⲃⲉⲗⲃⲉⲥ
ⲟⲩⲟϩ ⲉ̀ⲃⲟⲗϧⲉⲛ ⲙⲟⲥⲧⲟⲣⲟⲇ ⲁϥⲟⲩⲱⲧⲉⲃ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲥⲁⲡⲉⲙϩⲓⲧ ⲙ̀ⲡⲉⲓⲉⲃⲧ ⲉ̀ϯⲃⲁⲕⲓ ⲃⲉⲗⲃⲉⲥ (ⲫⲓⲗⲓⲡⲡⲟⲥ) ϧⲉⲛ ⲡ̀ⲑⲟϣ ⲛ̀ⲁⲗϣⲁⲣⲕⲓⲁ̀ ⲑⲁⲓ ⲉⲥⲟⲩⲏⲟⲩ ⲛ̀ⲕⲁϩⲓⲣⲁ ⲛⲁⲩ ⲛⲉ̅ ⲛ̀ⲕⲓⲗⲟⲙⲉⲧⲣⲟⲛ . ⲡⲓⲣⲉⲙⲛ̀ⲏ̀ⲓ ⲁϥϭⲓϧⲏⲓⲃⲓ ⲙ̀ⲙⲁⲩ ϧⲁ ⲧ̀ϧⲏⲓⲃⲓ ⲛ̀ⲟⲩⲃⲱ ⲥⲉⲥⲱⲟⲩⲛ ⲙ̀ⲙⲟⲥ ϫⲉ ϯⲃⲱ ⲛ̀ϯⲡⲁⲣⲑⲉⲛⲟⲥ ⲙⲁⲣⲓⲁ̀ .
ⲟⲩⲟϩ ϧⲉⲛ ⲡⲟⲩϫⲓⲛⲧⲁⲥⲑⲟ ⲁⲩⲥⲓⲛⲓ ⲟⲛ ⲉ̀ⲧⲁⲓⲃⲁⲕⲓ ⲃⲉⲗⲃⲉⲥ. ̀ⲉⲧⲁⲩⲓ̀ ⲇⲉ ⲉ̀ⲃⲟⲗϧⲉⲛ ⲃⲉⲗⲃⲉⲥ ⲁⲩⲟⲩⲱⲧⲉⲃ ⲉ̀ⲡⲉⲙϩⲓⲧ ⲉⲩⲥⲓⲛⲓ ⲉ̀ϯⲃⲁⲕⲓ ⲁⲗⲍⲁⲕⲁⲍⲓⲕ
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲙⲟⲛⲏ ⲛ̀ϫⲉⲙⲛⲟⲩϯ
̀ⲉⲧⲁⲩⲓ̀ ⲇⲉ ⲉ̀ⲃⲟⲗϧⲉⲛ ⲃⲉⲗⲃⲉⲥ ⲁⲩⲟⲩⲱⲧⲉⲃ ⲉ̀ⲡⲉⲙϩⲓⲧ ⲉⲩⲥⲓⲛⲓ ⲉ̀ϯⲃⲁⲕⲓ ⲁⲗⲍⲁⲕⲁⲍⲓⲕ ⲁⲩⲫⲟϩ ⲉ̀ⲙⲟⲛⲏ ⲛ̀ϫⲉⲙⲛⲟⲩϯ (ⲙⲟⲛⲏ ⲛ̀ϫⲉⲛⲁϩ) ⲉⲩⲥⲓⲛⲓ ⲉ̀ⲇⲁⲕⲁⲇⲟⲩⲥ ⲉ̀ⲧⲉ (ϯⲑⲉⲟⲧⲟⲕⲟⲥ) ⲙ̀ⲙⲁⲩ ⲟⲩⲟⲛ ⲟⲩⲉⲕⲕ̀ⲗⲏⲥⲓⲁ̀ ⲛ̀ⲧⲉ ϯⲡⲁⲣⲑⲉⲛⲟⲥ ⲟⲩⲟϩ ⲟⲩϣⲱϯ ⲙ̀ⲙⲱⲟⲩ ⲫⲏⲉⲧⲁϥⲥⲱ ⲉ̀ⲃⲟⲗ ⲛ̀ϧⲏⲧⲥ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅.
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ϯⲃⲁⲕⲓ ϫⲉⲙⲛⲟⲩϯ
̀ⲉⲃⲟⲗϧⲉⲛ ⲙⲟⲛⲏ ⲛ̀ϫⲉⲙⲛⲟⲩϯ ⲁϥⲉⲣϫⲓⲛⲓⲟⲣ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉ̀ϯⲃⲁⲕⲓ ⲛ̀ϫⲉⲙⲛⲟⲩϯ ⲛ̀ϧ̀ⲣⲏⲓ ϧⲉⲛ ⲡⲓⲇⲉⲗⲧⲁ ⲟⲩⲟϩ ⲡⲓⲗⲁⲟⲥ ⲉ̀ⲧⲉⲙ̀ⲙⲁⲩ ⲁϥⲓ̀ ⲉ̀ⲃⲟⲗ ⲉ̀ϩ̀ⲣⲁⲩ ϧⲉⲛ ⲟⲩⲣⲁϣⲓ ⲉⲑⲃⲉ ⲫⲁⲓ ⲁ̀ ⲡⲭⲥ̅ ⲡⲉⲛⲛⲟⲩϯ ⲥ̀ⲙⲟⲩ ⲉ̀ⲣⲱⲟⲩ .
ⲟⲩⲟⲛ ⲙ̀ⲙⲁⲩ ϧⲉⲛ ϯⲉⲕⲕ̀ⲗⲏⲥⲓⲁ̀ ⲛ̀ⲑⲏⲉⲑ̅ⲩ̅ ⲙⲁⲣⲓⲁ̀ ⲛ̀ⲟⲩⲛⲓϣϯ ⲛ̀ⲟⲩⲱϣⲉⲙ ⲛ̀ⲱ̀ⲛⲓ ⲛ̀ⲥⲟⲩⲁⲛ ⲫⲏⲉⲧⲁⲥⲟⲩⲟ̀ϣⲉⲙ ⲛ̀ϧⲏⲧϥ ⲛ̀ϫⲉ ϯⲡⲁⲣⲑⲉⲛⲟⲥ ⲉ̀ⲛⲁⲥⲭⲏ ⲙ̀ⲙⲁⲩ . ⲟⲩⲟⲛ ⲟⲛ ⲟⲩϣⲱϯ ⲙ̀ⲙⲱⲟⲩ ⲉⲧⲁϥⲥ̀ⲙⲟⲩ ⲉ̀ⲣⲟⲥ ⲛ̀ϫⲉ ⲡⲟ̅ⲥ̅ ⲡⲉⲛⲛⲟⲩϯ .
ⲓⲥϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥϣⲉ ⲉ̀ϩ̀ⲣⲏⲓ ⲉ̀ⲡⲓⲙⲱⲓⲧ ⲉϥⲥⲟⲩⲓⲛ ⲉ̀ⲃⲟⲗϧⲉⲛ ϫⲉⲙⲛⲟⲩϯ ⲉ̀ⲥⲁϧⲁ ϩⲱϯ ⲡⲉ ⲛ̀ⲧⲟⲩⲥⲓⲛⲓ ⲉ̀ϩⲁⲛⲙⲏϣ ⲙ̀ⲃⲁⲕⲓ ⲛⲁ ⲛⲓⲑⲟϣ ⲛ̀ⲅⲁⲣⲃⲓⲁ̀ ⲛⲉⲙ ⲕⲁϥⲣⲉⲗϣⲉϧ . ϩⲁⲛⲟⲩⲟⲛ ⲉⲩϫⲟⲥ ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲥⲓⲛⲓ ⲉ̀ⲛⲓϣⲁϥⲉⲩ ⲙ̀ⲃⲉⲗⲕⲁⲥ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ϯⲃⲁⲕⲓ ⲥⲁϧⲁ
ⲟⲩⲟϩ ̀ⲉⲃⲟⲗϧⲉⲛ ϯⲃⲁⲕⲓ ⲛ̀ϫⲉⲙⲛⲟⲩϯ ⲁϥⲟⲩⲱⲧⲉⲃ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲥⲁⲡⲉⲙϩⲓⲧ ⲙ̀ⲡⲉⲙⲉⲛⲧ ⲉⲧϧⲉⲛⲧ ⲉ̀ⲛⲓⲥⲁ ⲙ̀ⲡⲉⲣⲩⲗⲗⲟⲥ ϣⲁⲧⲉϥⲫⲟϩ ⲉ̀ϯⲃⲁⲕⲓ ⲥⲁϧⲁ
(ⲡⲓϧⲁ ⲓⲏⲥ̅) ⲉⲥⲭⲏ ϯⲛⲟⲩ ϧⲉⲛ ⲡ̀ⲑⲟϣ ⲛ̀ⲕⲁϥⲣ ⲉⲗϣⲉϧ .
ⲁ ⲡⲓϧⲁ ⲙ̀ⲡⲉⲛⲟ̅ⲥ̅ ⲓⲏⲥ̅ ⲟⲩⲱⲛϩ ⲉ̀ⲃⲟⲗ ϩⲓϫⲉⲛ ⲟⲩⲱ̀ⲛⲓ ⲉⲑⲃⲉ ⲫⲁⲓ ⲁⲥϭⲓ ⲛ̀ϫⲉ ϯⲃⲁⲕⲓ ⲙ̀ⲡⲁⲓⲣⲁⲛ . ⲡⲁⲓⲱ̀ⲛⲓ ⲛⲁⲩⲭⲟⲡϥ ⲛ̀ⲟⲩⲛⲓϣϯ ⲛ̀ⲥⲏⲟⲩ ⲉⲩⲉⲣϩⲟϯ ϧⲁⲧ̀ϩⲏ ⲛ̀ⲛⲓϭⲓⲟⲩⲓ̀ ⲁⲗⲗⲁ ϧⲉⲛ ⲥⲟⲩ ⲕⲍ̅ ⲛ̀ⲥⲉⲡⲧⲉⲙⲃⲣⲓⲟⲥ ⲁϣⲡ̅ⲇ̅ ⲛ̀ⲭⲥ̅ ⲉ̀ⲧⲉ ⲥⲟⲩ ⲓⲍ̅ ⲛ̀ⲑⲱⲟⲩⲧ ⲁⲯⲁ̅ ⲙ̀ ̅ⲁⲩϭⲱⲣⲡ ⲙ̀ⲙⲟϥ ⲉ̀ⲃⲟⲗ ⲛ̀ⲕⲉⲥⲟⲡ
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲡⲓⲙⲉϣϣⲱⲧ ⲛ̀ⲧⲉ ⲡⲓϩⲟⲥⲉⲙ (ϣⲓϩⲏⲧ)
ⲟⲩⲟϩ ⲉ̀ⲃⲟⲗϧⲉⲛ ⲥⲁϧⲁ ⲁ̀ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉⲣϫⲓⲛⲓⲟⲣ ⲙ̀ⲫ̀ⲓⲁⲣⲟ ⲛ̀ⲛⲓⲗ
(ⲉⲧⲥⲁ ⲣⲟⲥⲉⲧⲧⲁ) ⲉ̀ⲡⲉⲙⲉⲛⲧ ⲙ̀ⲡⲓⲇⲉⲗⲧⲁ ⲟⲩⲟϩ ⲁϥϣⲉ ⲉ̀ⲥⲁⲣⲏⲥ ⲉ̀ⲡⲓⲙⲉϣϣⲱⲧ ⲛ̀ⲧⲉ ⲡⲓϩⲟⲥⲉⲙ (ⲛ̀ⲁⲥⲕⲏⲧⲏⲥ).
