ϩⲁⲛⲥϧⲁⲓ
ⲟⲩⲥϧⲁⲓ ⲛ̀ⲧⲉ ⲡⲁⲡⲛⲟⲩⲧⲑⲟⲥ
ⲡⲁⲡⲛⲟⲩⲧⲑⲟⲥ ⲡⲉⲧⲥϩⲁⲓ ⲙ̅ⲫⲗⲉⲟⲑⲉⲟⲥ ϫⲉ Ⲧⲣ̅ϣⲡⲏⲣⲉ ⲙ̅ⲙⲟⲕ ⲉⲧⲃⲉ ⲛⲉⲡⲣⲟⲥⲫⲟⲣⲁ ⲛ̅ⲧⲁⲩⲧⲁⲁⲩ ⲉⲧⲟⲟⲧⲕ ϩⲓⲧⲉⲛ ⲛⲉⲕⲣⲓⲙⲁ ⲛⲉⲧⲙⲟⲟⲩⲧ ⲛⲁⲓ ⲉⲧⲉⲣⲉ ⲡⲛⲟⲩⲧⲉ ⲛⲁⲕⲉⲣⲉⲓⲛⲉ ⲙⲙⲟⲕ ⲉⲧⲃⲏⲧⲟⲩ. ⲟⲩ ⲙⲟⲛⲟⲛ ϫⲉ ⲉⲧⲃⲉ ⲛⲉⲡⲣⲟⲥⲫⲟⲣⲁ ⲛⲧⲁⲕⲣ ⲁⲧⲣⲟⲟⲩϣ ⲉⲣⲟⲟⲩ. ⲁⲗⲗⲁ ⲉⲧⲃⲉ ⲧⲁⲕⲉⲙⲛⲧϩⲗⲗⲟ ⲛⲁⲧϭⲟⲙ ⲛⲧⲁ ⲧⲉⲥϩⲁⲡ ⲑⲉⲃⲓⲟ ⲡⲗⲏⲛ ⲡⲛⲟⲩⲧⲉ ⲡⲉⲧⲛⲁⲕⲣⲓⲛⲉ ⲛⲧⲁⲙⲏⲧⲉ ⲙⲛ ⲧⲙⲏⲧⲉ ⲛⲉⲡⲣⲟⲥⲫⲟⲣⲁ ⲛⲙⲙⲁⲕ ⲁⲩⲱ ⲛⲉⲝⲕⲏⲩⲉ ⲟⲛ ⲛⲛⲣⲱⲙⲉ ⲛⲧⲟⲕ ⲥⲟⲟⲩϩ ⲉϩⲟⲩⲛ ⲁⲕⲃⲱⲕ ⲁⲕⲕⲁⲁⲩ ⲉⲓⲛⲁⲧⲱⲟⲩⲛ ⲏⲁ ⲟⲩⲏⲣ ⲛⲑⲗⲓϯⲓⲥ. ⲡⲗⲏⲛ ⲉⲓⲥ ⲡⲛⲟⲩⲧⲉ ⲛⲙⲙⲁⲕ. ⲡⲁⲕⲁⲗⲉⲓ ⲛⲛⲟϭⲛ̅ⲣⲱⲙⲉ ⲛⲅⲉⲓ ⲉⲣⲏⲝ ⲛⲅⲣⲓ ⲛⲉⲥⲕⲏⲩⲉ ⲛ̅ⲛ̅ⲣⲱⲙⲉ ⲕⲁⲁⲩ ϩⲙ ⲡⲁⲙⲁ ⲛⲅⲃⲱⲕ ⲁⲛ ⲉϩⲏⲧ.
ϧⲉⲛ ⲡⲓⲕϩⲟ ⲧⲁⲁⲥ ⲙ̅ⲫⲉⲗⲟⲑⲉⲟⲥ ⲙⲛ ⲁⲡⲁ ϫⲱⲣⲉ ϩⲓⲧⲙ ⲡⲁⲡⲛⲧⲟⲑⲟⲥ ⲡⲉⲗⲁⲭ ⲟⲩϫⲁⲓ ϩⲛ ⲧϭⲟⲙ ⲛ̅ⲧⲉⲧⲣⲓⲁⲥ ⲉⲧⲟⲩⲁⲁⲃ
ⲟⲩⲥϧⲁⲓ ⲛ̀ⲧⲉ ⲁⲍⲁⲣⲓⲁⲥ
ⲓⲥ ⲡⲉⲭⲥ ⲁⲛⲟⲕ ⲁⲍⲁⲣⲓⲁⲥ ⲡⲉⲣⲉϥⲣ̅ⲛⲟⲃⲉ ⲉϥⲥϩⲁⲓ ⲉϥϣⲓⲛⲉ ⲉⲡⲉϥⲙⲉⲣⲓⲧ ⲛⲉⲓⲱⲧ ⲙ̅ⲙⲁⲓⲛⲟⲩⲧⲉ ⲉⲧⲫⲟⲣⲉⲓ ⲙⲡⲉⲭⲥ ϩⲛ ⲟⲩⲙⲉϥⲣⲁⲛⲅⲉ. Ⲧϣⲓⲛⲉ ⲟⲛ ⲉⲡⲁⲥⲟⲛ ⲫⲉⲃⲁⲙⲱⲛ ⲙⲛ ⲛⲉⲥⲛⲏⲩ ⲧⲏⲣⲟⲩ ⲉⲧϩⲁϩⲧⲏⲕ ⲟⲩϫⲁⲓ ϩⲙ ⲡϫⲟⲉⲓⲥ ⲡⲁⲙⲉⲣⲓⲧ ⲛ̅ⲥⲟⲛ. ⲧⲁⲁⲥ ⲙ̀ⲡⲁⲓⲱⲧ ϥⲣⲁⲛⲅⲉ ϩⲓⲧⲛ ⲁⲍⲁⲣⲓⲁⲥ ⲡⲉϥϣⲏⲣⲉ.