ϩⲓ ⲫ̀ⲙⲱⲓⲧ ⲉ̀ⲁⲥⲕⲏⲧⲏⲥ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲥⲓⲛⲓ ⲉ̀ⲡⲓϯⲙⲓ ⲁⲗϩⲟⲙⲣⲁ . ⲟⲩⲟϩ ⲁ̀ ⲡⲭⲥ̅ ⲡⲉⲛⲟ̅ⲥ̅ ⲃⲉⲃⲓ ⲛ̀ⲟⲩⲙⲟⲩⲙⲓ ⲙ̀ⲙⲱⲟⲩ ⲉϥϩⲟⲗϫ ⲙ̀ⲙⲁⲩ ⲉ̀ⲁⲩⲙⲟⲩϯ ⲉ̀ⲣⲟⲥ ϫⲉ ϯⲙⲟⲩⲙⲓ ⲙ̀ⲙⲁⲣⲓⲁⲙ ⲉ̀ⲫⲟⲟⲩ ⲟⲩⲟϩ ⲥ̀ⲭⲏ ϧⲉⲛ ⲑ̀ⲙⲏϯ ⲛ̀ⲛⲓⲗⲩⲙⲛⲏ ⲉⲑⲙⲉϩ ⲙ̀ⲡⲓϩⲟⲥⲉⲙ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲛⲓⲥⲁ ⲛ̀ⲧⲉ ⲙⲁⲧⲁⲣⲓⲁ̀ ⲛⲉⲙ ⲱⲛ
ⲟⲩⲟϩ ⲉ̀ⲃⲟⲗϧⲉⲛ ⲡⲓⲙⲉϣϣⲱⲧ ⲛ̀ⲧⲉ ⲡⲓϩⲟⲥⲉⲙ ⲁϥⲟⲩⲱ̀ⲧⲉⲃ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲛ̀ⲥⲁⲣⲏⲥ ⲉⲧⲥⲁ ϯⲃⲁⲕⲓ ⲛ̀ⲕⲁϩⲓⲣⲁ ⲟⲩⲟϩ ⲁⲩⲉⲣϫⲓⲛⲓⲟⲣ ⲙ̀ⲫ̀ⲓⲁⲣⲟ ⲛ̀ⲛⲓⲗ ⲉ̀ⲡⲓⲥⲁⲡⲉⲓⲉⲃⲧ ⲟⲩⲟϩ ⲁⲩⲟⲩⲱϩ ⲛ̀ϧ̀ⲣⲏⲓ ⲉ̀ⲛⲓⲥⲁ ⲙ̀ⲙⲁⲧⲁⲣⲓⲁ̀ ⲛⲉⲙ ⲱⲛ .
ⲛⲓⲥⲁ ⲛ̀ⲧⲉ ⲙⲁⲧⲁⲣⲓⲁ̀ ⲡⲉ ⲉⲧϧⲉⲛⲧ ⲉ̀ⲱⲛ (ϩⲉⲗⲓⲟⲡⲟⲗⲓⲥ) ⲟⲩⲟϩ ⲉⲩⲟⲩⲏ̀ⲟⲩ ⲉ̀ⲕⲁϩⲓⲣⲁ ⲛⲁⲩ ⲓ/ ⲛ̀ⲕⲓⲗⲟⲙⲉⲧⲣⲟⲛ .
ϧⲉⲛ ⲡⲓⲥⲏⲟⲩ ⲉ̀ⲧⲉ ⲙ̀ⲙⲁⲩ ⲛⲁⲩϣⲟⲡ ϧⲉⲛ ⲱⲛ ⲛ̀ϫⲉ ϩⲁⲛⲓⲟⲩⲇⲁⲓ ⲉⲩⲟϣ ⲟⲩⲟϩ ⲛⲉ ⲟⲩⲟⲛⲧⲱⲟⲩ ⲛ̀ⲟⲩⲉⲣⲫⲉⲓ ⲉ̀ⲁⲩⲙⲟⲩϯ ⲉ̀ⲣⲟϥ ϫⲉ ⲡⲓⲉⲣⲫⲉⲓ ⲛ̀ⲧⲉ ⲱⲛⲓⲁⲥ .
ϧⲉⲛ ⲙⲁⲧⲁⲣⲓⲁ̀ ⲁ̀ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϭⲓϧⲏⲓⲃⲓ ϧⲁ ⲧ̀ϧⲏⲓⲃⲓ ⲛ̀ⲟⲩⲃⲱ ⲉ̀ⲧⲟⲩⲥⲱⲟⲩⲛ ⲙ̀ⲙⲟⲥ ϫⲉ ϯⲃⲱ ⲙ̀ⲙⲁⲣⲓⲁ̀ ⲉ̀ⲫⲟⲟⲩ .
ⲟⲩⲟϩ ⲁ̀ ⲡⲉⲛⲟ̅ⲥ̅ ⲓⲏⲥ̅ ⲃⲉⲃⲓ ⲛ̀ⲟⲩⲙⲟⲩⲙⲓ ⲙ̀ⲙⲱⲟⲩ ⲙ̀ⲙⲁⲩ ⲟⲩⲟϩ ⲁϥⲥⲱ ⲉ̀ⲃⲟⲗ ⲛ̀ϧⲏⲧⲥ ⲟⲩⲟϩ ⲁϥⲥ̀ⲙⲟⲩ ⲉ̀ⲣⲟⲥ . ̀ⲛϧⲏⲧⲥ ⲟⲛ ⲁ̀ ϯⲙⲁⲥⲛⲟⲩϯ ⲙ̀ⲡⲁⲣⲑⲉⲛⲟⲥ ⲣⲱϧⲓ ⲛ̀ⲛⲓϩ̀ⲃⲱⲥ ⲙ̀ⲡⲓⲕⲟⲩϫⲓ ⲛ̀ⲁ̀ⲗⲟⲩ ⲛ̀ⲛⲟⲩϯ ⲟⲩⲟϩ ⲁⲥϫⲱϣ ⲙ̀ⲡⲓⲙⲱⲟⲩ ϩⲓϫⲉⲛ ⲡⲓⲕⲁϩⲓ . ⲥⲁⲧⲟⲧϥ ⲁϥⲣⲱⲧ ϧⲉⲛ ⲡⲁⲓⲙⲁ ⲉ̀ⲧⲉ ⲙ̀ⲙⲁⲩ ⲛ̀ϫⲉ ⲟⲩⲣⲱⲧ ⲫⲁ ⲟⲩⲥ̀ⲑⲟⲓ ⲉⲛⲉⲥⲱϥ ⲉⲧⲟⲩⲥⲱⲟⲩⲛ ⲙ̀ⲙⲟϥ ϫⲉ ⲡⲓⲃⲁⲗⲥⲁⲙⲟⲛ ⲟⲩⲟϩ ϣⲁⲩⲧⲟⲩϩⲟϥ ⲉ̀ϩⲁⲛⲕⲉⲙⲓⲛⲓ ⲛ̀ⲥ̀ⲑⲟⲓⲛⲟⲩϥⲓ ⲛⲉⲙ ⲛⲓⲥⲟϫⲉⲛ ⲛⲏⲉ̀ϣⲁⲩⲓ̀ⲣⲓ ⲙ̀ⲡⲓⲙⲩⲣⲟⲛ ⲉⲑ̅ⲩ̅ ⲉ̀ⲃⲟⲗ ⲙ̀ⲙⲱⲟⲩ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲛⲓⲥⲁ ⲛ̀ⲧⲉ ⲛⲓϫⲱⲓⲧ (ⲍⲉⲓⲧⲟⲩⲛ)
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲙⲟϣⲓ ⲉ̀ⲡ̀ⲥⲁ ⲛ̀ⲕⲁϩⲓⲣⲁ ⲛ̀ⲁⲡⲁⲥ ϩⲓ ⲡⲟⲩⲙⲱⲓⲧ ⲁϥⲥⲓⲛⲓ ⲉ̀ⲛⲓⲥⲁ ⲛ̀ⲧⲉ ⲍⲉⲓⲧⲟⲩⲛ ⲛⲉⲙ ⲱⲛ ⲟⲩⲟϩ ⲁϥϭⲓⲙ̀ⲧⲟⲛ ⲙ̀ⲙⲁⲩ ⲛ̀ⲟⲩⲕⲟⲩϫⲓ ⲛ̀ⲥⲏⲟⲩ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥϭⲓⲙ̀ⲧⲟⲛ ϧⲉⲛ ⲛⲓⲥⲁ ⲛ̀ⲧⲉ ̀ⲑⲙⲏϯ ⲛ̀ⲕⲁϩⲓⲣⲁ
ⲡⲓⲣⲉⲙⲛ̀ⲏ̀ⲓ ⲉ̀ⲧⲁϥⲙⲟϣⲓ ϩⲓ ⲡⲉϥⲙⲱⲓⲧ ⲉ̀ⲃⲟⲗϧⲉⲛ ⲍⲉⲓⲧⲟⲩⲛ ⲛ̀ⲕⲁϩⲓⲣⲁ ⲛ̀ⲁⲡⲁⲥ ⲁⲩⲥⲓⲛⲓ ⲉ̀ⲛⲓⲥⲁ ⲛ̀ⲧⲉ ̀ⲑⲣⲁⲃⲓⲁ̀ ⲛ̀ⲍⲁⲃⲟⲗⲟⲛ ⲉ̀ⲣⲉ ⲛ̀ϧⲏⲧⲥ ⲭⲏ ⲛ̀ϫⲉ ϯⲉⲕⲕ̀ⲗⲏⲥⲓⲁ̀ ⲛ̀ⲁ̀ⲡⲁⲥ ⲛ̀ⲧⲉ ϯⲡⲁⲣⲑⲉⲛⲟⲥ ⲡⲁⲓⲣⲏϯ ⲟⲛ ⲁϥⲥⲓⲛⲓ ⲉ̀ⲉⲗⲉⲍⲃⲁⲟⲩⲓⲁ̀ ϧⲉⲛ ̀ⲕⲗⲟⲧⲃⲉⲕ.
ⲛⲓⲥⲁ ⲇⲉ ⲛ̀ⲧⲉ ⲑ̀ⲙⲏϯ ⲛ̀ⲕⲁϩⲓⲣⲁ ⲟⲩⲟⲛ ⲙ̀ⲙⲁⲩ ⲅ/ ⲛ̀ⲉⲕⲕ̀ⲗⲏⲥⲓⲁ̀ ⲟⲩⲟϩ ⲁ̀ⲃⲏⲧ ⲃ/ ⲛⲁⲓ ⲛⲉ ,ⲁ- ϯⲉⲕⲕ̀ⲗⲏⲥⲓⲁ̀ ⲛ̀ⲁ̀ⲡⲁⲥ ⲛ̀ⲧⲉ ϯⲡⲁⲣⲑⲉⲛⲟⲥ ϧⲉⲛ ̀ⲑⲣⲁⲃⲓⲁ̀ ⲛⲍⲁⲃⲟⲗⲟⲛ.
ⲃ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲫⲏⲉⲑ̅ⲩ̅ ⲅⲉⲱⲣⲅⲓⲟⲥ .
ⲅ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲫⲏⲉⲑ̅ⲩ̅ ⲫⲓⲗⲟⲡⲁⲧⲏⲣ ⲙⲉⲣⲕⲟⲩⲣⲓⲟⲥ (ⲫⲁ ⲥⲏⲓϥⲓ ⲥ̀ⲛⲟⲩϯ).
ⲇ- ⲡⲓⲁ̀ⲃⲏⲧ ⲛ̀ⲧⲉ ϯⲡⲁⲣⲑⲉⲛⲟⲥ ⲫⲁ ⲛⲓⲙⲟⲛⲁⲭⲏ .
ⲉ- ⲡⲓⲁ̀ⲃⲏⲧ ⲛ̀ⲧⲉ ⲡⲁⲟ̅ⲥ̅ ⲡ̀ⲟⲩⲣⲟ ⲅⲉⲱⲣⲅⲓⲟⲥ ⲫⲁ ⲛⲓⲙⲟⲛⲁⲭⲏ.
ⲛⲓⲥⲁ ⲇⲉ ⲛ̀ⲕⲗⲟⲧⲃⲉⲕ ⲟⲩⲟⲛ ⲙ̀ⲙⲁⲩ ,
ⲁ- ϯⲛⲓϣϯ ⲛ̀ⲉⲕⲕ̀ⲗⲥⲓⲁ̀ ⲛ̀ⲧⲉ ⲁⲃⲃⲁ ⲙⲁⲣⲕⲟⲥ ⲡⲓⲁ̀ⲡⲟⲥⲧⲟⲗⲟⲥ ϧⲉⲛ ⲉⲍⲃⲁⲕⲓⲁ̀ .
ⲃ- ⲛⲓⲙⲟⲛⲏ ⲛ̀ⲧⲉ ⲛⲓⲙⲟⲛⲁⲥⲧⲏⲣⲓⲟⲛ ⲛ̀ⲛⲓⲙⲟⲛⲁⲭⲟⲥ . ⲉ̀ⲟⲩⲟⲛ ⲛ̀ϧⲏⲧⲟⲩ ⲛ̀ϩⲁⲛⲉⲕⲕ̀ⲗⲏⲥⲓⲁ̀ ⲉⲩⲟϣ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲛⲓⲥⲁ ⲛ̀ⲧⲉ ⲕⲁϩⲓⲣⲁ ⲛ̀ⲁⲡⲁⲥ
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲫⲟϩ ⲉ̀ⲕⲁϩⲓⲣⲁ ⲛ̀ⲁ̀ⲡⲁⲥ . ⲡⲁⲓⲙⲁ ⲥⲉⲟⲡϥ ⲛ̀ⲟⲩⲁⲓ ⲉ̀ⲃⲟⲗϧⲉⲛ ⲛⲓⲥⲁ ⲛ̀ⲛⲓϣϯ ⲛ̀ϩⲟⲩⲟ̀ ϧⲉⲛ ⲛⲓⲙⲁⲛ̀ⲟ̀ϩⲓ ⲉ̀ⲧⲁ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϣⲟⲡ ⲛ̀ϧⲏⲧⲟⲩ ϧⲉⲛ ⲡⲟⲩϫⲓⲛϩⲱⲗ ⲉ̀ⲡ̀ⲕⲁϩⲓ ⲛ̀ⲏⲙⲓ . ⲟⲩⲟⲛ ⲛ̀ϧⲧⲏⲥ ⲛ̀ϩⲁⲛⲙⲏϣ ⲛ̀ⲉⲕⲕ̀ⲗⲏⲥⲓⲁ̀ ⲙ̀ⲙⲁⲩ ⲛⲉⲙ ϩⲁⲛⲁ̀ⲃⲏⲧ
ⲁⲩϭⲓⲥ̀ⲙⲟⲩ ⲛ̀ϫⲉ ⲛⲁⲓⲥⲁ ϩⲓⲧⲉⲛ ⲡ̀ϫⲓⲛϣⲱⲡⲓ ⲙ̀ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲛ̀ϧⲏⲧⲟⲩ ⲁⲗⲗⲁ ⲙ̀ⲡⲟⲩϣ̀ϫⲉϫⲟⲙ ⲉ̀ϣⲱⲡⲓ ⲙ̀ⲙⲁⲩ ⲉ̀ⲃⲏⲗ ⲉ̀ϩⲁⲛⲕⲉⲕⲟⲩϫⲓ ⲛ̀ⲉ̀ϩⲟⲟⲩ ϫⲉ ⲡⲓϩⲩⲅⲉⲙⲱⲛ ⲛ̀ⲧⲉ ⲕⲁϩⲓⲣⲁ ⲛ̀ⲁ̀ⲡⲁⲥ ⲛⲁϥⲟⲩⲱϣ ⲉ̀ϧⲱⲧⲉⲃ ⲙ̀ⲡⲓⲕⲟⲩϫⲓ ⲛ̀ⲁ̀ⲗⲟⲩ ⲛ̀ⲛⲟⲩϯ ⲓⲏⲥ̅ ϫⲉ ⲉ̀ⲃⲟⲗϩⲓⲧⲟⲧϥ ⲛⲓⲓ̀ⲇⲱⲗⲟⲛ ⲛⲁⲩⲟⲩⲱϫⲡ ⲉ̀ϣⲱⲡ ⲁϥϣⲁⲛⲓ̀ ϣⲁⲣⲱⲟⲩ .
ϯⲉⲕⲕ̀ⲗⲏⲥⲓⲁ̀ ⲇⲉ ⲛ̀ⲧⲉ ⲫⲏⲉⲑ̅ⲩ̅ ⲥⲉⲣⲅⲓⲟⲥ ϥ̀ⲭⲏ ⲛ̀ϧⲏⲧⲥ ⲛ̀ϫⲉ ⲡⲓⲃⲏⲃ ⲉ̀ⲧⲁ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϣⲉ ⲉ̀ϧⲟⲩⲛ ⲉ̀ⲣⲟϥ . ⲟⲩⲟϩ ⲥⲉⲟⲡϥ ⲛ̀ⲟⲩⲁⲓ ⲉ̀ⲃⲟⲗϧⲉⲛ ⲛⲓⲙⲁ ⲛ̀ⲛⲓϣϯ ⲛ̀ϩⲟⲩⲟ̀ ⲛ̀ⲧⲉ ⲡⲓϫⲓⲛϩⲱⲗ ⲙ̀ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲕⲁϩⲓⲣⲁ ⲛ̀ⲁⲡⲁⲥ .
ⲛⲓⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲡⲓⲥⲟⲃⲧ ⲙ̀ⲃⲁⲃⲩⲗⲟⲛ ϧⲉⲛ ⲕⲁϩⲓⲣⲁ ⲛ̀ⲁⲡⲁⲥ ⲛⲉ ,
ⲁ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲡⲓⲁ̀ⲅⲓⲟⲥ ⲥⲉⲣⲅⲓⲟⲥ (ⲁⲡⲁ ⲥⲉⲣⲅⲁ).
ⲃ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ϯⲡⲁⲣⲑⲉⲛⲟⲥ ⲉⲧⲟⲩⲥⲱⲟⲩⲛ ⲙ̀ⲙⲟⲥ ϫⲉ ⲑⲏⲉⲧⲁ̀ϣⲓ.
ⲅ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ϯⲁ̀ⲅⲓⲁ̀ ⲃⲁⲣⲃⲁⲣⲁ.
ⲇ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲡⲓⲁ̀ⲅⲓⲟⲥ ⲅⲉⲱⲣⲅⲓⲟⲥ ϧⲉⲛ ϯⲁⲩⲗⲏ ⲛ̀ⲧⲉ ⲛⲓⲙⲟⲗϩ (ⲕⲁⲥⲣ ⲉⲗϣⲁⲙⲉ).
ⲉ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ϯⲡⲁⲣⲑⲉⲛⲟⲥ ⲉⲧⲟⲩⲥⲱⲟⲩⲛ ⲙ̀ⲙⲟⲥ ϫⲉ ⲡⲓⲥ̀ⲧⲁⲙⲛⲟⲥ ⲙ̀ⲡⲓⲁϭⲓⲛⲛ̀ⲥ̀ⲑⲟⲓ (ⲕⲁⲥⲣⲓⲁⲧ ⲉⲗⲣⲓϩⲁⲛ).
ⲋ- ⲡⲓⲁ̀ⲃⲏⲧ ⲛ̀ⲧⲉ ⲫⲏⲉⲑ̅ⲩ̅ ⲅⲉⲱⲣⲅⲓⲟⲥ ⲫⲁ ⲛⲓⲙⲟⲛⲁⲭⲏ .