ⲟⲩⲥϧⲁⲓ ⲛ̀ⲧⲉ ⲥⲟⲩⲏⲣⲟⲥ
ϣⲟⲣⲡ ⲙⲉⲛ ϣⲓⲛⲉ ⲉⲣⲟⲕ ⲁⲣⲓⲡⲛⲁ ⲧⲛⲛⲟⲟⲩ ⲡⲕⲟⲩⲓ ⲛⲑⲁⲣⲙⲟⲩⲥ ⲛⲁⲛ ⲙⲛ ⲡⲥⲕⲉⲟⲥ ⲛ̅ⲏⲣⲡ ⲉⲡϣⲁ̅ ⲛⲁⲡⲁ ϣⲉⲛⲉⲧⲱⲙ ϫⲉ ⲉⲓⲥ ϩⲏⲏⲧⲉ ⲁϥϩⲱⲛ ⲉϩⲟⲩⲛ ⲡⲗⲏⲛ ⲁⲛⲓⲥⲓⲟⲩ ⲛⲅⲉⲓ ⲉⲣⲏⲥ ⲛ̅ⲧⲛⲧⲁⲙⲟⲕ ⲉⲡⲉⲓϣⲁϫⲉ ⲛ̅ⲁⲛⲁⲅⲕⲁⲓⲱⲥ ⲗⲟⲓⲡⲟⲛ ⲙ̅ⲡⲣⲁⲙⲉⲗⲉⲓ.
ⲟⲩϫⲁⲓ ϩⲙ ⲡϫⲟⲉⲓⲥ. ⲏ̅ ⲁⲅⲓⲁ ⲧⲣⲓⲁⲥ ⲥⲟⲩⲏⲣⲟⲥ ϣⲉⲛⲉⲧⲱⲙ ⲡⲉⲓⲉⲗⲁⲭⲓⲥⲧⲟⲥ.
ⲡⲓⲉⲣⲭⲁⲕⲓ ⲛ̀ⲧⲉ ⲫⲣⲏ
ϩⲛ ⲝⲟⲩ ⲙⲛⲧⲁϥⲧⲉ ⲙⲫⲁⲙⲉⲛⲱⲑ ⲧⲏⲥ ⲧⲉⲧⲁⲣⲧⲏⲥ ⲓⲛⲇⲓⲕ ⲁⲡⲣⲏ ⲣⲕⲁⲕⲉ ⲛ ϫ̅ⲡ̅ ϥⲧⲟ ⲙⲡⲉϩⲟⲟⲩ. ⲁⲩⲱ ϩⲛ ⲧⲉⲣⲟⲙⲡⲉ ⲉⲧⲉⲣⲉ ⲡⲉⲧⲣⲟⲥ ⲙⲡⲁⲗⲟⲩ ⲟⲩⲛⲗⲁϣⲁⲛⲉ ⲉϫⲏⲙⲉ ⲛ̅ϩⲏⲧⲥ.