ⲍ- ⲡⲓⲥⲟⲃ ⲙ̀ⲃⲁⲃⲩⲗⲱⲛ ⲛⲉⲙ ⲡⲓⲙⲁⲛ̀ⲭⲁⲙ̀ⲙⲏⲓⲛⲓ ⲛ̀ⲣⲉⲙⲛ̀ⲭⲏⲙⲓ ⲛⲉⲙ ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲡⲓⲁ̀ⲅⲓⲟⲥ ⲅⲉⲱⲣⲅⲓⲟⲥ ⲑⲁ ⲛⲓⲣⲱⲙⲉⲟⲥ ⲛ̀ⲟⲣⲑⲟⲇⲟⲝⲟⲥ ϯⲥⲩⲛⲁⲅⲱⲅⲏ ⲛ̀ⲧⲉ ⲛⲓⲓⲟⲩⲇⲁⲓ
ⲛⲓⲕⲉⲉⲕⲕ̀ⲗⲏⲥⲓⲁ̀ ⲇⲉ ⲉⲧⲭⲏ ϧⲉⲛ ⲕⲁϩⲓⲣⲁ ⲛ̀ⲁⲡⲁⲥ ⲛⲁⲓ ⲥⲉϣⲟⲡ ⲉⲧϧⲉⲛⲧ ⲉ̀ⲡⲓⲙⲁⲛ̀ⲟⲩⲱϣⲧ ⲛ̀ⲧⲉ ⲁⲙⲣⲟⲓⲃⲛⲉⲗⲁⲥ ⲛⲁⲓ ⲛⲉ ,
ⲁ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲡⲓⲁ̀ⲅⲓⲟⲥ ⲫⲓⲗⲟⲡⲁⲧⲏⲣ ⲙⲉⲣⲕⲟⲩⲣⲓⲟⲥ ⲉⲧⲟⲓ ⲛ̀ⲥⲟⲩⲓⲛ ϫⲉ ( ⲫⲁ ⲥⲏϥⲓ ⲃ/ϯ).
ⲃ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲁⲃⲃⲁ ϣⲉⲛⲟⲩϯ .
ⲅ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ϯⲁ̀ⲅⲓⲁ̀ ⲙⲁⲣⲓⲁ̀ ϯⲡⲁⲣⲑⲉⲛⲟⲥ ⲉⲧⲟⲓ ⲛ̀ⲥⲟⲩⲓⲛ ϫⲉ ϯⲙ̀ϣⲉⲣⲓ .
ⲇ- ⲡⲓⲁ̀ⲃⲏⲧ ⲛ̀ⲧⲉ ⲫⲓⲗⲟⲡⲁⲧⲏⲣ ⲙⲉⲣⲕⲟⲩⲣⲓⲟⲥ (ⲫⲁ ⲥⲏϥⲓ ⲥ̀ⲛⲟⲩϯ)
ⲉ- ϯⲉⲕⲕ̀ⲗⲏⲥⲓⲁ̀ ⲛ̀ ϯⲡⲁⲣⲑⲉⲛⲟⲥ ⲃⲁⲃⲩⲗⲱⲛ ⲛ̀ⲛⲓⲧⲱⲧⲉⲣ ( ⲁⲗⲇⲁⲣⲁϫ).
ⲋ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲛⲓⲁ̀ⲅⲓⲟⲥ ⲁⲡⲁⲕⲓⲣ ⲛⲉⲙ ⲓⲱⲁ̅ .
ⲍ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲫⲏⲉⲑ̅ⲩ̅ ⲑⲉⲟⲇⲱⲣⲟⲥ ⲡⲓⲁ̀ⲛⲁⲧⲟⲗⲉⲟⲥ .
ⲏ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲡⲓⲁⲣⲭⲏⲁⲅⲅⲉⲗⲟⲥ ⲙⲓⲭⲁⲏⲗ ⲑⲏⲉⲧⲟⲩⲥⲱⲟⲩⲛ ⲙ̀ⲙⲟⲥ ϫⲉ ⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲥⲁⲣⲏⲥ ⲛ̀ⲧⲉ ⲡⲓⲁⲅⲅⲉⲗⲟⲥ (ⲇⲉⲣ ⲉⲗⲙⲁⲗⲁⲕ ⲉⲗⲕⲓⲡⲗⲏ).
ⲑ- ϯⲉⲕⲕ̀ⲗⲏⲥⲓⲁ̀ ⲛ̀ⲧⲉ ⲁⲃⲃⲁ ⲙⲏⲛⲁ ϧⲉⲛ ⲍⲁϩⲣⲁ ⲛ̀ⲕⲁϩⲓⲣⲁ ⲛ̀ⲁⲡⲁⲥ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉϥⲟⲩⲱⲧⲉⲃ ⲉ̀ⲃⲟⲗϧⲉⲛ ⲕⲁϩⲓⲣⲁ ⲛ̀ⲁ̀ⲡⲁⲥ ϣⲁ ⲉ̀ϧ̀ⲣⲏⲓ ⲉ̀ⲙⲁⲁⲇⲓ
ⲁϥⲟⲩⲱ̀ⲧⲉⲃ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ⲃⲟⲗϧⲉⲛ ⲛⲓⲥⲁ ⲛ̀ⲕⲁϩⲓⲣⲁ ⲛ̀ⲁⲡⲁⲥ ⲉⲩϣⲉ ⲉ̀ⲥⲁⲣⲏⲥ ⲟⲩⲟϩ ⲁϥⲫⲟϩ ⲉ̀ⲛⲓⲥⲁ ⲛ̀ⲧⲉ ⲙⲁⲁⲇⲓ ⲙⲉⲙⲫⲓⲥ. (ⲙⲉⲙⲫⲓⲥ ϯⲙⲉⲧⲣⲟⲡⲟⲗⲓⲥ ⲛ̀ⲧⲉ ⲭⲏⲙⲓ ⲛ̀ⲁⲡⲁⲥ)
̀ⲉⲃⲟⲗϧⲉⲛ ⲛⲓϩ̀ⲃⲏⲟⲩⲓ̀ ⲛ̀ϣ̀ⲫⲏⲣⲓ ⲉⲧⲟⲩϣⲱⲡⲓ ϧⲉⲛ ⲧⲁⲓⲉⲕⲕ̀ⲗⲏⲥⲓⲁ̀ ϫⲉ ϧⲉⲛ ⲡⲓⲥⲟⲟⲩ ⲛ̀ⲥⲟⲩ ⲅ/ ⲙ̀ⲫⲁⲣⲙⲟⲩⲑⲓ ⲁⲭϥ̅ⲃ̅ ⲙ̀ ̅ⲉ̀ⲧⲉ ⲥⲟⲩ ⲓⲃ̅ ⲙ̀ⲙⲁⲣⲧⲩⲣⲟⲥ ⲁϣⲟ̅ⲋ̅ ⲛ̀ⲭⲥ̅ ⲁⲩϫⲓⲙⲓ ⲙ̀ⲡⲓϫⲱⲙ ⲉⲑ̅ⲩ̅ ⲉϥⲟⲩⲏⲛ ϧⲁ ̀ⲏⲥⲁⲏ̀ⲁⲥ ⲡⲓⲕⲉⲫⲁⲗⲉⲟⲛ ⲓⲑ̅ ϫⲉ,
ⲉϥⲉ̀ϣⲱⲡⲓ ⲉϥⲥ̀ⲙⲁⲙⲁⲧ ⲛ̀ϫⲉ ⲡⲁⲗⲁⲟⲥ ⲫⲏⲉⲧⲭⲏ ϧⲉⲛ ⲭⲏⲙⲓ ⲉϥⲗⲱⲓⲗⲓ ⲉ̀ϫⲉⲛ ⲡⲓⲙⲱⲟⲩ ⲙ̀ⲫ̀ⲓⲁⲣⲟ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲡⲉⲙ̀ⲑⲟ ⲛ̀ϯⲉⲕⲕ̀ⲗⲏⲥⲓⲁ̀ ⲥⲁⲧⲟⲧϥ ⲁⲩⲉⲛϥ ⲉ̀ⲡ̀ϣⲱⲓ ⲉ̀ⲃⲟⲗϧⲉⲛ ⲡⲓⲙⲱⲟⲩ
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉϥⲟⲩⲱⲧⲉⲃ ⲉ̀ⲥⲁⲣⲏⲥ ϧⲉⲛ ⲛⲓⲃⲁⲕⲓ ⲛ̀ⲧⲉ ⲙⲁⲣⲏⲥ ⲛ̀ⲭⲏⲙⲓ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲡⲓⲁ̀ⲃⲏⲧ ⲛ̀ϫⲁⲣⲛⲟⲥ ⲙⲁⲅⲁⲅⲁ
ⲁⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲥⲓⲛⲓ ⲉ̀ⲡⲓϯⲙⲓ ⲛ̀ ̀ϣⲛⲏⲛ ⲛ̀ⲛⲓⲭ̀ⲣⲓⲥⲧⲓⲁⲛⲟⲥ ⲉϥⲙⲟϣⲓ ϩⲓ ⲡⲓⲙⲱⲓⲧ ⲁⲩⲓ̀ ⲉ̀ⲡⲓϯⲙⲓ
ⲙ̀ⲡⲓⲁ̀ⲃⲏⲧ ⲛ̀ϫⲁⲣⲛⲟⲥ (ⲇⲉⲣ ⲉⲗϫⲁⲣⲛⲟⲥ) ⲡⲓⲁ̀ⲃⲏⲧ ⲛ̀ⲁⲣϫⲁⲛⲟⲥ ⲫⲏⲉⲧⲭⲏ ⲛⲁⲩ ⲓ/ ⲛ̀ⲕⲓⲗⲟⲙⲉⲧⲣⲟⲛ
ⲉϥⲟⲩⲏⲟⲩ ⲙ̀ⲙⲟϥ ⲥⲁⲡⲉⲙⲉⲛⲧ ⲛ̀ ̀ϣⲛⲏⲛ ⲛ̀ⲛⲓⲭ̀ⲣⲓⲥⲧⲓⲁⲛⲟⲥ ϧⲉⲛ ⲡ̀ⲑⲟϣ ⲙ̀ⲙⲁⲅⲁⲅⲁ.
ⲟⲩⲟⲛ ⲟⲩϣⲱϯ ⲉⲥϣⲏⲕ ⲉⲥϧⲉⲛⲧ ⲉ̀ϯϫⲟⲓ ⲙ̀ⲡⲉⲙⲉⲛⲧ ⲛ̀ⲧⲉ ϯⲉⲕⲕ̀ⲗⲏⲥⲓⲁ̀ ⲛ̀ϯⲡⲁⲣⲑⲉⲛⲟⲥ . ⲟⲩⲟϩ ϯⲡⲁⲣⲁⲇⲟⲥⲓⲥ ⲥ̀ϫⲟⲥ ⲛⲁⲛ ϫⲉ , ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲥⲱ ⲉ̀ⲃⲟⲗϧⲉⲛ ⲧⲁⲓϣⲱϯ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲡⲉⲙϫⲉ (ⲁⲗⲡⲁϩⲛⲁⲥⲁ)
ⲁϥⲥⲓⲛⲓ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ⲟⲩⲙⲁ ⲉ̀ⲧⲟⲩⲙⲟϯ ⲉ̀ⲣⲟϥ ϫⲉ ̀ⲡⲏⲓ ⲛ̀ⲓⲏⲥ̅ (ⲃⲉⲧ ⲓⲁⲥⲟⲩ) ⲥⲁⲡⲉⲓⲉⲃⲧ ⲙ̀ⲡⲉⲙϫⲉ ϧⲉⲛ ⲡⲉϥⲙⲁ ϯⲛⲟⲩ ⲡⲉ ⲡⲓϯⲙⲓ ⲛ̀ⲥⲁⲛⲇⲁⲫⲁ ϧⲉⲛ ⲡ̀ⲑⲟϣ ⲙ̀ⲃⲉⲛⲓⲙⲁⲍⲁⲣ ⲡⲓϯⲙⲓ ⲙ̀ⲡⲁϩⲛⲁⲥⲁ ϯⲛⲟⲩ ⲉϥⲟⲩⲏ̀ⲟⲩ ⲛ̀ⲓⲍ̅ ⲛ̀ⲕⲓⲗⲟⲙⲉⲧⲣⲟⲛ ⲛ̀ⲥⲁⲡⲉⲙⲉⲛⲧ (ⲙ̀ⲃⲉⲛⲓ ⲙⲁⲍⲁⲣ).
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲡⲓⲧⲱⲟⲩ ⲛ̀ⲧⲉ ⲛⲓϩⲁⲗⲁϯ ⲛ̀ⲥⲁⲡⲉⲓⲉⲃⲧ ⲛ̀ⲥⲁⲙⲁⲗⲟⲩⲧ
ⲁϥⲟⲩⲱⲧⲉⲃ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ⲃⲟⲗϧⲉⲛ ⲡⲓϯⲙⲓ ⲙ̀ⲡⲉⲙϫⲉ ⲉ̀ⲥⲁⲣⲏⲥ ϣⲁ ⲡⲓϯⲙⲓ
ⲛ̀ⲥⲁⲙⲁⲗⲟⲩⲧ . ̀ⲙⲙⲁⲩ ⲁⲩⲉⲣϫⲓⲛⲓⲟⲣ ⲙ̀ⲫ̀ⲓⲁⲣⲟ ⲉ̀ⲡⲉⲓⲉⲃⲧ ϥ̀ⲭⲏ ϧⲉⲛ ⲡⲁⲓⲙⲁ ϯⲛⲟⲩ ⲛ̀ϫⲉ ⲡⲓⲁ̀ⲃⲏⲧ ⲛ̀ⲧⲉ ϯⲡⲁⲣⲑⲉⲛⲟⲥ ϧⲉⲛ ⲡⲓⲧⲱⲟⲩ ⲛ̀ⲧⲉ ⲛⲓϩⲁⲗⲁϯ ⲛ̀ⲥⲁⲡⲉⲓⲉⲃⲧ ⲛ̀ⲥⲁⲙⲁⲗⲟⲩⲧ . ⲡⲁⲓⲁ̀ⲃⲏⲧ ⲉϥⲟⲩⲏⲟⲩ ⲉ̀ⲡⲓⲙⲁⲛ̀ϫⲓⲛⲓⲟⲣ ⲛ̀ⲧⲉ ⲃⲉⲛⲓ ϩϧⲁⲗⲉⲇ ⲛⲁⲩ ⲕⲓⲗⲟⲙⲉⲧⲣⲟⲛ ⲃ/ ⲛ̀ⲥⲁⲣⲏⲥ. ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥϣⲟⲡ ⲙ̀ⲙⲁⲩ ϧⲉⲛ ⲡⲓⲃⲏⲃ ⲫⲏⲉⲧⲭⲏ ϧⲉⲛ ϯⲉⲕⲕ̀ⲗⲏⲥⲓⲁ̀ ⲛ̀ⲁⲡⲁⲥ ⲛ̀ⲟⲩⲕⲟⲩϫⲓ ⲛ̀ⲥⲏⲟⲩ .
ⲥⲉⲙⲟⲩϯ ⲉ̀ⲣⲟϥ ϫⲉ ⲡⲓⲧⲱⲟⲩ ⲛ̀ⲛⲓϩⲁⲗⲁϯ ϫⲉ ϩⲁⲛⲁⲛϣⲟ ⲛ̀ⲛⲓϩⲁⲗⲁϯ ⲙ̀ⲃⲟⲕⲏⲣⲟⲥ ⲉⲩⲑⲱⲟⲩϯ ⲙ̀ⲙⲁⲩ . ϣⲁⲩⲙⲟⲩϯ ⲉ̀ⲣⲟϥ ⲟⲛ ϫⲉ ⲡⲓⲧⲱⲟⲩ ⲛ̀ⲧⲉ ϯⲧⲟⲧ ϫⲉ ⲕⲁⲧⲁ ⲫ̀ⲣⲏϯ ⲉⲧⲁϥⲧⲁⲙⲟⲛ ⲛ̀ϫⲉ ϯⲡⲁⲣⲁⲇⲟⲥⲓⲥ ⲛ̀ⲣⲉⲙⲛ̀ⲭⲏⲙⲓ
ⲉϥϫⲟⲥ ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ⲛⲁϥⲭⲏ ⲁ̀ ⲡⲁⲓⲧⲱⲟⲩ ⲁ̀ ⲟⲩⲛⲓϣϯ ⲙ̀ⲡⲉⲧⲣⲁ ⲛⲟⲩⲓ̀ ⲉ̀ϩⲉⲓ
ⲡⲁⲓⲣⲏϯ ⲁ̀ ⲧⲉϥϫⲓϫ ⲧⲟⲃ ϩⲓϫⲉⲛ ϯⲡⲉⲧⲣⲁ
ⲡⲓϣ̀ϣⲏⲛ ⲛ̀ⲧⲉ ⲡⲓⲁⲥⲕⲏⲧⲏⲥ ϧⲉⲛ ⲡⲓⲧⲱⲟⲩ ⲛ̀ⲛⲓϩⲁⲗⲁϯ,
(ϫⲁⲃⲁⲗ ⲉⲗⲧⲉⲣ)
ϧⲉⲛ ⲡⲟⲩⲙⲱⲓⲧ ⲁϥⲥⲓⲛⲓ ⲛ̀ϫⲉ ⲡⲓⲣⲉⲙⲛ̀ⲏⲓ ⲉ̀ⲟⲩⲃⲱ ⲛ̀ϣ̀ⲃⲉ ⲉⲥϭⲟⲥⲓ ⲉϥⲟⲩⲏⲟⲩ ⲉ̀ⲡⲓⲧⲱⲟⲩ ⲛ̀ⲛⲓϩⲁⲗⲁϯ ⲛⲁⲩ ⲕⲓⲗⲟⲙⲉⲧⲣⲟⲛ ⲃ/ ⲉ̀ⲥⲁⲣⲏⲥ ⲙ̀ⲙⲟϥ . ̀ⲉⲥ̀ⲕⲉⲛ ⲙ̀ⲡⲓⲙⲱⲓⲧ ⲉⲧⲥⲁⲡ̀ⲥ̀ⲫⲓⲣ ⲛ̀ⲧ̀ⲁⲙⲏⲓⲣⲓ ⲛⲉⲙ ⲡⲓⲧⲱⲟⲩ ⲛ̀ⲧⲉ ⲛⲓϩⲁⲗⲁϯ ϣⲁ ⲛⲁⲍⲗⲉⲧ ⲟⲃⲉⲇ ⲉ̀ⲡⲓϭⲁⲥⲙⲁⲛ̀ⲥⲓⲛⲓ ⲙ̀ⲃⲉⲣⲓ ⲛ̀ⲧⲉ ⲙⲓⲛⲓⲁ̀ .
ⲥⲉϫⲟⲥ ϫⲉ ⲧⲁⲓⲃⲱ ⲁⲥⲕⲱⲗϫ ⲙ̀ⲡⲉⲙ̀ⲑⲟ ⲙ̀ⲡⲟ̅ⲥ̅ ⲡⲉⲛⲛⲟⲩϯ ⲉⲥⲟⲩⲱϣⲧ ⲙ̀ⲙⲟϥ ⲉⲑⲃⲉ ⲫⲁⲓ ⲕ̀ϫⲉⲙ ⲛⲉⲥϫⲁⲗ ⲧⲏⲣⲟⲩ ⲉⲩⲛⲏⲟⲩ ⲉ̀ϧ̀ⲣⲏⲓ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲉⲩⲛⲏⲟⲩ ⲛ̀ⲕⲉⲥⲟⲡ ⲉ̀ϩ̀ⲣⲏⲓ ⲉ̀ⲣⲉ ⲛⲉⲥϫⲱⲃⲓ ⲟⲓ ⲛ̀ⲛⲏϫⲓ . ⲟⲩⲟϩ ⲥⲉⲙⲟⲩϯ ⲉ̀ⲣⲟⲥ ϫⲉ ⲡⲓϣ̀ϣⲏⲛ ⲙ̀ⲡⲓⲁⲥⲕⲏⲧⲏⲥ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲭⲱ ⲛ̀ⲛⲓⲥⲁ ⲛ̀ⲧⲉ ⲡⲓⲧⲱⲟⲩ ⲛ̀ⲛⲓϩⲁⲗⲁϯ ⲟⲩⲟϩ ⲁϥⲓ̀ ⲉ̀ⲡⲓϣⲱϯ ⲛ̀ϯϭⲏⲡⲓ ϧⲉⲛ ⲁⲛϯⲛⲱⲟⲩ ⲙⲉⲛⲉⲛⲥⲁ ⲁⲩⲉⲣϫⲓⲛⲓⲟⲣ ⲙ̀ⲫ̀ⲓⲟⲙ ⲉⲧⲥⲁ ⲡⲓⲣⲱⲇⲁ
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉϥϫⲓⲛⲓⲟⲣ ⲙ̀ⲫ̀ⲓⲁⲣⲟ ⲉ̀ⲃⲟⲗϧⲉⲛ ⲡ̀ⲥⲁ ⲙ̀ⲡⲉⲓⲉⲃⲧ ⲉ̀ⲡ̀ⲥⲁ ⲙ̀ⲡⲉⲙⲉⲛⲧ. ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲡⲓϯⲙⲓ ̀ϣⲙⲟⲩⲛ ⲃ/ (ⲙⲁⲛⲗⲁⲩ)
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲭⲱ ⲛ̀ⲛⲓⲥⲁ ⲛ̀ⲧⲉ ⲡⲓⲧⲱⲟⲩ ⲛ̀ⲛⲓϩⲁⲗⲁϯ ⲟⲩⲟϩ ⲁϥⲓ̀ ⲉ̀ⲡⲓϣⲱϯ ⲛ̀ϯϭⲏⲡⲓ ϧⲉⲛ ⲁⲛϯⲛⲱⲟⲩ ⲙⲉⲛⲉⲛⲥⲁ ⲁⲩⲉⲣϫⲓⲛⲓⲟⲣ ⲙ̀ⲫ̀ⲓⲟⲙ ⲉⲧⲥⲁ ⲡⲓⲣⲱⲇⲁ . ⲟⲩⲟϩ ⲉ̀ⲃⲟⲗϧⲉⲛ ⲙ̀ⲙⲁⲩ ⲁⲩⲓ̀ ⲉ̀ϧⲟⲩⲛ ⲉ̀ϣⲙⲟⲩⲛ ⲃ/ (ϩⲉⲣⲙⲟⲡⲟⲗⲓⲥ ⲙⲁⲅⲛⲁ). ϧⲉⲛ ⲡⲁⲓⲙⲁ ⲁ̀ ⲟⲩⲙⲏϣ ⲛ̀ϣ̀ⲫⲏⲣⲓ ϣⲱⲡⲓ ⲟⲩⲟϩ ⲛⲓⲓ̀ⲇⲱⲗⲟⲛ ⲉⲧⲟϣ ⲁⲩϩⲉⲓ . ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲥ̀ⲙⲟⲩ ⲉ̀ⲧⲁⲓⲃⲁⲕⲓ ⲟⲩⲟϩ ⲁϥϣⲱⲡⲓ ⲙ̀ⲙⲁⲩ ⲛ̀ⲟⲩⲥⲏⲟⲩ.