ϧⲉⲛ ⲟⲩⲙϩⲁⲩ
ⲱ ϫⲉ ⲟⲩⲁϣ ⲙ̀ⲙⲓⲛⲉ ⲡⲉ ⲡⲉⲓⲡⲱⲣϫ. ⲱ ϭⲓⲛⲃⲱⲕ ⲉⲡϣⲉⲙⲙⲟ ⲉϥⲟⲩ ⲏⲟⲩ ⲡⲁⲣⲁ ⲛ̀ⲥⲟⲡ ⲧⲏⲣⲟⲩ. ⲱ ϭⲓⲛ ⲡⲗⲉⲁ ⲉⲥⲛⲁϣⲧ ⲉⲛⲉⲓ ⲉⲛⲉⲕⲣⲟ. ⲱ ⲡⲙⲟⲩ ⲡⲣⲁⲛ ⲉⲧⲥⲁϣⲉ ϩⲛ ⲧⲧⲁ ⲡⲣⲟ ⲛ̀ⲟⲩⲟⲛ ⲛⲓⲙ ⲡⲉⲧϣⲱⲱⲧ ⲉⲃⲟⲗ. ⲡⲉⲧⲡⲱⲣϫ ⲉϩⲉⲛⲉⲓⲧⲟⲧⲉ ⲉⲛⲉⲩϣⲏⲣⲉ ⲁⲩⲱ ϩⲉⲛ ϣⲏⲣⲉ ⲉⲛⲉⲩⲉⲓⲟⲧⲉ. ⲟⲩⲟⲛ ⲛⲓⲙ ⲉⲧⲟ ⲙⲙⲁⲒⲣⲓⲙⲉ ⲉϫⲉⲛ ⲛⲉⲛⲧⲁⲩⲙⲟⲩ ⲛ̀ⲧⲟⲟⲧⲟⲩ. ⲙⲁⲣⲟⲩⲉⲓ ⲉⲡⲉⲓⲙⲁ ⲛ̀ⲥⲉϫⲱ ⲛ̀ⲟⲩⲉⲓⲧ ⲉϥⲟⲩⲟⲟⲧⲉ ⲉϫⲛ ⲧⲙⲛⲧⲉⲃⲓⲏⲛ ⲛ̅ⲧⲁⲙⲛⲧϣⲏⲣⲉ ϣⲏⲙ. ⲁⲛⲟⲕ Ⲓⲱϩⲁⲛⲛⲏⲥ ⲡⲓⲇⲓⲁⲕⲓ ⲛ̅ⲭⲏⲣⲁ ⲁⲓⲃⲱⲕ ⲉⲕⲱⲥ ⲧⲡⲟⲗⲓⲥ ⲁⲓⲙⲟⲩ ϩⲙ ⲡⲛⲁ ⲉⲧⲙⲙⲁⲩ ⲁⲩⲛ̅ⲧ ⲁⲩⲕⲁⲁⲧ ϩⲙ ⲡⲉⲓⲧⲁⲫⲟⲥ. ⲁⲣⲓ ⲡⲁⲙⲉⲉⲩⲉ ⲛⲁⲙⲉⲣⲁⲧⲉ ⲧⲉ ⲡⲛⲟⲩⲧⲉ ⲕⲱ ⲛⲁⲒ ⲉⲃⲟⲗ. ⲛ̀ⲧⲁ ⲓⲙⲧⲟⲛ ⲙ̅ⲙⲟⲓ ⲙⲏⲛⲟⲥ ⲫⲁⲫⲓ ⲓⲅ ⲓⲛⲇ ⲓⲅ
ϩⲓϫⲉⲛ ϩⲁⲛⲉⲙⲥⲟⲃⲓ
ⲡⲓⲱⲧ ⲡϣⲏⲣⲉ ⲡⲉⲡ̅ⲛ̅ⲁ̅ ⲉⲧⲟⲩⲁⲁⲃ. ⲁⲡⲁ ⲓⲉⲣⲙⲓⲁⲥ ⲁⲡⲁ ⲉⲛⲱⲭ ⲡⲉⲛⲥⲟⲛ ⲕⲗⲟⲩⲥⲁⲛⲉ ⲡⲉⲩⲥⲏⲣⲉ ⲁϥⲕⲁⲥⲱⲙⲁ ⲉϩⲣⲁⲓ ⲛⲥⲟⲩϫⲟⲩⲧ ⲏⲛⲉⲡⲏⲡ ϩⲛ ⲟⲩⲉⲓⲣⲏ ⲛⲛⲉ ϩⲁⲙⲛⲏ.
ⲓⲥ ⲭⲥ ⲉⲓⲥ ⲑⲉⲟⲥ ⲟⲩⲃⲟⲏⲑⲱ ⲛⲁⲡⲁⲁⲓⲱ ⲛⲡⲁⲓⲕⲟⲩ ⲁϥⲉⲙⲧⲟⲛ ⲙⲟϥ ⲝⲟⲩⲛ ⲑⲟⲟⲩⲧ ⲁⲣⲓ ⲧⲁⲕⲁⲡⲏ ϣⲗⲏⲗ ⲉϫⲱϥ ϩⲁⲙⲏⲛ
ⲉⲛ ⲏⲣⲏⲛⲏ ⲁⲡⲁ ⲃⲣⲁϩⲁⲙ ⲁϥⲙⲛⲧⲁⲛ ⲙⲁϥ ⲛⲟⲟⲩ ⲝⲁⲩ ⲛⲕⲡ ⲏⲕ ⲉⲣⲉ ⲫ̅ ⲉⲣⲟⲩⲏⲉⲓ ⲛⲏⲉⲇ ϩⲟⲩⲏⲣ ⲏⲛⲏ ϩⲁⲙ ⲏⲛ ⲟⲩϫⲉⲓ ϩⲙ ⲡ ⲡϭⲥ