ⲙⲉⲛⲉⲛⲥⲁ ⲁϥⲙⲟϣⲓ ⲉ̀ⲥⲁⲣⲏⲥ ⲟⲩⲟϩ ⲁϥⲓ̀ ⲉ̀ⲇⲁⲓⲣⲟⲩⲧ ⲟⲙⲛⲁϧⲗⲁ ⲟⲩⲟϩ ⲉ̀ⲃⲟⲗϧⲉⲛ ⲙ̀ⲙⲁⲩ ⲁϥⲉⲣϩⲱⲧ ⲉ̀ⲕⲱⲙ ⲙⲁⲣⲓⲁ̀ ⲉ̀ⲧⲉ ⲡⲓⲑⲁⲗ ⲙ̀ⲙⲁⲣⲓⲁ̀ ⲟⲩⲟϩ ⲁϥϭⲓⲙ̀ⲧⲟⲛ ϧⲉⲛ ⲡⲁⲓⲙⲁ. ⲡⲓⲑⲁⲗ ⲙ̀ⲙⲁⲣⲓⲁ̀ ϧⲉⲛ ⲡⲓⲁ̀ⲃⲏⲧ ⲛ̀ⲧⲉ ⲁⲃⲃⲁ ⲓⲱⲁ̅ (ⲁⲡⲁ ϩⲉⲛⲛⲓⲥ) ⲥⲉⲙⲟⲩϯ ⲉ̀ⲣⲟϥ ⲙ̀ⲡⲁⲓⲣⲏϯ ⲉ̀ⲫⲟⲟⲩ.
ⲙⲉⲛⲉⲛⲥⲁ ⲁϥⲙⲟϣⲓ ⲉ̀ⲥⲁⲣⲏⲥ ⲟⲩⲟϩ ⲁϥⲓ̀ ⲉ̀ⲇⲁⲓⲣⲟⲩⲧ ⲟⲙⲛⲁϧⲗⲁ ⲟⲩⲟϩ ⲉ̀ⲃⲟⲗϧⲉⲛ ⲙ̀ⲙⲁⲩ ⲁϥⲉⲣϩⲱⲧ ⲉ̀ⲕⲱⲙ ⲙⲁⲣⲓⲁ̀ ⲉ̀ⲧⲉ ⲡⲓⲑⲁⲗ ⲙ̀ⲙⲁⲣⲓⲁ̀ ⲟⲩⲟϩ ⲁϥϭⲓⲙ̀ⲧⲟⲛ ϧⲉⲛ ⲡⲁⲓⲙⲁ. ⲡⲓⲑⲁⲗ ⲙ̀ⲙⲁⲣⲓⲁ̀ ϧⲉⲛ ⲡⲓⲁ̀ⲃⲏⲧ ⲛ̀ⲧⲉ ⲁⲃⲃⲁ ⲓⲱⲁ̅ (ⲁⲡⲁ ϩⲉⲛⲛⲓⲥ) ⲥⲉⲙⲟⲩϯ ⲉ̀ⲣⲟϥ ⲙ̀ⲡⲁⲓⲣⲏϯ ⲉ̀ⲫⲟⲟⲩ.
ⲙⲉⲛⲉⲛⲥⲁ ⲁϥⲙⲟϣⲓ ⲉ̀ⲥⲁⲣⲏⲥ ⲟⲩⲟϩ ⲁϥⲓ̀ ⲉ̀ⲇⲁⲓⲣⲟⲩⲧ ⲟⲙⲛⲁϧⲗⲁ ⲟⲩⲟϩ ⲉ̀ⲃⲟⲗϧⲉⲛ ⲙ̀ⲙⲁⲩ ⲁϥⲉⲣϩⲱⲧ ⲉ̀ⲕⲱⲙ ⲙⲁⲣⲓⲁ̀ ⲉ̀ⲧⲉ ⲡⲓⲑⲁⲗ ⲙ̀ⲙⲁⲣⲓⲁ̀ ⲟⲩⲟϩ ⲁϥϭⲓⲙ̀ⲧⲟⲛ ϧⲉⲛ ⲡⲁⲓⲙⲁ. ⲡⲓⲑⲁⲗ ⲙ̀ⲙⲁⲣⲓⲁ̀ ϧⲉⲛ ⲡⲓⲁ̀ⲃⲏⲧ ⲛ̀ⲧⲉ ⲁⲃⲃⲁ ⲓⲱⲁ̅ (ⲁⲡⲁ ϩⲉⲛⲛⲓⲥ) ⲥⲉⲙⲟⲩϯ ⲉ̀ⲣⲟϥ ⲙ̀ⲡⲁⲓⲣⲏϯ ⲉ̀ⲫⲟⲟⲩ.
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲡⲓϯⲙⲓ ⲇⲁⲓⲣⲟⲩⲧ ⲉⲗ ϣⲉⲣⲓϥ ⲥⲓⲱⲟⲩⲧ
ⲁϥⲟⲩⲱⲧⲉⲃ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ⲃⲟⲗϧⲉⲛ ̀ϣⲙⲟⲩⲛ ⲃ/ ⲉ̀ⲥⲁⲣⲏⲥ ⲛⲁⲩ ⲕ/ ⲛ̀ⲕⲓⲗⲟⲙⲉⲧⲣⲟⲛ ⲉ̀ⲡ̀ⲥⲁ ⲛ̀ⲇⲁⲓⲣⲟⲩⲧ ⲉⲗϣⲉⲣⲓϥ (ⲫⲓⲗⲓⲥ).
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ ϧⲉⲛ ⲡⲓϯⲙⲓ ⲕⲱⲥⲕⲁⲙ
̀ⲉⲃⲟⲗϧⲉⲛ ⲇⲁⲓⲣⲟⲩⲧ ⲉⲗϣⲉⲣⲓϥ ⲁϥⲟⲩⲱⲧⲉⲃ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ⲡⲓϯⲙⲓ ⲕⲱⲥⲕⲁⲙ (ⲕⲟⲥⲉⲧ-ⲕⲱⲥⲓⲁ̀) ⲙ̀ⲙⲁⲩ ⲁϥϩⲉⲓ ⲛ̀ϫⲉ ⲡⲟⲩⲛⲟⲩϯ ⲛ̀ⲓ̀ⲇⲱⲗⲟⲛ ⲟⲩⲟϩ ⲁϥⲕⲱϣ ⲥⲁⲧⲟⲧϥ ⲡⲓⲗⲁⲟⲥ ⲛ̀ⲧⲉ ⲡⲁⲓϯⲙⲓ ⲁϥϫⲱⲛⲧ ⲟⲩⲟϩ ⲁϥϭⲟϫⲓ ⲛ̀ⲥⲱⲟⲩ ⲥⲁⲃⲟⲗ ⲙ̀ⲡⲟⲩⲑⲱϣ . ⲉⲑⲃⲉ ⲫⲁⲓ ⲡⲁⲓϯⲙⲓ ⲁϥϣⲱⲡⲓ ⲉϥϣⲱϥ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ ϧⲉⲛ ⲡⲓϯⲙⲓ ⲙⲉⲣ
ⲁϥⲫⲱⲧ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ⲃⲟⲗϧⲉⲛ ⲕⲱⲥⲕⲁⲙ ⲟⲩⲟϩ ⲁϥⲙⲟϣⲓ ⲉ̀ⲡⲓϯⲙⲓ ⲙⲉⲣ . ⲫⲁⲓ ⲉϥⲟⲩⲏ̀ⲟⲩ ⲛ̀ⲕⲱⲥⲓⲁ̀ ⲛⲁⲩ ⲍ/ ⲛ̀ⲕⲓⲗⲟⲙⲉⲧⲣⲟⲛ ⲙ̀ⲡⲉⲙⲉⲛⲧ ⲙ̀ⲙⲟϥ .
ⲛⲓⲣⲉⲙⲙ̀ⲙⲉⲣ ⲁⲩϯⲧⲁⲓⲟ̀ ⲙ̀ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ⲙⲁϣⲱ ⲡⲁⲓⲣⲏϯ ⲁϥⲥ̀ⲙⲟⲩ ⲉ̀ⲣⲱⲟⲩ ⲛ̀ϫⲉ ⲡⲉⲛⲟ̅ⲥ̅ ⲓⲏⲥ̅ ⲛⲉⲙ ⲧⲉϥⲙⲁⲩ ⲙ̀ⲡⲁⲣⲑⲉⲛⲟⲥ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ ϧⲉⲛ ⲡⲓⲧⲱⲟⲩ ⲛ̀ⲧⲉ ⲕⲱⲥⲕⲁⲙ
̀ⲉⲃⲟⲗϧⲉⲛ ⲙⲉⲣ ⲁϥⲟⲩⲱⲧⲉⲃ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ⲃⲟⲗ ⲙ̀ⲙⲁⲩ ⲉ̀ⲡⲓⲧⲱⲟⲩ ⲛ̀ⲕⲱⲥⲕⲁⲙ ⲡⲓⲙⲁ ⲉ̀ⲟⲩⲟⲛ ⲙ̀ⲙⲟϥ ϯⲛⲟⲩ ⲙ̀ⲡⲓⲙⲟⲛⲁⲥⲧⲏⲣⲓⲟⲛ ⲉⲗⲙⲟϩⲁⲣⲁⲕ . ⲡⲁⲓⲙⲁ ⲛ̀ⲧⲉ ⲡⲓⲙⲟⲛⲁⲥⲧⲏⲣⲓⲟⲛ ⲡⲉ ⲟⲩⲛⲓϣϯ ⲛ̀ϩⲟⲩⲟ̀ ϧⲉⲛ ⲛⲓⲙⲁⲛ̀ⲟ̀ϩⲓ ⲙ̀ⲡⲓϫⲓⲛϩⲱⲗ ⲛ̀ⲧⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϣⲁⲛ̀ⲧⲟⲩⲙⲟⲩϯ ⲉ̀ⲣⲟϥ ϫⲉ ϯⲙⲁϩ ⲥ̀ⲛⲟⲩϯ ⲙ̀ⲃⲏⲑⲗⲉⲉⲙ ⲡⲁⲓⲙⲟⲛⲁⲥⲧⲏⲣⲓⲟⲛ ⲉϥⲭⲏ ⲉ̀ϧ̀ⲣⲏⲓ ⲉ̀ⲡⲓⲧⲱⲟⲩ ⲙ̀ⲡⲉⲙⲉⲛⲧ ⲫⲏⲉⲧⲟⲓ ⲛ̀ⲥⲟⲓⲛ ϫⲉ ⲡⲓⲧⲱⲟⲩ ⲛ̀ⲕⲱⲥⲕⲁⲙ . ⲡⲁⲓⲧⲱⲟⲩ ⲉϥⲟⲩⲏ̀ⲟⲩ ⲛⲁⲩ ⲓⲃ̅ ⲛ̀ⲕⲓⲗⲟⲙⲉⲧⲣⲟⲛ ⲥⲁⲡⲉⲙⲉⲛⲧ ⲙ̀ⲡⲓϯⲙⲓ ⲁⲗⲕⲱⲥⲓⲁ̀ ϧⲉⲛ ⲡ̀ⲑⲟϣ ⲛ̀ⲥⲓⲱⲟⲩⲧ ⲟⲩⲟϩ ⲉϥⲟⲩⲏ̀ⲟⲩ ⲟⲛ ⲛⲁⲩ ⲧⲕ̅ⲍ̅ ⲛ̀ⲕⲓⲗⲟⲙⲉⲧⲣⲟⲛ ⲉ̀ⲥⲁⲣⲏⲥ ⲛ̀ⲧⲉ ⲕⲁϩⲓⲣⲁ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲟ̀ϩⲓ ⲛⲁⲩ ⲋ/ ⲛ̀ⲁ̀ⲃⲟⲧ ⲛⲉⲙ ⲓ/ ⲛ̀ⲉ̀ϩⲟⲟⲩ ϧⲉⲛ ⲡⲓⲃⲏⲃ ⲫⲏⲉⲧⲁϥϣⲱⲡⲓ ⲛ̀ⲟⲩⲉⲣⲫⲉⲓ ϧⲉⲛ ϯⲉⲕⲕ̀ⲗⲏⲥⲓⲁ̀ ⲛ̀ⲁⲡⲁⲥ ⲛ̀ⲧⲉ ϯⲡⲁⲣⲑⲉⲛⲟⲥ ⲉ̀ⲡ̀ⲥⲁ ⲙ̀ⲡⲉⲙⲉⲛⲧ ⲙ̀ⲡⲓⲙⲟⲛⲁⲥⲧⲏⲣⲓⲟⲛ . ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲧⲁⲓⲉⲕⲕ̀ⲗⲏⲥⲓⲁ̀ ⲡⲉ ⲡⲓⲛⲓϣϯ ⲛ̀ⲱ̀ⲛⲓ ⲉ̀ⲛⲁϥϩⲉⲙⲥⲓ ϩⲓϫⲱϥ ⲛ̀ϫⲉ ⲡⲭⲥ̅ ⲡⲓⲕⲟⲩϫⲓ ⲛ̀ⲁ̀ⲗⲟⲩ ⲛ̀ⲛⲟⲩϯ ϧⲉⲛ ⲡⲓⲥⲏⲟⲩ ⲉ̀ⲛⲁϥⲭⲏ ⲙ̀ⲙⲁⲩ .
ϧⲉⲛ ⲡⲁⲓⲙⲟⲛⲁⲥⲧⲏⲣⲓⲟⲛ ⲁ̀ ⲟⲩⲁⲅⲅⲉⲗⲟⲥ ⲛ̀ⲧⲉ ⲡⲟ̅ⲥ̅ ⲟⲩⲟⲛϩϥ ⲉ̀ⲓⲱⲥⲏⲫ ⲡⲓⲑ̀ⲙⲏⲓ ⲛ̀ϧⲉⲗⲗⲟ ϧⲉⲛ ⲟⲩⲣⲁⲥⲟⲓ̀ ⲉϥϫⲱ ⲙ̀ⲙⲟⲥ , ϫⲉ ⲧⲱⲛⲕ ϭⲓ ⲙ̀ⲡⲓⲁ̀ⲗⲟⲩ ⲛⲉⲙ ⲧⲉϥⲙⲁⲩ ⲟⲩⲟϩ ⲙⲁϣⲉⲛⲁⲕ ⲉ̀ⲡ̀ⲕⲁϩⲓ ⲙ̀ⲡⲓⲥⲗ̅ ⲁⲩⲙⲟⲩ ⲅⲁⲣ ⲛ̀ϫⲉ ⲛⲏⲉⲧⲕⲱϯ ⲛ̀ⲥⲁ ⲧ̀ⲯⲩⲭⲏ ⲙ̀ⲡⲓⲁ̀ⲗⲟⲩ .
(ⲙⲁⲧ ⲃ/ , ⲕ/)
ⲡⲁⲓⲣⲏϯ ⲁ̀ ϯⲡ̀ⲣⲟⲫⲏⲧⲓⲁ̀ ⲛ̀ⲧⲉ ̀ⲱⲥⲏ ϫⲱⲕ ⲉ̀ⲃⲟⲗ ⲑⲁⲓ ⲑⲏⲉⲧϫⲟⲥ , ϫⲉ ⲁⲓⲙⲟⲩϯ ⲉ̀ⲡⲁϣⲏⲣⲓ ⲉ̀ⲃⲟⲗϧⲉⲛ ⲭⲏⲙⲓ
(̀ⲱⲥ ⲓⲁ̅ , ⲁ/)
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ ϧⲉⲛ ⲡⲓⲧⲱⲟⲩ ⲛ̀ⲧⲉ ⲕⲱⲥⲕⲁⲙ
̀ⲉⲃⲟⲗϧⲉⲛ ⲙⲉⲣ ⲁϥⲟⲩⲱⲧⲉⲃ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ⲃⲟⲗ ⲙ̀ⲙⲁⲩ ⲉ̀ⲡⲓⲧⲱⲟⲩ ⲛ̀ⲕⲱⲥⲕⲁⲙ ⲡⲓⲙⲁ ⲉ̀ⲟⲩⲟⲛ ⲙ̀ⲙⲟϥ ϯⲛⲟⲩ ⲙ̀ⲡⲓⲙⲟⲛⲁⲥⲧⲏⲣⲓⲟⲛ ⲉⲗⲙⲟϩⲁⲣⲁⲕ . ⲡⲁⲓⲙⲁ ⲛ̀ⲧⲉ ⲡⲓⲙⲟⲛⲁⲥⲧⲏⲣⲓⲟⲛ ⲡⲉ ⲟⲩⲛⲓϣϯ ⲛ̀ϩⲟⲩⲟ̀ ϧⲉⲛ ⲛⲓⲙⲁⲛ̀ⲟ̀ϩⲓ ⲙ̀ⲡⲓϫⲓⲛϩⲱⲗ ⲛ̀ⲧⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϣⲁⲛ̀ⲧⲟⲩⲙⲟⲩϯ ⲉ̀ⲣⲟϥ ϫⲉ ϯⲙⲁϩ ⲥ̀ⲛⲟⲩϯ ⲙ̀ⲃⲏⲑⲗⲉⲉⲙ ⲡⲁⲓⲙⲟⲛⲁⲥⲧⲏⲣⲓⲟⲛ ⲉϥⲭⲏ ⲉ̀ϧ̀ⲣⲏⲓ ⲉ̀ⲡⲓⲧⲱⲟⲩ ⲙ̀ⲡⲉⲙⲉⲛⲧ ⲫⲏⲉⲧⲟⲓ ⲛ̀ⲥⲟⲓⲛ ϫⲉ ⲡⲓⲧⲱⲟⲩ ⲛ̀ⲕⲱⲥⲕⲁⲙ . ⲡⲁⲓⲧⲱⲟⲩ ⲉϥⲟⲩⲏ̀ⲟⲩ ⲛⲁⲩ ⲓⲃ̅ ⲛ̀ⲕⲓⲗⲟⲙⲉⲧⲣⲟⲛ ⲥⲁⲡⲉⲙⲉⲛⲧ ⲙ̀ⲡⲓϯⲙⲓ ⲁⲗⲕⲱⲥⲓⲁ̀ ϧⲉⲛ ⲡ̀ⲑⲟϣ ⲛ̀ⲥⲓⲱⲟⲩⲧ ⲟⲩⲟϩ ⲉϥⲟⲩⲏ̀ⲟⲩ ⲟⲛ ⲛⲁⲩ ⲧⲕ̅ⲍ̅ ⲛ̀ⲕⲓⲗⲟⲙⲉⲧⲣⲟⲛ ⲉ̀ⲥⲁⲣⲏⲥ ⲛ̀ⲧⲉ ⲕⲁϩⲓⲣⲁ .
ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲟ̀ϩⲓ ⲛⲁⲩ ⲋ/ ⲛ̀ⲁ̀ⲃⲟⲧ ⲛⲉⲙ ⲓ/ ⲛ̀ⲉ̀ϩⲟⲟⲩ ϧⲉⲛ ⲡⲓⲃⲏⲃ ⲫⲏⲉⲧⲁϥϣⲱⲡⲓ ⲛ̀ⲟⲩⲉⲣⲫⲉⲓ ϧⲉⲛ ϯⲉⲕⲕ̀ⲗⲏⲥⲓⲁ̀ ⲛ̀ⲁⲡⲁⲥ ⲛ̀ⲧⲉ ϯⲡⲁⲣⲑⲉⲛⲟⲥ ⲉ̀ⲡ̀ⲥⲁ ⲙ̀ⲡⲉⲙⲉⲛⲧ ⲙ̀ⲡⲓⲙⲟⲛⲁⲥⲧⲏⲣⲓⲟⲛ . ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲧⲁⲓⲉⲕⲕ̀ⲗⲏⲥⲓⲁ̀ ⲡⲉ ⲡⲓⲛⲓϣϯ ⲛ̀ⲱ̀ⲛⲓ ⲉ̀ⲛⲁϥϩⲉⲙⲥⲓ ϩⲓϫⲱϥ ⲛ̀ϫⲉ ⲡⲭⲥ̅ ⲡⲓⲕⲟⲩϫⲓ ⲛ̀ⲁ̀ⲗⲟⲩ ⲛ̀ⲛⲟⲩϯ ϧⲉⲛ ⲡⲓⲥⲏⲟⲩ ⲉ̀ⲛⲁϥⲭⲏ ⲙ̀ⲙⲁⲩ .
ϧⲉⲛ ⲡⲁⲓⲙⲟⲛⲁⲥⲧⲏⲣⲓⲟⲛ ⲁ̀ ⲟⲩⲁⲅⲅⲉⲗⲟⲥ ⲛ̀ⲧⲉ ⲡⲟ̅ⲥ̅ ⲟⲩⲟⲛϩϥ ⲉ̀ⲓⲱⲥⲏⲫ ⲡⲓⲑ̀ⲙⲏⲓ ⲛ̀ϧⲉⲗⲗⲟ ϧⲉⲛ ⲟⲩⲣⲁⲥⲟⲩⲓ̀ ⲉϥϫⲱ ⲙ̀ⲙⲟⲥ , ϫⲉ ⲧⲱⲛⲕ ϭⲓ ⲙ̀ⲡⲓⲁ̀ⲗⲟⲩ ⲛⲉⲙ ⲧⲉϥⲙⲁⲩ ⲟⲩⲟϩ ⲙⲁϣⲉⲛⲁⲕ ⲉ̀ⲡ̀ⲕⲁϩⲓ ⲙ̀ⲡⲓⲥⲗ̅ ⲁⲩⲙⲟⲩ ⲅⲁⲣ ⲛ̀ϫⲉ ⲛⲏⲉⲧⲕⲱϯ ⲛ̀ⲥⲁ ⲧ̀ⲯⲩⲭⲏ ⲙ̀ⲡⲓⲁ̀ⲗⲟⲩ .
(ⲙⲁⲧ ⲃ/ , ⲕ)
ⲡⲁⲓⲣⲏϯ ⲁ̀ ϯⲡ̀ⲣⲟⲫⲏⲧⲓⲁ̀ ⲛ̀ⲧⲉ ̀ⲱⲥⲏ ϫⲱⲕ ⲉ̀ⲃⲟⲗ ⲑⲁⲓ ⲑⲏⲉⲧϫⲟⲥ , ϫⲉ ⲁⲓⲙⲟⲩϯ ⲉ̀ⲡⲁϣⲏⲣⲓ ⲉ̀ⲃⲟⲗϧⲉⲛ ⲭⲏⲙⲓ
(̀ⲱⲥ ⲓⲁ̅ , ⲁ/)
ⲡⲓϫⲓⲛⲧⲁⲥⲑⲟⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ϧⲉⲛ ⲡⲓⲧⲱⲟⲩ ⲙ̀ⲡⲉⲙⲉⲛⲧ ⲛ̀ⲧⲉ ⲥⲓⲱⲟⲩⲧ
ϩϧⲉⲛ ⲡⲓⲙⲱⲓⲧ ⲙ̀ⲡⲓϫⲓⲛⲧⲁⲥⲑⲟ ⲁϥϣⲉⲛⲁϥ ⲛ̀ϫⲉ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲉ̀ⲃⲟⲗϩⲓⲧⲉⲛ ⲟⲩⲕⲉⲙⲱⲓⲧ ⲉⲧⲁϥⲣⲓⲕⲓ ⲛ̀ⲟⲩⲕⲟⲩϫⲓ ⲉ̀ⲥⲁⲣⲏⲥ ϣⲁ ⲡⲓⲧⲱⲟⲩ ⲛ̀ⲥⲁⲡⲉⲙⲉⲛⲧ ⲛ̀ⲥⲓⲱⲟⲩⲧ ⲟⲩⲟϩ ⲡⲓⲣⲉⲙⲛ̀ⲏ̀ⲓ ⲉⲑ̅ⲩ̅ ⲁϥⲥ̀ⲙⲟⲩ ⲉ̀ⲡⲁⲓⲙⲁ ⲉⲑⲃⲉ ⲫⲁⲓ ⲁⲩⲕⲱⲧ ⲙ̀ⲙⲁⲩ ⲛ̀ⲟⲩⲙⲟⲛⲁⲥⲧⲏⲣⲓⲟⲛ ⲉ̀ⲫ̀ⲣⲁⲛ ⲛ̀ϯⲡⲁⲣⲑⲉⲛⲟⲥ ⲙⲁⲣⲓⲁ̀ ⲉϥⲟⲩⲏ̀ⲟⲩ ⲛⲁⲩ ⲏ/ ⲛ̀ⲕⲓⲗⲟⲙⲉⲧⲣⲟⲛ ⲛ̀ⲥⲁⲡⲉⲙⲉⲛⲧ ⲉ̀ⲥⲁⲣⲏⲥ ⲛ̀ⲥⲓⲱⲟⲩⲧ .
ⲟⲩⲟϩ ⲁⲩⲓ̀ ⲉ̀ϩ̀ⲣⲏⲓ ⲉ̀ⲕⲁϩⲓⲣⲁ ⲛ̀ⲁⲡⲁⲥ ⲟⲩⲟϩ ⲉ̀ⲃⲟⲗ ⲙ̀ⲙⲁⲩ ⲁⲩⲙⲟϣⲓ ⲉ̀ⲙⲁⲧⲁⲣⲓⲁ̀ ⲙⲉⲛⲉⲛⲥⲁ ⲉ̀ⲡⲓⲙⲁⲛϫⲱⲕⲉⲙ ⲟⲩⲟϩ ⲁⲩⲓ̀ ⲉ̀ⲥⲓⲛⲁ ⲙⲉⲛⲉⲛⲥⲁ ⲁⲩϣⲉ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲙ̀ⲡⲓⲥⲗ̅ ⲁⲩϣⲉⲛⲱⲟⲩ ⲉ̀ⲛⲓⲥⲁ ⲛ̀ⲧⲉ ϯⲅⲁⲗⲓⲗⲉⲁ̀ ⲟⲩⲟϩ ⲁⲩϣⲱⲡⲓ ϧⲉⲛ ⲟⲩⲃⲁⲕⲓ ⲉⲩⲙⲟⲩϯ ⲉ̀ⲣⲟⲥ ϫⲉ ⲛⲁⲍⲁⲣⲉⲑ ϩⲟⲡⲱⲥ ⲛ̀ⲧⲉϥϫⲱⲕ ⲉ̀ⲃⲟⲗ ⲛ̀ϫⲉ ⲫⲏⲉⲧⲁϥϫⲟϥ ⲉ̀ⲃⲟⲗ ϩⲓⲧⲟⲧⲟⲩ ⲛ̀ⲛⲓⲡ̀ⲣⲟⲫⲏⲧⲏⲥ ϫⲉ ⲉⲩⲉ̀ⲙⲟⲩϯ ⲉ̀ⲣⲟϥ ϫⲉ ⲡⲓⲣⲉⲙⲛⲁⲍⲁⲣⲉⲑ .
ⲡⲁⲓⲣⲏϯ ⲁϥϫⲱⲕ ⲉ̀ⲃⲟⲗ ⲛ̀ϫⲉ ⲡⲓϫⲓⲛϩⲱⲗ ⲉⲧϧⲟⲥⲓ ⲫⲏⲉⲧⲁϥⲙⲟⲩⲛ ⲉ̀ⲃⲟⲗ ⲛ̀ϩⲟⲩⲟ̀ ⲛ̀ⲅ/ ⲛ̀ⲣⲟⲙⲡⲓ ⲟⲩⲟϩ ⲁⲩⲉⲣ ⲛ̀ϩⲟⲩⲟ̀ ⲛ̀ϣⲟ ⲃ/ ⲛ̀ⲕⲓⲗⲟⲙⲉⲧⲣⲟⲛ ⲛⲉ ⲙ̀ⲙⲟⲛⲧⲱⲟⲩ ⲛ̀ⲟⲩϩⲗⲓ ⲉ̀ⲃⲏⲗ ⲉ̀ⲟⲩⲉ̀ⲱ̀ ⲛ̀ϫⲱⲃ ⲫⲏⲉⲧⲁϥϩⲉⲙⲥⲓ ϩⲓϫⲱϥ ⲛ̀ϫⲉ ϯⲙⲁⲥⲛⲟⲩϯ ⲟⲩⲟϩ ⲛ̀ⲟⲩⲥⲏⲟⲩ ⲛⲁⲩⲉⲣϩⲱⲧ ϧⲉⲛ ⲟⲩϫⲟⲓ ⲁⲗⲗⲁ ⲛ̀ϩⲟⲩⲟ̀ ⲙ̀ⲡⲓⲙⲱⲓⲧ ⲛⲁⲩⲟⲓ ⲛ̀ⲣⲉⲙⲛ̀ⲣⲁⲧⲟⲩ ⲉⲩⲁ̀ⲙⲟⲛⲓ ⲛ̀ⲧⲟⲧⲟⲩ ⲛ̀ⲛⲁⲓϧⲓⲥⲓ ⲛ̀ⲧⲉ ⲡ̀ϫⲓⲛⲙⲟϣⲓ ⲛⲉⲙ ⲡⲓϧ̀ⲙⲟⲙ ⲙ̀ⲡⲓϣⲱⲙ ⲛⲉⲙ ⲡⲓϫⲁϥ
ⲛ̀ϯⲫ̀ⲣⲱ , ⲡⲓϩ̀ⲕⲟ ⲛⲉⲙ ⲡⲓⲓ̀ⲃⲓ ⲛⲉⲙ ⲡⲓϭⲟϫⲓ ⲛ̀ⲥⲱⲟⲩ ϧⲉⲛ ⲙⲁⲓ ⲛⲓⲃⲉⲛ .
ⲧⲁⲫ̀ⲙⲏⲓ ⲡⲁⲓϫⲓⲛϩⲱⲗ ⲛⲉ ⲟⲩϫⲓⲛϩⲱⲗ ⲉϥϩⲟⲣϣ ⲉ̀ⲙⲁϣⲱ ⲟⲩⲟϩ ⲁ̀ ⲡⲓⲕⲟⲩϫⲓ ⲛ̀ⲁ̀ⲗⲟⲩ ⲛ̀ⲛⲟⲩϯ ⲛⲉⲙ ⲧⲉϥⲙⲁⲩ ⲙ̀ⲡⲁⲣⲑⲉⲛⲟⲥ ⲛⲉⲙ ⲓⲱⲥⲏⲫ ⲡⲓⲑ̀ⲙⲏⲓ ⲁ̀ⲙⲟⲛⲓ ⲛ̀ⲧⲟⲧⲟⲩ ⲛ̀ⲛⲁⲓϧⲓⲥⲓ ⲧⲏⲣⲟⲩ ϧⲉⲛ ⲣⲁϣⲓ ⲛⲓⲃⲉⲛ ⲉⲑⲃⲏⲧⲉⲛ ⲛⲉⲙ ⲉⲑⲃⲉ ⲡⲉⲛⲟⲩϫⲁⲓ .